Gagalo euda Iesu Keriso umanawa Ion girumalena 9:22 - Kanasi

^22-23 Me gombawa Parisi apanawa sauntone baiwa diamone waienase, “No otomba apana debama, me meba waitarasano dialepi.” Mo Parisi apanawa sauntona, ipawa mo bauta insaisau itune waienase, “Apana mida Iesu sumanaiwantoie waiase, ‘Iesu ipa Keriso God sauawalena wisen,’ apana sa mai no gagalomba duwa bedewe odapuo do deantata, dia.”

Gagalo euda Iesu Keriso umanawa Ion girumalena 9:22 Iomraidhean Croise

Gagalo euda Iesu Keriso umanawa Luk girumalena 6:22

E mida Apana Otopa warorosailana baiwa sosola da wadabualempe ita nibualempe do dabualempe wakadisala wampa, e nuaeuwa apanawa wainilana.

Gagalo euda Iesu Keriso umanawa Ion girumalena 1:19

Ion esa Ioadan bedewe apana babatutumodio Iuswa eiau me umanawa etane inseienase me dauwa Keriso mida God sauawalena wisepona tauma wisen, ba? Sa baiwa mo pirisi ita God duwa nolawa dewalala apanawa waaubamoiena me waitarasapua baiwa. Mo Ierusalemwae nomone antone Ion mampe wimone waitarasane waienase, “E mida, dianewo etato!”

Gagalo euda Iesu Keriso umanawa Ion girumalena 16:2

Iuswa eiau e ando anaanalepu mai mo gagalou duwa bedewe odane mo do deaitana. Tane mai sa os, walama wisepio kadiwa rebarebaida e manlawo dewasapu, ita mida e bolepua mo inseia abo mo God nolawaida dewasaie me wadaposisai.

Gagalo euda Iesu Keriso umanawa Ion girumalena 19:38

Iesu warorowa dea Iosep, me Arimatia apanawa, Iuswa eiau sauleidie dainadainaua me wawe leidia apanawa. Me Iesu bolena atenlene Pailat mampe alene iririsane wanase, “Rua ba dia, ne Iesu etepa wadape bo nagawa imaalawo itupe weregasapa?” Ita Pailat me iririwa etene oaleno me ene leulene Golgotawo alene Iesu etepa winedia wadenaubene awanene anton.

Gagalo euda Iesu Keriso umanawa Ion girumalena 20:19

Ita Sande sa rawiwa wawe alala du dea bedewe auwenatue waimoie. Tane mo Iuswa eiau wadaitumopua sawantone du moawa gudusabodamone waimoie. Ita Iesu mampo wisene enenaubene auwamone wanase, “Sau euda e manlawo winepi!”

Gagalo euda Iesu Keriso umanawa Ion girumalena 7:13

Tane mai mida Iesu umanawa sabamo wapona, ipawa mo Ius apanawa eiau sauntoiena.

Gagalo euda Iesu Keriso umanawa Ion girumalena 9:18

Parisi apanawa apana sa inalena gagalowa uduudu etanatue atentoiena, tane mai sumanaintoipona, dia. Ita mo atendewantopua baiwa me gombawaida gagalou wanaaubeiena wimopue wapudewantopuo etapu.

Gagalo euda Iesu Keriso umanawa Ion girumalena 9:21

Me emawa euleno sala ewede. Tane mida me emawa eusana ba ambiambia inalena no mai atentepona, dia. Me apana debama, waitarasano dialepio etana.”

Gagalo euda Iesu Keriso umanawa Ion girumalena 9:34

Tane me Iesu adiwelene gagaloleidio Parisi apanawa etane nuau kadileno onawaida wane waienase, “E kadi muwaitena emaa potawa os do wankasaiten, tane meneedia God waeuwawa no dianewo sumanaimba dodomanalepi, ba?” Ita mo me taneieno nosene alen.

Gagalo euda Iesu Keriso umanawa Ion girumalena 9:35

Tane dewa ema umanawa Iesu etene me banusane alene donsane diene wanase, “E Apana Otopa sumanaiwaitiana, ba dia?”

Aposel 4:18

Mo epe gagalontone insaisau deasane aposel leuntopue odapua baiwa gagalou wanaaubeiena. Ita mo banlamone odeieno badowa anaanamone waienase, “E ande ita ando mai Iesu ebowe apana mampo gagaloitana ba waeuwaitana, dia! Nola ema ena.”

Aposel 5:13

Iuswa uduudu sumanailala dewau eweie asou waie, tane mo bedeuwontopona sawantone muba nambe waimoie.

Aposel 5:40

Gamaliel wadewasamona rua mo insenadewantone aposel apamoieno odeieno tai mampe epaidamone ita badowa anaanamoiena Iesu ebowa mampe mai waeuwantompa. Mo epe anaanamone emoieno di antoiena.

Gagalo Sabamolala 21:8

Tane mo sawaa sakoubu, ita mo Iesu adiananalala, tane kadi daitada rebarebaida dewalala, apana epaboialala, ninalala, wene apanawa, ginauri wadawadalala, tane do kokoitau witapo dewalala asowa waie wadaposisaia apanawa, ita laga wawalala uduudu ia iikasalala seu do imoie moniantoia bedewe aubamopu. Ia iikasalala sa ipa debamaia owa ruawa. Sa ipa bo natawa.”