Gagalo euda Iesu Keriso umanawa Luk girumalena 8:41 - Kanasi

^41-42 Sape gagalo duwa onioniawa apanawa ebowa Iairas sau awa Iesu mampe wisen. Me anoopa deaida enawa 12 kero wadeno bolepia baiwaleidie. Ita Iairas Iesu mampe wisene wawa bumpe itulene nuawa uduudu mampe Iesu iririsana me nata duwe antopue anoopa inasapi. Tane Iesu Iairas iririwa etene wawe alala ita Iairas do apana uaraia auauwalala bedeuwointa antoio mo Iesu epaubasaio aleidie.

Gagalo euda Iesu Keriso umanawa Luk girumalena 8:41 Iomraidhean Croise

Gagalo euda Iesu Keriso umanawa Luk girumalena 13:14

Tane gagalo duwa onionialala Iesu i Sabat walamawe inasano ewene nuawa kadileno uduudu sape eneia diamone wanase, “E mai Sabat walamawe kerola bedewe inalempaa baiwa ionuna, diaida. No anaanamba ruawantonte walama 6 os bedewe nolantonta, ita walama sawo e mape ionuno inalempa.”

Gagalo euda Iesu Keriso umanawa Luk girumalena 17:16

Ita me Iesu mampe wisene wawa bumpe itulene auwadewasasadie.

Gagalo euda Iesu Keriso umanawa Luk girumalena 5:8

Tane Saimon Pita dewa ema ewene saidalene Iesu wawa bumpe itulene wane wanase, “Tatamba, ne kadi dewalala wainedina, ene nambe aitaa!”

Gagalo euda Iesu Keriso umanawa Luk girumalena 8:49

Iesu i inalena epe diedio Iairas duwee sowa dea wandie wisene benemalene wanase, “Iairas, e anoa aitamana bolen, Debamamba surakauwa ea.”

Gagalo euda Iesu Keriso umanawa Ion girumalena 11:21

Mata Iesu into donsane diene wanase, “Tatamba, Lasares kerolene wandia walamawe e wiepono ne nona mai bolepona, dia.

Aposel 13:15

Apana sape auwenatuwaieno mo Moses anaanawa ita peroweta girumawa wisiantono eteiena. Ema aupe boru oniedia apanawa Paul ita me sosowa do gagalou wanaubene diamone wanase, “Sosomba, e wasau gagalowa da manlawo winede, ba dia? E gagaloitano no etataa menanede!”

Aposel 18:17

Ita mo gabeman aiawa etane ruawantone nomoio mo uduudu gagalo duwa onioniala apanawa Sositenes wadanaitue gabeman Galio danawe epeiena. Mo Sositenes epeio Galio ewene mai umanawa da wapona, dia.

Aposel 18:8

Bola sa bedewe Iuswa isiwa Paul onawa eneiena, tane gagalo duwa onioniala apanawa ebowa Kirisipas ita me duwe waimoia uduudu Paul gagalowa mampe Tatamba bedewe sumanaintoiena. Tane mai mo os, dia, Korint apanawa uara Paul Gagalo euda amonaleidio etane sumanaintone babatutunton.

Aposel 9:38

Me bolawa Iopa bola Lida tampe naepe Pita walama sawo wandiawo. Sumanailala Iopa bedewe waimoia Pita Lida bedewe wandia umanawa etane sosou nata waaubamoieno me diapue banlepue wimpua awa antoiena. Ita mo wimone me iririsane waienase, “Somba niapo, no e aa winene menanedia tauwadea os e do ana Iopa bedewe!”

Gagalo Sabamolala 5:8

Ita me buka sa wadedio nitu da wanwanlala 4 ita eiau 24 do imimpu emmisintone me wawa bumpe dunentone wadaposisaie. Mo uduudu nitu gita rua otamoiena. Ita do mo deadea redu gold mampe dewalala piupiu bedewe nopelala otamoiena. Sa ipa apana mida God apanawaida kakaibu raupariu aimoia reduwa.