Gagalo euda Iesu Keriso umanawa Ion girumalena 2:2 - Kanasi

² Tane Iesu ita me wawe alala do nainai odawa bedewe nisomoieno wimoiena.

Gagalo euda Iesu Keriso umanawa Ion girumalena 2:2 Iomraidhean Croise

Matiu 12:19

Me mai apana do wawantopu ita mai bola bedewainta aiawa mukama mampe gagalolepio apana etapu, dia.

Matiu 25:40

Ita warere leusapi wapiase, ‘Ne ulaipa dialedina, dima uduudu ne sumanai sona debama ba kerauda me mampe dewasalana, sa ipa neida baina dewasalana.’

Matiu 25:45

Ita warere sipoamopie wapiase, ‘Ne ulaipa dialedina, dima uduudu apana debama ba kerauda mampe e mai dewasapona, sa ipa ne baina dewasapona elana.’

Gagalo euda Iesu Keriso umanawa Ion girumalena 2:12

Ema aupe Iesu, me inawa, wanwamba ita wawe alala do bola sa ene Kapeanaumwa iane antone walama nata os sape waimoiena.

Gagalo euda Iesu Keriso umanawa Ion girumalena 2:17

Wawe alala dewa ema ewane dima buka bedewe girumalena inseiena. Buka bedewe ema epe wadi wadiase, “Ne nuana polaida wadie ia rua ide e dua baiwa!”

Gagalo euda Iesu Keriso umanawa Ion girumalena 2:22

Iesu God duwa umanawa wana ipawaida me wawe alala walama sawo mai atentopona, dia. Tane Iesu bo bedewe enenwiseno tauma mo Iesu dima bauta wana insene atentoiena. Do dima buka bedewe girumalena ita dima Iesu wana sumanaiwanton.

Gagalo euda Iesu Keriso umanawa Ion girumalena 2:3

Tane oda bedewe wain dialeno baiwa Iesu inawa epe ewene nuawa pola wano me diene wanase, “Nainai odawa andomana aleide, tane wain amuwa dialen! E manawo sau da winede, ba dia?”

Gagalo euda Iesu Keriso umanawa Ion girumalena 3:22

Ema aupe Iesu me wawe alala do Ierusalem ene nomone bola Iudia bedewe antone sape waimoie laie ita Iesu apana isiwa babatutumodie. Tane walama sa bedewe Ion do apana babatutumodie bola Einon bedewe Salim tampe. Me bola sa bedewe babatutuleidie, ipawa sape esa eubu uara nomoie ita apana babatutu baiwa me mampe wimoie. Dewa ema ipa Ion mai diburalepona walamawe segalen.

Gagalo euda Iesu Keriso umanawa Ion girumalena 4:33

Wawe alala aia ema etane muba gagalontone waienase, “Dauwa apana da no emamba mowe nana waneieno nan, ba?”

Gagalo euda Iesu Keriso umanawa Ion girumalena 6:12

Apana uduudu nana nane pokamono Iesu wawe alala diamone wanase, “Nana moawa winakasalena auwena, mai da eno kadilepi, dia.”

Gagalo euda Iesu Keriso umanawa Ion girumalena 6:16

Rawileidio Iesu wawe alala os wadiwae iane anton esa tampe.

Gagalo euda Iesu Keriso umanawa Ion girumalena 6:60

Iesu meba umanawa epe wano me warorowa etane nuau eino baiwa mo bedeuwo apana uara wane waienase, “Waeuwa ema badowaia, mida etaeta menasade?”

Gagalo euda Iesu Keriso umanawa Ion girumalena 6:66

Gagalo ema aupe Iesu warorowa uara me wawe awa dabuantone eiena.

Gagalo euda Iesu Keriso umanawa Ion girumalena 6:67

Mo ene antoiomawa Iesu wawe alala 12 me do sape eneia waitaramone wanase, “E do menaledia ne eneane aitana, ba?”

Gagalo euda Iesu Keriso umanawa Ion girumalena 6:70

Iesu Pita dima wana etene mo uduudu diamone wanase, “E wanawo alala uduudu 12 ne sonabalena, tane apana dea os e bedelawo kadi mamba Seitan bedewelene nolaleide!”

Gagalo euda Iesu Keriso umanawa Ion girumalena 6:71

Aia ema Iesu Iudas Saimon Iskariot otopa umanawa wan. Me ipa Iesu wawe alala 12 bedeuwo mida ando Iesu dabuasapie laga mampe nanalepia.

Gagalo euda Iesu Keriso umanawa Ion girumalena 6:8

Wawe alala da Saimon Pita wamba Endru mo epe gagalontoio etamone Iesu diene wanase, “Oto mape enedia mampe bured uduudu 5 ita bouri kerakera nata winei, tane sa apana uara mai napuo pokamopia rua, dia!”

Gagalo euda Iesu Keriso umanawa Ion girumalena 7:3

Sa baiwa Iesu wanwambaida me diane waienase, “Apana mida menasadia ebowa debamalepona, me nolawa mai werego dewasampa, dia. Tane sabamo apana uduudu emauwo dewasampo ewamompa. E ipa ginasa dewalala apanawa, sa baiwa mai bola kerakera bedeuwointa wanempa, dia. E bola debama bedewe aite apana uduudu danauwo mukaa sabamosaa. Sa baiwa tauma Galili ee aite Iudia bedewe dewa mukamukaua sape dewamowo e waroroa ewapu!”

Aposel 11:26

Me alene Saul donsane banlene nata leuntone Antiokiwa wimone ena dea waimoie ekelesia sape wanwanlala do deantoio mo Gagalo euda waeuwantoio apana uara eteie. Tane Antiok bedewe mo sumanailala ebou sanaa itune waienase, ‘Kerisolala.’

Aposel 11:29

Sumanailala Antiok bedewe wanwanlala peroweta Agabus gagalowa sa wano etane insaisau deasaiena mane itupue sumanai sosou Iudiawo wanwanlala saumopu, natunakani segalempo mane sa tounawe wampua baiwa. Ita mo waiena deadea mane mampo winedia ruawantopue itupue sosou saumopu.

1 Korint 10:31

Dewa ema uduudu baiwa ne ema epe dialedina: E nana ba esa nanuna, ba dima dewasanuna bedewe God wadaposisanune sapasanuna.

1 Korint 7:39

I sumanailala badawa nata waimompa me ipa nainai anaanawa bedewe wande. Tane badawa bolepio aupe me meba insaisawa rua apana da donsapie naisepi. Me ewepidewalepie apana sumanailala naisepi.

Kolosia 3:17

Dima uduudu dewamonuna ba gagalowaitonuna mampe Tatamba Iesu ebowe os dewamonuna. Ita me bedewe Mamamba God auwasanuna.

Ibru 13:4

Nainai ipa dewa debama, e uduudu insene onienadewaitana. Apana nainailala mo muba etepu oniepudewantopu, ipawa God apana ninalala ando kotumopie matangelamopi.

Gagalo Sabamolala 3:20

Gagalona ema etanadewaitana! Ne du moape enane kekesarantedina. Apana mida ne aiana etedie ita ne baina du moawa wadediaubedia ne me mampe odape me nata oda nanawa nata.