Gagalo euda Iesu Keriso umanawa Luk girumalena 2:36 - Kanasi

^36-37 Tane walama sawo peroweta iwa da ebowa Anna God duwa bedewe wandie. Me Penuel anoopa, Asea damba bedewe mulena. Me mapo nainailena enawa 7 dialen, ita badawa boleno aupe obulene wandie gulauidalen, ita enawa 84 waden. Anna God duwa mai walama da epona, dia, me tadina ita walama ruawaleidie sape os wandie God ebowa wadaposisadie idi mampe rauparileidie.

Gagalo euda Iesu Keriso umanawa Luk girumalena 2:36 Iomraidhean Croise

Gagalo euda Iesu Keriso umanawa Luk girumalena 2:35

Ita oto ema mampee apana uara insaisau weregalala sabamontopu. Tane mo uara me dabuasaia baiwa e nuapareidaite e enempaa rua poka etaidasaa.”

Gagalo euda Iesu Keriso umanawa Luk girumalena 2:38

Ita Simion oto baiwa God wadaposisadioma Anna do mo mampo wisene God auwadewadewasadie. Tane me auwawa diasane mo mida Ierusalemwa inamopia onioniawantoie waimoia mampo oto ewena umanawa diadewasamodie.

Aposel 2:18

Walama sawo ne Aleuna wapaaubepo nolana dewalala uduudu, mona ita iwoa do, osouwo iepie banlamompo ne insaisana waeuwamompo rua benemawantompa.

Aposel 21:9

Pilip obampa iwoa nataitanata nainaisiawaia do waimoie. Me obampa iwoa sa Aleu kakaiwa gagalo wanamodia rua God insaisawa gagalowala.

1 Korint 11:5

Deawaa i da rauparileide ba dima Aleu kakaiwa dieno rua wade, tane mo dewau tontawa euda edie uwawa mai lomaleipona, me epe dewaleidie me bumpawaida apana mona mala osowe itude. Tane i ema epe dewalepia, sa ipa me ewaewawa abo uwawa apana mona uwau toia rua topona.

1 Korint 12:1

Ne menanedia e Aleu kakaiwa amonawa enaledia nolawa ateitonune wanlempa. Sa baiwa ne gagalowanteapo e atendewaitana.

1 Timoti 3:2

Tane onionia apanawa mai kadi da dewasapio apana me wawusapu. Me manainapa dea os nata deaitopa waimompa. Me nuawa aiaisiwa ita insaisawa euda dodomana os waimpa, do me ebowa apana euda os wampa. Ita do me sosowa da nuaeuwa mampe duwe banlamompo odompa, do me God aiawa deaitopa waeuwamompe waimpa.

1 Timoti 5:9

Mai obu da ekelesia mampo sau wadompaa baiwa ebou winedia bedewe itua. Tane obuobu enau 60 ainbolena, tane badawa do dodomana waimoiena, mo os ebou itua.

Gagalo Sabamolala 7:6

do Asea damba bedewe 12.000, ita Napitali damba bedewe 12.000, do Manase damba bedewe 12.000,