Gagalo euda Iesu Keriso umanawa Luk girumalena 23:42 - Kanasi

⁴² Tauma me Iesu diene wanase, “Iesu, e gonaa bedewe odee warereitone ne insanea.”

Gagalo euda Iesu Keriso umanawa Luk girumalena 23:42 Iomraidhean Croise

Gagalo euda Iesu Keriso umanawa Luk girumalena 12:8

Ne dodomana dialedina, me mida apana emalawoasaia danauwo ne ebona wadaposisadie wadiase, ‘Ne ipa Keriso mampea,’ Apana Otopa do ando uboo me Mamba enseliwa danauwo me umanawa wapi wapiase, ‘Me ipa ne mainawoa.’

Gagalo euda Iesu Keriso umanawa Luk girumalena 18:13

Tane takis manewa tamalala apanawa raupari baiwa mai God duwa bedeweido odapona, dia, me God sawalene awoa du moape enene rauparileidie. Tane me mai mo dewau rua pisiwape rauparilepona, dia. Me dunelene enedie kadi dewasana insene nuawa pareleno amatumba epedie os rauparileidie wadiase, ‘Mako, ne kadi dewalala wainedina, nuaparenaite kadina insadabuamoa!’

Gagalo euda Iesu Keriso umanawa Luk girumalena 23:41

No kadiwa dewasatana baiwa tauma malesawa donsaitana, tane apana ema mai kadiwa da dewasapona, di bolepia baiwaleide.”

Gagalo euda Iesu Keriso umanawa Luk girumalena 23:43

Tane Iesu sipoasane wanase, “Ne ulaipa dieedina, ande e ne nata bubua bolawa eudida bedewe wanta.”

Gagalo euda Iesu Keriso umanawa Luk girumalena 24:26

Ne ema epe dialedina, ipawa peroweta bukau bedewe girumalena wadia Keriso no Inawamba wisepie me ideita God insaisawa rua pokaida etepie tauma me sapawaida ita mukawa bedewe odepie waimpa.”

Gagalo euda Iesu Keriso umanawa Ion girumalena 1:49

Tane Nataniel Iesu epe wano insendewalene wanase, “Debamana, e ipa God Otopa, Israelwa warereu.”

Gagalo euda Iesu Keriso umanawa Ion girumalena 20:28

Iesu epe diedio Tomas sumanaiidalene wanase, “E ne Tatana ita Godna!”

Aposel 16:31

Mo sipoasane waienase, “E Tatamba Iesu bedewe sumanaite ita inaitaa, e eba ita e apanaa duawo waimoia do inaitana.”

Aposel 20:21

Ne Iuswa ita uwa daitada apanawa mampo sabamo badowa gagalonten, mo kadi bedewe insaisau leusape God mampe wimope ita Tatamba Iesu bedewe sumanaintopona.

1 Pita 1:11

Tane Aleu kakaiwa mo bedeuwo wandia mukawa mampe Keriso poka etepie ita ema aupe sapawaida wadepia umanawa bauta benemanton. Mo dima Keriso Aleupa kakaiwa waeuwamodio ando walama dainea ita inainamba ambi segalepia donsapona baiwa banusaie.

1 Ion 5:1

Mo mida sumanaintoie waiase, “Iesu ipa Keriso God sauawalena,” mo ipa God segamono me obampa wanantona apanawa. Mo mida God obampa wanantona mo Mambu God nuawadawadasai. Tane mo mida me nuawadawadasaia God obampa do nuawadawadamompa.