Gagalo euda Iesu Keriso umanawa Ion girumalena 5:16 - Kanasi

¹⁶ Tane Ius apanawa eiau Iesu emalawoasane amboitusaie, ipawa me dewa ema Sabat walamawe dewamodie.

Gagalo euda Iesu Keriso umanawa Ion girumalena 5:16 Iomraidhean Croise

Matiu 12:13

Tauma Iesu apana witapa bobopa diene wanase, “Witaa aubea!” Iesu dima diena rua me witapa aubeno ita eulen witapa da rua.

Gagalo euda Iesu Keriso umanawa Mak girumalena 3:6

Parisi dewa ema ewane tauwadea gagalo duwa ene Erod apanawa baibu antoiena. Ita mo dommone insaisau deasaie wawadiadiantoie inta banusaie Iesu bosapua baiwa.

Gagalo euda Iesu Keriso umanawa Luk girumalena 6:11

Parisi ita anaana waeuwalala dewa ema ewane nuau kadiidaleno muba gagalontoie insaisau deasaia Iesu mampe dima dewasapu.

Gagalo euda Iesu Keriso umanawa Ion girumalena 1:19

Ion esa Ioadan bedewe apana babatutumodio Iuswa eiau me umanawa etane inseienase me dauwa Keriso mida God sauawalena wisepona tauma wisen, ba? Sa baiwa mo pirisi ita God duwa nolawa dewalala apanawa waaubamoiena me waitarasapua baiwa. Mo Ierusalemwae nomone antone Ion mampe wimone waitarasane waienase, “E mida, dianewo etato!”

Gagalo euda Iesu Keriso umanawa Ion girumalena 10:39

Iesu gagalo badowa sa wadio mo etane nuau kadiidaleno mo bauta dewantoiena rua Iesu wadapaitudepona baiwantoie, tane mo wadapona baiwa rubusailewantoio me emone alen.

Gagalo euda Iesu Keriso umanawa Ion girumalena 15:20

Mo e nibualempo pokawa etonune aiana diaimaalena insena: Nola dewalala uduudu mo onioniau apanawa atowe waimoi, mo mai onioniau apanawa amboiamoipe ionontoipe waimoipona, dia. Ne e Debamala wainedino nibuaneie onana eneio nolantedine leidina, deawaa e ne nolana dewalala wainilana nibualempe onala enompa, mai dia. Ita apana isiwa ne waeuwana wadeie ruawantoie waimoia rua deawaa e waeuwala mo etompe ruawantompa.

Gagalo euda Iesu Keriso umanawa Ion girumalena 5:10

Sa baiwa mo apana inalena diane waienase, “E ateiten ba dia, ande ipa Sabat walamawa, no anaanamba wadia e Sabat walamawe mai nogi awanene leuna, dia!”

Gagalo euda Iesu Keriso umanawa Ion girumalena 5:13

Tane apana inalena mai atenlepona mida me inasan, ipawa Iesu apana uara sape eneio bedeuwointa nosene aleno me mai ewape atensapona, dia.

Gagalo euda Iesu Keriso umanawa Ion girumalena 5:15

Ita apana ema mida me inasana apanawaida donsane atenlene me leulene alene Iuswa mo mida eiau diamone wanase, “Apana ebowa Iesu ne inanen.”

Gagalo euda Iesu Keriso umanawa Ion girumalena 5:17

Sa baiwa Iesu mo diamone wanase, “Ne Mamana bumpe ita tauma nolaleidie wande, ita ne do deawaa dewasadina.”

Gagalo euda Iesu Keriso umanawa Ion girumalena 5:18

Ius apanawa eiau bauta inta banusaie Iesu bosapona baiwa. Tauma Iesu aia ema wane bopawa ensimono badowaida inta banusaiena me bosapu. Mo epe dewantoie, ipawa mo inseienase, “Me Sabat anaanawa ainpunden, tane mai sa os, dia. Do me God umanawa wadi wadiase, ‘Ne Mamana.’ Me epe wadia ewaewawa abo me God nata deawaa.”

Gagalo euda Iesu Keriso umanawa Ion girumalena 7:21

Mo Iesu epe wawusaio etene sipoamone wanase, “Ne Sabat walamawe nolantene apana tampa bobopa inasana. Ne ginasa ema Sabat walamawe dewasano e ewale memesaiten. Tane e eba insenadewaitana: Moses e ete nonowa dewawa enalen, tane sa ipa mai Moses meida mampea manlawo wisepona, tane no nosinosimba mampoa manlawo wisen. Moses anaanawa wadia rua oto mona muleidio wiki dea dialeidio aupe etepa noilana. Tane ete nonowa walamawaida Sabat bedewe segaleidio e do nolaitile oto etepa noilana. Ema bedewe e ete nonowa anaanawa ruawaitile mampe Sabat anaanawa aneilapundede. Ita e epe dewaitile mai dima da wawuleipona, dia. Sabat walamawe e ete nonowa dewawa dewasailana. Ne e ruala Sabat walamawe nolantedine apana etepu uduudu inasadina, tauma dima baiwa e nuala kadileide ne mainawo?

Gagalo euda Iesu Keriso umanawa Ion girumalena 7:25

Iesu epe gagaloleidio Ierusalem apanawa isiwa insaisantone waienase, “Apana ema dauwa mida mo bosapua baiwa banusaia tauma gagaloleidio eweitana, ba?