Gagalo euda Iesu Keriso umanawa Ion girumalena 7:3 - Kanasi

^3-4 Sa baiwa Iesu wanwambaida me diane waienase, “Apana mida menasadia ebowa debamalepona, me nolawa mai werego dewasampa, dia. Tane sabamo apana uduudu emauwo dewasampo ewamompa. E ipa ginasa dewalala apanawa, sa baiwa mai bola kerakera bedeuwointa wanempa, dia. E bola debama bedewe aite apana uduudu danauwo mukaa sabamosaa. Sa baiwa tauma Galili ee aite Iudia bedewe dewa mukamukaua sape dewamowo e waroroa ewapu!”

Gagalo euda Iesu Keriso umanawa Ion girumalena 7:3 Iomraidhean Croise

Matiu 12:46

Iesu apana uara mampo gagaloleidio me inawa ita wanwamba wimone pewa eneie onieia me mampe gagalontopona.

Gagalo euda Iesu Keriso umanawa Mak girumalena 3:21

Me nola pokaidasadie, do wampadewae nana napona intawa dia gombawa umanawa etane me mampe antoie oniempaa baiwa. Mo waienase, “Dauwa me kainokaino nola os dewasadie wandia baiwa uwawa saiwa wano koakoalen. Ane, nuba wadate mainimbosate onieta.”

Gagalo euda Iesu Keriso umanawa Mak girumalena 3:31

Iesu gagalo ema wamontuwano aupe me inawa wanwamba do me awa wimoiena. Tane apana uaraia sape auweieno baiwa mo mai du bedewe odape Iesu mampe wimopona rua, dia. Sa baiwa mo peloo enane gagalo os wanaaubeiena Iesu mo mampo nosepia baiwa.

Gagalo euda Iesu Keriso umanawa Luk girumalena 8:19

Walama dawo Iesu sowa dea duwa bedewe wandio inawa wanwamba do me ewapua baiwa antoiena. Tane mo bola sawo wimone apana uarantone du bodeieno mo mai odapona rua, dia, peloo enakasanton.

Gagalo euda Iesu Keriso umanawa Luk girumalena 8:20

Apana dea Iesu diene wanase, “E inaa wanwana do peloo eneie menamodia e eweepue do gagaloitana.”

Gagalo euda Iesu Keriso umanawa Ion girumalena 2:2

Tane Iesu ita me wawe alala do nainai odawa bedewe nisomoieno wimoiena.

Gagalo euda Iesu Keriso umanawa Ion girumalena 6:60

Iesu meba umanawa epe wano me warorowa etane nuau eino baiwa mo bedeuwo apana uara wane waienase, “Waeuwa ema badowaia, mida etaeta menasade?”

Gagalo euda Iesu Keriso umanawa Ion girumalena 6:66

Gagalo ema aupe Iesu warorowa uara me wawe awa dabuantone eiena.

Gagalo euda Iesu Keriso umanawa Ion girumalena 7:10

Iesu wanwamba oda osowe antoieno aupe me wandie mamoo wauwo Ierusalemwa odene alen. Tane me mai sabamo alepona, dia, weregainta os odene alen.

Gagalo euda Iesu Keriso umanawa Ion girumalena 7:5

Iesu wanwambaida epe waiena, ipawa mo apana isiwa ruau mai me sumanaiwantopona, dia.

Aposel 2:14

Pita aposel 11 do gagalo baiwa enanawimoieno Pita mo auauwalala mampo mukalene gagalolene wanase, “Sosona Iuswa bola daitadawoe wilena, ita do e mape Ierusalemwa wanwanlala, asila mainawosano dima segalena ipawaida waeuwalepo etana!