Gagalo euda Iesu Keriso umanawa Ion girumalena 13:1 - Kanasi

^1-2 Imonemba Iuswa uduudu Pasowa odawa odantopu, ita rawi sawo Iesu wawe alala do du dea bedewe auwene nana naie waimoie. Ita Iesu nana sa bedewe wandie God me walamawa ituna tawo ema epie Mamba mampe alepia atenlene insaisawa wadedie wandie. Mo mida me mebaawaida wanantoiena walama uduudu nuawadawadamodie os wandie. Tane me mebaawaida apanawa sa emopia baiwaleidie. Sa baiwa menaidasana bauta me ambi nuawadawadamodia eueuwa mo mampo dewasapio atendewantopuo muriwa emopie alepi. Mo nana sa epelala naie waimoio Seitan aitamana Iesu wawe alala dea Saimon otopa Iudas Iskariot bedewelene insaisa wanedia Iesu dabuasapie nanalepia baiwa.

Gagalo euda Iesu Keriso umanawa Ion girumalena 13:1 Iomraidhean Croise

Matiu 26:45

Tane me raupariwa diasane leulene wawe alala mampo wisene diamone wanase, “E ideita ituitile bubuaitilana, ba? Ewana, ne walamanaida maidalen. Taumaida Apana Otopa dabuasapuo kadiwa dewalala witapolepi.

Matiu 28:20

Ita dima uduudu ne e dialedina waeuwamono ruawantopu. Tane aiana ema insenune os wanlempa: Walama uduudu e ne do, tauma ita walama ompe.”

Gagalo euda Iesu Keriso umanawa Luk girumalena 22:53

Ne walama ruawantedine God duwa bedewe e do wainite ita e mai wadaneapona. Tane tauma e walamalaida wisen, omo ema bedewe duba mukawa nolalepia walamawa.”

Gagalo euda Iesu Keriso umanawa Luk girumalena 9:51

Iesu tawo epie leulepie uboo odepi alepia walamawa kampaleno me nuawa bedewe insaidasana alepia, mai dia, ita me aleidie Ierusalemwa.

Gagalo euda Iesu Keriso umanawa Ion girumalena 11:55

Tane Iuswa Pasowa odawantopua walamawa kampaleidio apana uaraia bolauwo waimoia oda awa Ierusalemwa wimonatuwaiena. Ita mo anaanau wadia mo mai kadi do Pasowa odawa odantopu, dia. Sa baiwa mo bauta kadiu mitawia baiwa duadintopue euntopue muriwa odantopu.

Gagalo euda Iesu Keriso umanawa Ion girumalena 12:23

Ita Iesu epe etene diamone wanase, “God insaisawa rua Apana Otopa bolepie bo bedewe enepiwisepie uboo odepi alepie Mamba tampe sapaidalepie wampia walamawa tauma wisenauben.

Gagalo euda Iesu Keriso umanawa Ion girumalena 13:29

Mo bedeuwo isiwa Iudas mo maneu oniedia insakadisasane inseienase, “Iesu me diedia alepie Pasowa odawa baiwa nanawa da menanedia gimaramopi, ba alepie nuaparelala mane wanamopi.”

Gagalo euda Iesu Keriso umanawa Ion girumalena 13:3

Iesu wandia bedewe atenlen Mamba dewa uduudu me atowemontuwana oniamompaa mukawa wanen. Ita do atenlen me God mampee tawo osowe iene wandia tane leulepie God mampe alepi.

Gagalo euda Iesu Keriso umanawa Ion girumalena 13:34

Tane ne anaana sanaa dialedina ema epe: E sosola do eda nuawadawadaitonune wanlempa. Ne e nuawadawadaledine do wainite leitana rua eda nuawadawadaitonune wanlempa!

Gagalo euda Iesu Keriso umanawa Ion girumalena 14:28

Ne elepe anteape tane leunteape manlawo wineapa wano etale nuabolaitile wainilana. E epe dewaitile mampe sabamoitilana e ne mai nuawadawadaidaneipona, dia. Naita e ne nuawadawadaneipono ne Mamamba mampe anteapaa baiwantedina e nuaeuwaitipe wanleipona. Ne ana sa nuaeuwaitipona, ipawa Mamamba me ipa debamawaida, mai ne ruana. Ita ne sape me sapawa bedewe wainepina.

Gagalo euda Iesu Keriso umanawa Ion girumalena 14:31

Ne dima dewasadina, sa ipa tawo apanawa atentopua baiwa ne Mamamba nuawadawadasadina ita me dima dianena ruaida dewasadina. Tauma enano ana!”

Gagalo euda Iesu Keriso umanawa Ion girumalena 16:28

Ne Mamamba mampee tawo ema osowe winen, ita tauma ne tawo ene leuntene antedina Mamamba mampe.”

Gagalo euda Iesu Keriso umanawa Ion girumalena 17:1

Iesu gagalo sa diasane aupe pisiwane emawa uboo odeno rauparilene wanase, “Mako, ne walamanaida tauma wisenauben. Ne iririedina e Otoaida sapaidasaa. Tane ne menanedia bonteape sapaidanteapo ita ema bedewe apana e wadaposiepuo sapaidaitaa.

Gagalo euda Iesu Keriso umanawa Ion girumalena 17:16

Ne mai tawo ema mampea wainipona rua mo mai tawo ema mampea, dia.

Gagalo euda Iesu Keriso umanawa Ion girumalena 17:26

Ne mo mampo e sabamoidoeno atenei, ita ne osoweosowe mo mampo e sabamoepino atenidaempe waimompa. Tane ne mo mampo e sabamoepino e nuawadawadaa ne bedenawosaana do mo bedeuwolepio wadapu. Ita ne nebaida mo bedeuwonteapo waimompa.”

Gagalo euda Iesu Keriso umanawa Ion girumalena 17:5

Mako, ne iririedina tauma manawonee sapaidanea tawo segasia walamawe nata wainite sapaidantite wainitana ruawa.”

Gagalo euda Iesu Keriso umanawa Ion girumalena 18:4

Mo dima awa ieia Iesu atenlentue wandie ita ona apanawa maidantoio me nosene mampo alene waitaramone wanase, “E mida wadanaitudepia awa wilen?”

Gagalo euda Iesu Keriso umanawa Ion girumalena 19:28

Iesu mo nata epe diamono dialeno aupe me nuawa bedewe insene atenlen nolawa uduudu God ituna ruawa dewamontue ompa osowe wisenauben. Ita buka bedewe girumalena winedia ulaipalepia baiwa me wane wanase, “Ne gadompana makoidaleide.”

Gagalo euda Iesu Keriso umanawa Ion girumalena 2:13

Iuswa odau Pasowa walamawa kampaleidio Iesu odene alen Ierusalemwa.

Gagalo euda Iesu Keriso umanawa Ion girumalena 6:4

Tane walama sawo Iuswa odau Pasowa napua walamawa kampaleidie.

Gagalo euda Iesu Keriso umanawa Ion girumalena 7:30

Iesu mo dodomana sipoamono mo etane nuau kadiidaleno baiwa inta banusaie me wadapaitudepona baiwa. Tane mai mida da witapa me osowe itupona, dia, ipawa Iesu walamawaida mai wisepona.

Gagalo euda Iesu Keriso umanawa Ion girumalena 7:6

Mo Iesu epe dieiena baiwa me diamone wanase, “Ne oda ema bedewe anteapa walamaida mai tauma wisepona, dia. Tane e baila walama uduudu wadaaubala winede, mai dima da enabodaleipona.

Gagalo euda Iesu Keriso umanawa Ion girumalena 8:20

Iesu aia ema God duwa bedewe naepe pulo itutulawo waeuwamodie epe wan. Tane mai mida da me wadapaitudepona, dia, ipawa me walamawaida God insaisawa rua ituna mai wisepona.

Paul letawa sumanailala Rom bedewe waimoia mampo girumalena 8:37

Tane Iesu Keriso no nuawadawadanena mukawa mampe no dewa inainambu ema uduudu amboiamote nanaumotaa rua.

1 Korint 1:8

God e saulempo badowaida enonune newa osowe wilena ita Tatamba Iesu Keriso leulepi wisepie apana kotumompe e manlawo mai wawu da donsapi, dia. God e sonabalene apalena, me Otopa Tatamba Iesu Keriso bedeweitane wankasaitana baiwa. Me ipa onionia apanawa euda e saulempo sumanaila bedewe badowaida enonune ompa osowe wilena.

Ibru 3:14

Naita bumpeido sumanaintena rua no insaisamba badowa Keriso bedewe itunte ita ideita ompa osowe wineta, no ipa Keriso do dea.

Ibru 3:6

Tane Keriso ipa mai Moses rua, dia. Me du apanawa Otopaida rua God duwa uduudu simbiadewasamode. Tane no sumanailala ipa God duwa rua wainilana. No badowa enonte sumanaimba dima ando segalepia nuaeu do inseitana bedewe itunta, no epe wataa rua.

Ibru 6:11

Tane no menaidanede e uduudu ompa osowe badowa enonune nolaitonuna, ita dima bedewe e insaisala ituilana ando ulaipa segalepi.

1 Pita 1:13

God e inaida ema enalena baiwa insaisala imaasanune dodomana os wanlempa ita eba onioniadewaitonuna. Iesu Keriso sabamolepie wisepia walama osowe sau amonawa euda enalepi. Sa baiwa e insaisala dodomana amona euda me e enalepia bedewe itununa.

1 Ion 4:19

No nuawadawadantitana, ipawa God bauta no nuawadawadanen.

Gagalo Sabamolala 1:5

Tane do amona euwa ita wanwan euda e manlawo Iesu Keriso mampe, mida God gagalowa ulaipa mampe benemaleidia. Uduudu bedeuwo me bautalene bo bedewe enenwisen. Me ipa apana debamau tawo onieia uduudu oniamode, mo uduudu ipa me atowe. Iesu Keriso no nuawadawadanede ita me osinawa kadi taunedia lotonauben.