Gagalo euda Iesu Keriso umanawa Ion girumalena 20:1 - Kanasi

¹ Sabat walamawa dialeno imonembawa Sande walama pumpu Meri Magdalin Iesu etepa naepe ituienawo alene seu debamaia bo nagawa enenbodae winedia rialene nambe winedio ewen.

Gagalo euda Iesu Keriso umanawa Ion girumalena 20:1 Iomraidhean Croise

Matiu 27:56

Mo bedeuwo Meri Magdalin, Meri da, me Iems ita Iosep inau, tane Sebedi obampa inau do sape eneie.

Matiu 27:60

bo nagawa nau bedewe toiena Iosep meba baiwa imaasanawo itun. Tane me seu debama koirewasane bo nagawa moawa enenbodeno ene alen.

Matiu 27:64

Sa baiwa sorodia isiwa waaubamowo antopue bo nagawa oniempadewantompo walama natadea dialepi, naita wawe alala wimopue Iesu etepa pointopua sawa. Ita mo ando apana lagamopue wapuase, ‘Iesu bo bedewe enenwisen.’ Mo epe dewantopua Iesu lagawa debamaidalepi, mai bauta rua.”

Matiu 27:66

Pailat mo epe diamona rua ene antone seu bo nagawa enenbodena apana da koirewasapia sawa lominton. Ita sorodia emono bo nagawa iwusaie eneie.

Matiu 28:1

Sabat walamawa imonemba Sandewa walama pumpu Meri Magdalin ita Meri da nata bo nagawa ewapua baiwa antoiena.

Matiu 28:2

Mo antoio wanatata debamaia segalen, ipawa Tatamba enseliwa uboe iene wisene seu debama bo nagawa enenbodena koirewasano nambeleno osowe wandie.

Gagalo euda Iesu Keriso umanawa Mak girumalena 15:46

Tane Iosep Pailat ene bo lomalepia garawa gimarawa awa alen. Ema aupe me alene Iesu etepa koros osowe wadenaisie gara mampe lomalene bo nagawa nau bedewe dewasaienawo itun. Ita seu debama koirewasano bo nagawa gudulenboden.

Gagalo euda Iesu Keriso umanawa Mak girumalena 16:9

Sandewa tadinaida Iesu bo bedewe enenwisene bauta Meri mampe sabamoleno ewen. Meri ema ipa aleu kadiu 7 bedewentone waimoio Iesu tanamono nomoiena iwa.

Gagalo euda Iesu Keriso umanawa Ion girumalena 11:38

Iesu wisene Lasares bo gubawa imaala winediawo itune seu debama mampe enanabodeiena euwasaieno ewen. Ita me bo gubawa sa ewedie me bauta dewalena rua nuawa pokakadileno diamone wanase, “Seu bo nagawa itunbodae winedia koirewasano nambe alepi!” Tane apana bolena weanapa Mata Iesu diene wanase, “Tatamba, dima e no dianeiana mai dewasataa rua, dia. Bo imanamalene walama nataitanata winene etepa kadilena boawa wisepi.”

Gagalo euda Iesu Keriso umanawa Ion girumalena 11:41

Me Mata epe diaidasano aupe me apana dima diamona ruawantone seu bo itunbodae winedia koirewasaieno nambe alen. Ita Iesu raupari baiwalene pisiwane emawa iono odeno wanase, “Mako, ne Lasares raupariwantedino etee sipoasaa baiwaitiana baiwa auwaedina.

Gagalo euda Iesu Keriso umanawa Ion girumalena 19:25

Tane Iesu seuienawo korosiwa tampeido me inawa enedie. Ita do me inawa wamba, ita Meri Kilopas manainapa, ita do Meri Magdalin sape eneie.

Gagalo euda Iesu Keriso umanawa Ion girumalena 20:26

Ema aupe wiki dea dialeno wawe alala osowe du deawaa bedewe mo auwene du moawa gudusabodamone waimoie, tane Tomas do wisene wawe alala isiwa bedeuwolene wandie. Mo du moawa gudusabodamone waimoio Iesu wisene enenaubene auwamone wanase, “Sau euda e manlawo winepi!”

Aposel 20:7

Wiki uwaalena walamawa Sande bedewe no auwetana bured ampuiantate nate Iesu insetaa baiwa. Paul apana auweiena mampo gagalolen ita imonemba emopie alepia baiwalene me tadino gagalokasalen.

1 Korint 16:2

Ne mai menaneipona ne e manlawo wineapo mainawo mane tamaitana, dia. Tane ne menanedia Sande uduudu bedewe e deadea mane nolawaitene ambi donsalana rua einapue waiwesane ituno dulawo winompa. Mane sa deaitopa imaasane teamono winompo ne wineape bopawa otepa.

Gagalo Sabamolala 1:10

Ne sape wainedino Tatamba walamawa Sande dea bedewe Aleu kakaiwa nopenene banlanedie. Ita ne adinawo aia debamawa nitu bui rua tarampet wadia etedino wane wanase,