Gagalo euda Iesu Keriso umanawa Luk girumalena 14:11 - Kanasi

¹¹ Ita mape Iesu gagalo babawa ipawaida waeuwalene wanase, “Me mida meba ituposileidie debamaidaleipona menasadia God me itupiaisidepi. Tane me mida God sawaleidie meba ituaisileidie sosowa atouwoleidie simbiauleidia God me itupiposidepio debamaidalepi.”

Gagalo euda Iesu Keriso umanawa Luk girumalena 14:11 Iomraidhean Croise

Matiu 23:12

Ipawa me mida meba ituposileidie debamaidaleipona menasadia God me itupiaisidepi. Tane me mida God sawaleidie meba ituaisileidie sosowa atouwoleidie simbiauleidia God me itupiposidepio debamaidalepi.”

Gagalo euda Iesu Keriso umanawa Luk girumalena 1:51

Tatamba God dewa pokawaau dewamodituwadio segantoi. Ita mo mida muba segarau waie God ituaisisaie waimoia me ituaisimodio oauarantoie deaantoi.

Gagalo euda Iesu Keriso umanawa Luk girumalena 1:52

Me warere mukamukaua kolaiwatau osowe waimoie warerentoia ituaisimodie nambemodio di wankoantoi. Tane mo mida Tatamba God atowentoie ituaisintoie sosou simbiamoia me apana sa ituposimode.

Gagalo euda Iesu Keriso umanawa Luk girumalena 14:12

Me epe waeuwalene aupe nisolala apanawa diene wanase, “Naita e oda kerauda ba debama nanawa baiwaitone sosoa dainea nisou insea, mai e sosoaida, ba gombaaida ita danaida, ba maura apanawa bolaawo waimoia nisomoa, dia. Naita mo nisomoa, mo e sipoaepue nisoepuo odau bedewe aite nanau naa. Sa ipa sa, e sipoaeieno wadaano dialen, ando mai God mampe sipoa da wadaa, dia.

Gagalo euda Iesu Keriso umanawa Luk girumalena 18:14

Ne ulaipa dialedina, God takis manewa tamalala apanawa raupariwa sipoasane kadiwa insadabuamono God mampe dodomanalene God duwa ene bolawe alen. Tane Parisi apanawa rauparileidie mai God mampe dodomanalepona, dia, me di ene alen. Apana mida muba segarau waie ituposintoie waimoia God mo ituaisimopi. Tane mo mida muba ituaisintoie God sawantoie waimoia God ituposimopie ionomopi.”

Iems 1:9

Sumanai somba nuaparelala God mampe ionoidolena baiwa meba asowa wampa.

Iems 4:6

Tane do God no sau amonawa euda debamawaida nenede. Buka bedewe girumalena wadi wadiase, “God apana segarantoie asowawantoia adiananamode. Tane me apana etepu obasa segarasiawaia sau amonawa euda wanamode.”

1 Pita 5:5

Tane do e apana sanaau mida e onialeia aiau etane ruawaitana. Mai mida e bedelawo ituposi insaisawa wadepi, tane simbia mampe eda sauitonuna. Ipawa buka bedewe girumalena wadi wadiase, “God apana asowawala enabodamode, tane me amonawa euwa apana mida insaisawa daina obasa mampe simbiasadia wanede.”

1 Pita 5:6

Sa baiwa e eba kerauitane God mukawa atoweitana ita God walama itudiawo e wadaposilepi.