Gagalo euda Iesu Keriso umanawa Ion girumalena 2:24 - Kanasi

²⁴ Tane Iesu mo uduudu insaisau atenlene baiwa mai sumanaibulepona, dia.

Gagalo euda Iesu Keriso umanawa Ion girumalena 2:24 Iomraidhean Croise

Matiu 9:4

Tane Iesu mo insaisau atenlene baiwa diamone wanase, “E dima baiwa insaisa kadiwaida inseilana?

Gagalo euda Iesu Keriso umanawa Mak girumalena 2:8

Tane mo dima nuau bedewe inseia Iesu atenlene baiwa waitaramone wanase, “Dima baiwa epe inseilakadisailana?

Gagalo euda Iesu Keriso umanawa Ion girumalena 1:42

Endru Saimon banlene Iesu mampe wiseno ita Iesu me ewene wanase, “E ipa Saimon, Ion otopa, tane tauma e eboa ipa Kipas.” Ebowa ema Girik aiawa mampe Pita, ita ebo ema ipawaida ipa seu.

Gagalo euda Iesu Keriso umanawa Ion girumalena 16:30

Tauma no atenten e dewa uduudu ipa atena os, sa baiwa ipawaida sabamosaie waiana. Ita mai mida e dima waiana waitarawa da e dieepia rua, dia. Sa baiwa no sumanaintitana e God mampee wiene nolaitiana.”

Gagalo euda Iesu Keriso umanawa Ion girumalena 21:17

Ema aupe Iesu Pita osowe waitarasane wanase, “Saimon, Ion otopa, e ne dianeawo etapa, nuawadawadaneiana, ba dia?” Iesu Pita osoweosowe epe waitarasadio me nuawa pareidaleno wanase, “Tatamba, e dewa uduudu atena, mai da koasapona, dia. E atena ne e nuawadawadaidaedine wainedina.” Mape Iesu leusane me diene wanase, “Ne sipsipna nana wanamono nampa.

Gagalo euda Iesu Keriso umanawa Ion girumalena 4:16

Tauma Iesu i sa diene wanase, “E esa ema nanawa meneempa aitee apana e naiseana banle nata winlena!”

Gagalo euda Iesu Keriso umanawa Ion girumalena 5:42

Tane ne atenten e apana asola wampaa insaisawaitile wainilana ita God mai nuawadawadasaipona.

Gagalo euda Iesu Keriso umanawa Ion girumalena 6:15

Mo epe waio Iesu atenlen apana me ginasawa eweiena baiwa mo insaisau rua wareresapua baiwantoi. Sa baiwa me osowe apana emone meba os wadi sa osowe bola dainalawo odene alene wandie.

Gagalo euda Iesu Keriso umanawa Ion girumalena 6:64

Tane e bedelawo isiwa mai sumanaintoipona, dia.” Iesu epe wana, ipawa me bumpeido atenlen mida me warorowa bedeuwo mai sumanaintoipona. Ita do atenlen mida ando me dabuasapie nanalepi.

Aposel 1:24

Mo God sonabawa atentopua baiwa rauparintone waienase, “Tatamba, e apana uduudu nuau eweiana atena. No euwanea apana ema nata bedeuwo dainea e sonabeiana

Aposel 15:8

God apana nuau bedewe ewedia atemba wande. Me uwa daitada apanawa insaisau ewedie intau wadenaubeno Aleu kakaiwa no nenena rua mo wadane me mebaawa wananton. Ita mo Aleu kakaiwa wanamodia mampe God no euwanen me uwa daitada apanawa mampemono waimoi, mai dabuamope emopona, dia. Mo sumanaibu asiasi God mo kadiu nuau bedewe wineia mitenauben, no kadimba mitenaubena rua. Ema dewasana mampe God no euwanen mo ita no ipa me emawe deawaa wainitana.

Ibru 4:13

Nitu uduudu ipa God emawe wadaaubala sabamo winei, mai dima da me emawe werego wineipona, diaida, uduudu sabamo os. Me mampe no dima dewasatana ando umanawa diata, mai dia.

Gagalo Sabamolala 2:23

Ne Iesebel obampa bomopatuwapi. Ne ema dewasapo ekelesia uduudu atentopu ne ipa mida apana nuau bedewa do insaisauida ewedina ateinaida. Tane e deadea dima dewasalana ruawantape sipoa enalepa.