Gagalo euda Iesu Keriso umanawa Luk girumalena 6:9 - Kanasi

⁹ Mape Iesu Parisi diamone wanase, “Ne e waitaraledina, dianeano etapa. No anaanamba ambi wade, no Sabat walamawe dewa dainea os dewamonte wainenta? No apana mampo dewa euda dewasanta, ba kadiwa dewasante mo kadimonta? No apana kerolala nuaparentompo ewamonte emonta, ba saumonto inantompa?”

Gagalo euda Iesu Keriso umanawa Luk girumalena 6:9 Iomraidhean Croise

Gagalo euda Iesu Keriso umanawa Mak girumalena 3:4

Ita Iesu apana waitaramone wanase, “No anaanamba ambi wade, no Sabat walamawe dewa dainea os dewamonta? Walama sa bedewe apana kadilempo ewate eta ba sausata? Apana kerolala eto bolepi ba sausato inalepi?” Tane mo epe etane mai dima leusape wapona, dia.

Gagalo euda Iesu Keriso umanawa Luk girumalena 14:3

Ita Iesu me ewene Parisi ita anaana waeuwalala waitaramone wanase, “No anaanamba ambi wade, Sabat walamawe apana kerolala inasata, ba ewate eta?”

Gagalo euda Iesu Keriso umanawa Luk girumalena 6:10

Me mo epe waitaramone ewamodia waitarawa sipoa da wapono etapona, tane dia. Ita me apana witapa bobopa diene wanase, “Witaa aubea.” Me Iesu diena rua witapa aubeno inaidalen.

Gagalo euda Iesu Keriso umanawa Luk girumalena 6:8

Iesu mo dima inseia atenlene apana witapa bobopa diene wanase, “Enawie, apana uduudu danauwo enawo eweepu.” Me Iesu diena rua enenwisene mo danauwo enen.

Gagalo euda Iesu Keriso umanawa Luk girumalena 9:56

Ita mo bola sa dabuasane ene bola dawo antoiena.