Gagalo euda Iesu Keriso umanawa Luk girumalena 7:4 - Kanasi

^4-5 Mo Iesu mampe wimone badowaida iririsane waienase, “Sorodia debama e sausaa baiwa no waaubaneno e manawo winen. E me sausaa, me apana euda, me no apanamba nuawadawadamodie wande ita no baimba gagalomba duwa wadeno enede.”

Gagalo euda Iesu Keriso umanawa Luk girumalena 7:4 Iomraidhean Croise

Matiu 10:11

E bola debama ba bola kerauda bedewe odonune sape apana dodomana euda wandia banusane donsane me do wainaboe, nolala dialepio tauma ene aitana.

Matiu 10:13

Naita apana du sa bedewe nuaeu do mampolepua e God sauwa euda mo mampo ituno winakasalepi, tane mo e mai mampolepua sau auwawa e walana leusane wadana.

Gagalo euda Iesu Keriso umanawa Luk girumalena 20:35

Tane mo mida God ewamodie insedia eulena ipa mo bo bedewe enapuwimopue inawinakasalawo wankasantopu mo ando mai nainaintopu, dia.

Gagalo euda Iesu Keriso umanawa Luk girumalena 7:3

Tane Rom sorodiawa debama sa Iesu sape wisena umanawa etene Iuswa eiau isiwa waaubamono antoiena Iesu diapuo wisepie me nolawa dewalala kerolena inasapi.

Aposel 10:2

Me ipa Rom apanawa, tane me ita duwe wanwanlala do Romwa Godiu uara lagawaau sumanaibu ene Iuswa sumanaibu bedewentone Godida mampe sumanaintoiena. Ita mo Iuswa Godiu os sawantoie simbiantoie waimoie. Konelias ipa amona apanawa euda. Me Iuswa nuaparelala mane ita nitu uduudu mampe saumodie ita God mampe walama ruawaleidie kainokaino rauparileidie wandie.

Gagalo Sabamolala 3:4

Tane e bola Sadis ekelesiawa bedelawo apana nata os garau mai miramirasaipona waimoi. Mo ipa dodomanauida, sa baiwa mo ando gara sapusapua taumopuo ne do wainente leunta.