Gagalo euda Iesu Keriso umanawa Ion girumalena 15:24 - Kanasi

²⁴ Naita ne mai mo bedeuwointa nolanteipe ginasa pokawaauida apana dewasasiawaia dewamoipono mo kotubu dia. Tane ne ginasa sa uduudu dewamodine leidino ewane ne wadaneape mamposapona, tane ne ita Mamana nibuaneie onamba enei.

Gagalo euda Iesu Keriso umanawa Ion girumalena 15:24 Iomraidhean Croise

Matiu 11:5

Me ema epe diana: Apana emau potantona euntone sala ewei, apana tampu bobopu inantone antoi, kito wadawadalala inantoie etepu euntoio waimoi, mo asiu potantoia inantoie gagalo etei, ita do apana bontoia inantoie inawaa waimoi. Ita Gagalo euda nuaparelala mampo benemantoio eteie waimoi.

Matiu 21:32

Ne epe wadina, ipawa Ion wisene ita God intawa euda dodomana euwalen, tane e mai sumanaiwaitapona, dia! Tane takis manewa tamalala ita ioto ninalala me sumanaiwanton. Mo epe dewantoio e ewalana, tane e mai insaisala leusape kadiwa epona, do Ion mai sumanaiwaitapona, dia.”

Matiu 9:33

Tane Iesu aleu kadiwa taneno nosene aleno ita apana moawa potawa sa gagalolen. Apana uduudu dewa ema ewane memesantone waienase, “Dewa ema pokawaa epe rua no mai Israel bedewe segalepono ewapona, dia!”

Gagalo euda Iesu Keriso umanawa Mak girumalena 2:12

Mo uduudu eweio apana ipa enenwisene nogiwa wadene alen duwe. Mo uduudu memesantone God wadanaposie waienase, “No mai dewa inainamba ema rua segalepono ewapona, dia!”

Gagalo euda Iesu Keriso umanawa Luk girumalena 24:19

Iesu dima Kileopas wana sipoasane wanase, “E dewa dainea umanawa wailana?” Tane mo sipoasane waienase, “No Nasaret Iesuwa umanawa waitana, me ipa peroweta, God ita apana emauwo me aiawa ita ginasawa do mukamukaua nolaleidie.

Gagalo euda Iesu Keriso umanawa Ion girumalena 10:32

Tane Iesu mo diamone wanase, “Ne ginasa uara pokawaauida Mamana dianena rua me mukawa mampe dewamono ewalana. Ginasa dainea dewasanakadisana onawa epaneanabolepia baiwaitilana?”

Gagalo euda Iesu Keriso umanawa Ion girumalena 10:37

Ne dima dewamodina ewamone ateitana ne mida nolantedine wainedina. Naita ne Mamamba insaisawa nolawa epe, tane nola ewaewawa da nambea nolantepino ewana e mai ne sumananaitana, eneana.

Gagalo euda Iesu Keriso umanawa Ion girumalena 12:10

Iuswa bedeuwo apana uara Lasares inalena baiwa Iuswa waeuwau bedewe waimoia enaiane sumanaibu Iesu bedewe ituiena. Tane Pirisi debamau epe ewane mo bauta Iesu osowe dewantona rua insaisau deasaia Lasares do bosapu.

Gagalo euda Iesu Keriso umanawa Ion girumalena 12:45

Ita apana mida ne ewanedia mida ne waaubanena ewede.

Gagalo euda Iesu Keriso umanawa Ion girumalena 14:9

Mape Iesu Pilip diene wanase, “Pilip, ne walama daumaia e bedelawo wainedine leidine, tane e mai ne ateineipona, ba? Ambi epe Mamamba wakoawa waie waianase, ‘Mamamba euwanewo atensata.’ Mida ne ewanedie ateinedia me Mamamba ewedie atensadie wande.

Gagalo euda Iesu Keriso umanawa Ion girumalena 15:21

Mo mai e di nibuakoalempa, dia. Tane e ne waroroneile ebonawo nolaitile leilana baiwa nibualempe onala enompa. Me mida ne waaubanena mo atensia waimoi, sa baiwa ne nibuaneia rua e do nibualempa.

Gagalo euda Iesu Keriso umanawa Ion girumalena 15:22

Naita ne mai mo mampo wineape Gagalo euda diamopono etasasia dubawa bedewe waimoipono kotubu dia. Tane ne winene Gagalo euda amonanteno etane dabuasane eiena baiwa mo kadiu sa kotuwantopu, mai lagantopua intawa da wineipona, diaida.

Gagalo euda Iesu Keriso umanawa Ion girumalena 15:23

Tane me mida ne nibuanedia, mai ne os nibuaneipona, dia, me ne Mamana do nibuasadie wande.

Gagalo euda Iesu Keriso umanawa Ion girumalena 16:9

Aleu kakaiwa mo kadiu dewasaia sabamosapio atentopu mo kadi do waimoi, ipawa mo mai ne bedenawo sumanaintoipona, dia.

Gagalo euda Iesu Keriso umanawa Ion girumalena 3:2

Me tadino dea gagalo baiwa Iesu mampe wisene diene wanase, “Debamamba, no atenten e ipa God sauwa euda wade mampe apana waeuwamoiana, ipawa e ginasa mukamukaua dewamoiana. Apanaida mai epe dewasapia rua, dia, tane naita me God mampe mukawa wadepia, me epe dewasapia rua.”

Gagalo euda Iesu Keriso umanawa Ion girumalena 5:36

Dima Ion ne umanana benemalena ipa ulaipaida. Tane dewa mukamukauaida ne dewamopatuwapia baiwa Mamamba witanawomono tauma dewamodina ipa pokawaauida, mai Ion ne umanana benemalena rua. Ita dewa mukamukaua ema mampe sabamosade Mamamba ne waaubaneno winen.

Gagalo euda Iesu Keriso umanawa Ion girumalena 6:36

Tane ne bauta dialena rua tauma segaleide, e ne ewanele tane mai sumanaitipona, dia.

Gagalo euda Iesu Keriso umanawa Ion girumalena 7:31

Apana uaraia bedeuwo isiwa me mampe sumanaintone waienase, “No atenten Keriso wisepie me ginasa uara dewamopi, ita apana ema ginasa uara dewamodio eweitana. Me dauwa Keriso, ba?”

Gagalo euda Iesu Keriso umanawa Ion girumalena 9:32

Mapo ita tauma mai mida da apana emawa potawa do muwalena inalepona, diaida, tauma os eweitana.

Gagalo euda Iesu Keriso umanawa Ion girumalena 9:41

Mape Iesu mo diaidamone wanase, “Naita e eba daula etape inseponase, ‘No emamba potawa wainitana.’ Epe insepono ne saulepono emala ewapona intawa wadapaaubepono emala eulepona, ita e kadila dia baiwa kotula epona. Tane e emala potawa di wainile eba insakadisaitile inseilanase, ‘No emamba euda eweite wainitana.’ E epe inseilana mampe ewapona intawa bodeilana ita kadila winakasaleidio wainilana kotuwaitana.”

Aposel 10:38

God Nasaret Iesuwa sonabene Aleu kakaiwa me osowe itune do muka wanena e ateitene wainilana. God ipa me do ita sausane muka waneno bola uduudu bedewe alene euda dewasane kerolala Seitan mukawa atowe waimoia inamodituwadie. Me muka sa dewasadie leidia umanawa e etale ateiten.

Aposel 2:22

Sosona Israelwa, asisuneana! Ne gagalona ema epe: God Nasaret Iesuwa bedewe eueuwa mukamukaua ita ginasa debamau dewamono emalawo ewale ateiten. Ita ema mampe God euwalen me ipa Nasaret Iesuwa wanaubeno mainimbo wisen.

2 Timoti 3:4

di sauakoakoantompa, tauwadea os nuakadikadintompa ita muba di ituposintompa. Mo God adiananasampe ete ewanuauwa os nuawadawadasampa.

Iems 4:4

E tawo ewanuauwa daitada menaledia, sa ipa mai God do deaitipona, e ipa i ninala rua, ewanuaula nambeido aleide. E ateiten, ba dia, tawo ewanuauwa daitada nuawadawadasanuna, sa ipa e God emalawoasaile adiananasailana. Apana mida tawo ema sowanasadia, me ipa God emalawoa apanawa.