Gagalo euda Iesu Keriso umanawa Luk girumalena 22:61 - Kanasi

⁶¹ Tauma Tatamba Iesu leulene dodomana Pita ewen. Tane Pita Tatamba gagalowa wana insaidasan, ipawa Iesu bauta Pita diene wanase, “E walama natadea ne wakoana wae lagaitaa, muriwa kanka aiawa wapi.”

Gagalo euda Iesu Keriso umanawa Luk girumalena 22:61 Iomraidhean Croise

Matiu 26:34

Iesu me aiawa leusane wanase, “Ne ulaipa dieedina, ande tadinawa eida ne wakoana wae lagaitaa walama natadea, muriwa kanka aiawa wapi.”

Matiu 26:75

Tane Pita insendewalen dima Iesu bauta wane wanase, “E ne wakoana wae lagaitaa walama natadea, muriwa kanka aiawa wapi.” Ita Pita nuawa pareidaleno nosene peloo alene ke debamaia wan.

Gagalo euda Iesu Keriso umanawa Mak girumalena 5:30

I sa Iesu garawa wirasadio kerolala inamompaa mukawa me mampe nosedio dauwa etene apana uara bedeuwo leulene enene waitaralene wanase, “Mida ne garana wirasan?”

Gagalo euda Iesu Keriso umanawa Luk girumalena 10:41

Iesu Mata wano etene diene wanase, “Mata, Mata! E dewa uaraia dewamoie surakauedio nuaa pola wadio wainiana!

Gagalo euda Iesu Keriso umanawa Luk girumalena 22:34

Tauma Iesu leusane wanase, “Pita, ne dieedina ande tadinawa e ne wakoana wae lagaitaa walama natadea, muriwa kanka aiawa wapi.”

Gagalo euda Iesu Keriso umanawa Luk girumalena 22:60

Tane Pita sipoasane wanase, “Sona, ne mai atenteapona e dima umanawa waiana!” Pita gagaloleidioma tauwadea os kanka aiawa wan.

Gagalo euda Iesu Keriso umanawa Luk girumalena 22:62

Pita Iesu aiawa bauta wana insendewalene nosene peloo alene nuawa pareidaleno ke debama wan.

Gagalo euda Iesu Keriso umanawa Luk girumalena 7:13

Tatamba obu ewene nuaparewaidalene diene wanase, “Mai nuaa pareidalempa, ke ea!”

Gagalo euda Iesu Keriso umanawa Luk girumalena 7:19

Me mo Iesu mampe waaubamopia baiwalene diamone wanase, “Aitane, Tatamba ema epe diana: ‘E ipa mida God sauawalena wisepona wien, ba no apana da onioniawantonte wainento wisepi?’”

Gagalo euda Iesu Keriso umanawa Ion girumalena 13:38

Mape Iesu leusane Pita diene wanase, “E ide ruaa inawaa itue ee ne baina boitaa, ba? Ne ulaipa dieedina, muriwa kanka aiawa wapi, e bauta walama natadea ne wakoana wae lagaitaa.”

Aposel 5:31

Ita God Iesu uboo meba witapa on deneuwe itunposideno no wareremba ita Inawamba wanalena, me no Israelwa banlanepio insaisamba leusate kadimba eto God insepidabuasapia baiwa.

Epesus 2:11

Apana uduudu bedeuwo no Iuswa os ete nonowa dewawa dewasaite segarantite waitanase, “No ipa ide God apanawaida wainitana.” No uwa daitada apanawa ituaisimoite ebou waite waitanase, “E ete nosiawaia apanawa.” Ebo sa ipawaida ipa e mai God mampea, nambeido wanwanlala. Insenadewaitana e mapo ambi wainile. E mai Iuswaida Israel bedewe muitapona, dia, tane e uwa daitada apanawa nambeaido muiten. E Keriso mai ateitapona, dia, nambeido wainile. Ita saua eubuida uduudu God no Iuswa mida me apanawaida os sauanena nenepi, tane mai e umanala wapona enalepia baiwa, dia. E mai dima da euwa donsapona insaisawaitipe anuwa wanleipe, do Inawala wisepie inalepia mai insaisawaitipe wanleipe, dia. E mai God do, tawo osowe di wankoaitile.

Gagalo Sabamolala 2:5

E omaidasalana, insenadewaitana bauta ambi e ne nuawadawadaneale simbiaiten! Insaisala leusane God mampe dodomanaitana ita dewa eubu bauta dewamoilana rua dewamona. Kadi bedewe e insaisala mai leusane God mampe dodomanaitana ne e manlawo wineape siwala eneiladodedia nepa naepe enedia wadapaaubepa.