Gagalo euda Iesu Keriso umanawa Luk girumalena 12:9 - Kanasi

⁹ Tane me mida apana danauwo ne wakoanedie lagana wadia, ne do ando uboo Mamana enseliwa danauwo me wakoasape dabuasapa.

Gagalo euda Iesu Keriso umanawa Luk girumalena 12:9 Iomraidhean Croise

Matiu 10:33

Tane mida apana danauwo ne lagana wadia, ne do me wakoasape dabuasapa uboo Mamana God danawe.”

Matiu 25:12

Mo epe badowa iririntoio nainai apanawa diamone wanase, ‘E mai odana rua, dia, e apana dainea, ne mai atenleipona!’”

Matiu 25:31

“Apana Otopa ensel uduudu do wimopue tauma me kolaiwatawa osowe sapaida do wampio

Matiu 25:41

Tauma me apana witapa sen deneuwe diamopie wapiase, ‘E apana matangelala eneane nambeido ia iikasalalawo aitana! Bola sa ipa imaala kadi mamba Seitan ita me sausaia do baibu.

Matiu 7:23

Tane ne mo diamope wapaase, ‘E kadiwaida dewalala, ne e mai atenlepona, eneane nambeido aitana!’”

Gagalo euda Iesu Keriso umanawa Mak girumalena 8:38

Me mida walama tauma apanawa kadi daitada dewalala mampo ne malanaleidia ita do aiana malawaleidia, Apana Otopa leulepie Mamba sapawa do ita ensel kakaibu do wisepie me apana sa do malawalepi.”

Gagalo euda Iesu Keriso umanawa Luk girumalena 15:10

Gagalo babawa ema wano etalana rua deawaaida kadi dewalala apanawa dea rebaidalene wandia kadiwa bedewe insaisawa leusapie God mampe dodomanalepia osowe God enseliwa me danawe nuaeuidantompa.”

Gagalo euda Iesu Keriso umanawa Luk girumalena 22:57

Tane Pita lagalene i sa diene wanase, “Apana e umanawa waiana, ne mai ateina, dia!”

Gagalo euda Iesu Keriso umanawa Luk girumalena 9:26

Apana mida sosowa do waimoie laia bedewe mai ne baina eneipona, tane malanaleidie di wankoaleidia, ita do ne aiana malawaleidia, Apana Otopa sapawaida do leulepie wisepie apana sa do malawalepie dabuasapie epi. Me Mamba sapawa ita ensel kakaibu sapauida do leulepie wisepio ewapu.

2 Timoti 2:12

No poka etonte antonta no me do dewa uduudu oniamota. Tane no me dabuasate wakoawa wata, me do no dabuanepie wakoamba wapi.

1 Ion 2:23

Mida Otopa lagawa wadie wadiase, “Iesu, me ipa mai God Otopa,” me ipa Mamamba do mai wadape mampesapona, dia. Tane mida Otopa wasabamosadie wadiase, “Iesu ipa God Otopa,” me ipa Mamamba do wadene mampesan.

1 Ion 2:28

Obaina, ne wasauledina e Keriso bedewe wankasaitana, mai ene waeuwa da lagawaa bedeweitana. E epe dewaitonuna Keriso wiwisa walamawe no mai sa ba mala do me nambanepe enata, dia.

Gagalo Sabamolala 3:8

Ne e dima dewamoilana ateina. Ne dialedina e nanlanepe ne du moawa wadanaaubena e baila ita du moawa sa mai mida da gudulepia rua, diaida! Ne atenten e mukala keraulen tane ideita aiana etale ruawaiten, ita e mai ne lagana wape wakoaneapona, dia.