Gagalo euda Iesu Keriso umanawa Ion girumalena 14:13 - Kanasi

¹³ Ne Mamamba mampe wainepino nitu uduudu e ne ebonawo iririwaitonuna ne ideita dewasapina. Ne epe dewasapino Mamamba me Otopa bedewe sapaida donsampe ionoidolempaa baiwa.

Gagalo euda Iesu Keriso umanawa Ion girumalena 14:13 Iomraidhean Croise

Matiu 21:22

Naita e sumanaitane dima raupari bedewe iririwaitonuna ideita wadana.”

Matiu 7:7

“E dima meneedia baiwa God iririsawo eneepi, banusae donsaa, kekesaraitawo ita du moawa wadepiaubepi e manawo.

Gagalo euda Iesu Keriso umanawa Mak girumalena 11:24

Sa baiwa e dewa uduudu raupari bedewe iririwaitonune sumanaitana ewaewawa abo dima iririwaitilana e aitamana wadapona. E epe sumanaitonuna dewa uduudu iririwaitilana God e enalepituwapio wadana.

Gagalo euda Iesu Keriso umanawa Luk girumalena 11:9

Ne dialedina, apana ema dewalena rua e do dima menaledia mampe God dionune iririsanune wanlempa ita God e dima iririwaitilana enalepituwapi! Banusane ita donsana, e du moawe kekesaraitano ita God wadepiaubepi e manlawo.

Gagalo euda Iesu Keriso umanawa Ion girumalena 10:30

Ne Mamana nata deaida, mukamba deawaa wainitana.”

Gagalo euda Iesu Keriso umanawa Ion girumalena 12:44

Ita Iesu aiawa mukama wane wanase, “Apana mida ne bedenawo sumanaileidia me mai ne os sumanainaleipona, dia, tane me mida ne waaubanena do sumanaiwaleidie wande.

Gagalo euda Iesu Keriso umanawa Ion girumalena 13:31

Iudas mo emone nosene aleno aupe Iesu wawe alala diamone wanase, “Taumaida Apana Otopa sapawaida me bowa ita enawisawa bedewe Sabamosapio me ionoidolepi. Ita dewa ema bedewee God sapawaida do sabamolepio apana me wadaposisapu.

Gagalo euda Iesu Keriso umanawa Ion girumalena 14:14

Epe segalempo bedewe e dima ne ebonawo iririwaneanuna ne etalepine dewasapina.”

Gagalo euda Iesu Keriso umanawa Ion girumalena 14:6

Ita Iesu me sipoasane wanase, “Ne nebaida ipa inta, ulaipa ita inawinakasala wainedina. Mai mida Mamamba mampe alepia rua, dia. Tane inta dea os, sa ipa ne bedenawoe Mamamba mampe wisepi.

Gagalo euda Iesu Keriso umanawa Ion girumalena 15:16

E mai ne sonabaneapona, dia, tane ne e sonabalena e aitane nolana dewamonuna mampe nauidasanuna baiwa. Ita ipawa sa e dewasano naupia winakasala. Ita dima uduudu menaledia ne ebonawo Mamamba mampe iririwaitonuno me enalempa. Ema baiwa ne e sonabalene ituleno wainilana.

Gagalo euda Iesu Keriso umanawa Ion girumalena 15:7

Naita e ne bedenawo wankasaitonuna ita ne aiana e bedelawo winompo ruawaitonuna dima uduudu menaledia God iririsanuno enalempa, mai dia.

Gagalo euda Iesu Keriso umanawa Ion girumalena 16:23

Ne e do wainitana walamawe e mai dima da ne ebonawo iririwaitapona, dia. Tane ne e elepe anteapo aupe e mai dima da baiwa ne iririwaneana, dia, tane e ne ebonawo Mamamba mampe iriritonuna. Ne ulaipa dialedina, dima uduudu e ne ebonawo iririwaitonuna Mamamba ideita enalempa. E ando iriritonune ita donsanuna, ita ema bedewe e nuala nuaeu nopesampa.

Gagalo euda Iesu Keriso umanawa Ion girumalena 16:26

Walama sawo e raupari bedewe ne ebonawo Mamamba mampe dima menaledia iririwaitana. Ne mai waiponase, ‘Ne Mamamba mampe iririnteapa e baila,’ dia.

Gagalo euda Iesu Keriso umanawa Ion girumalena 16:7

Ne e elepa umanawa wano etale nuala pareidalen. Tane ne dialedina, eulena e baila ne elepe anteapa, ipawa ne mai anteapa e saula Aleu kakaiwa mai manlawo wisepie nuala badosapi, dia. Tane naita ne elepe anteapa ne me wapaaubepo e manlawo wisepi.

Gagalo euda Iesu Keriso umanawa Ion girumalena 4:10

Tauma Iesu i sipoasane wanase, “E God amonawa euda enepia menasadia mai ateitapona, tane do apana mida e esa baiwa iririedia e mai atensapona. E dewa ema ateitapono e me iririsapono esa akasalala eneepona.”

Gagalo euda Iesu Keriso umanawa Ion girumalena 4:14

Tane mida esa ne wanapo napia me tauma ita ando nuawa mai osowe makolepi, diaida. Esa sa ne wanapo napia me nuawa bedewe maneulempa ita esa sa me inawinakasala wanepi.”

Gagalo euda Iesu Keriso umanawa Ion girumalena 5:19

Iesu mo sipoamone wanase, “Ne ulaipa dialedina, God Otopa mai dima da meba insaisawa rua Mamba dima menasadia ampiboe dewasapia rua, dia. Tane dima Mamamba dewasadio ewedia rua deawaa dewasade, ipawa Mamamba Otopa nata nolau deawaa os dewasai.

Gagalo euda Iesu Keriso umanawa Ion girumalena 7:37

Oda ompa osowe, walama sa ipa debamawaida, Iesu gagalo baiwa enene aiawa mukalene wane wanase, “E mida nuaa makolempa ne mainawo wino esa ne eneepo nae nua topi.

1 Korint 14:13

Sa baiwa apana mida aia da nambea gagalolempaa amonawa wadena me rauparilepio God me amonawa wanepio aia sa wadia ipawa do atenlepie sabamo benemalepi.

Epesus 2:18

Keriso ipa apana uduudu baibu bolene inta wadenauben. Me bedewe no Iuswa ita e do Aleu kakaiwa dea bedewe Mamamba God mampe winetaa rua os.

Epesus 3:12

No Keriso do deantene ita sumanaimba me bedewe ituitana baiwa me mampe awa mai ingugurala, tane no rua os walama uduudu dewa uduudu baiwa God mampentonta, mai mala ba sa do, dia.

Epesus 3:14

God e dewaleno inaida bedeweiten, sa baiwa ne kainokaino imina emmisintedine Mamamba God auwasadine wadaposisadina.

Pilipai 4:13

Ne dewa ema uduudu Keriso bedewee mida ne muka nedia dewasapaa rua.

Kolosia 3:17

Dima uduudu dewamonuna ba gagalowaitonuna mampe Tatamba Iesu ebowe os dewamonuna. Ita me bedewe Mamamba God auwasanuna.

Ibru 13:15

Sa baiwa no walama uduudu God wadaposisanta. Sa ipa no pulomba Iesu ebowa mampe God waneitana ita ema bedewe Iesu ebowa sabamosaitana.

Ibru 4:15

No Pirisimba ionoidoa Iesu no dewamba oauara mai atensialepona, tane no daumba etaetawa me atembaida. Ipawa me do no ruambalene rubu daitada donsan, tane mai kadiwa da dewasapona, dia.

Ibru 7:25

Ema baiwa me rua os mo mida me bedewainta God mampe wimoia me tauma ita ando inaidamopia rua. Ipawa me wanwankasalala, ita me walama uduudu God danawe mo baibu enedie rauparileide.

Iems 1:5

Tane apana da e bedelawo aten insaisawa euwa me mampe mai wineipona me God iririsapi aten wanepia baiwa. Ita God me aten insaisawa wanepi. Me mida iririleidia God mai etepie dabuasapie onawa wapiama, dia. Me apana uduudu nuaeuwa mampe debamasadie wanamode.

Iems 5:16

E kadila eda wawiaitane ita eda rauparitana God inalepia baiwa. Apana dodomana os God simbiasadia raupariwa ipa ipuipua mukamukaua.

1 Pita 2:5

Sa baiwa e do du seuwa eubu ruau e eba etela God wanana me duwaida, sa ipa me ekelesiawa du rua wadepia baiwa. Ema bedewe e God pirisiwaida kakaibu wanaitane ita aleu amonawa daitada eubu Iesu Keriso bedewe God wanana. Pulo ema ipa God menasadia rua.

1 Ion 3:22

Ita dima uduudu no iririwantata me no nenepio wadata, ipawa me anaanawa wadia no ruawantitana, ita do dima me nuawa eusadia no dewasaitana.

1 Ion 5:14

Tane mai sa os, do no raupari baiwa God danawe badowa enonta, ipawa no atenten dima me insaisawa ruawa no iririwantonta me etepie sipoasapi.