Gagalo euda Iesu Keriso umanawa Ion girumalena 12:36 - Kanasi

³⁶ Sapa sa e bedelawo winedie sapaleidio wainilana bedewe insaisala sapa sa bedewe itunune os wanlempe sapa obampaida wanaitana.” Iesu gagalowa wano dialeno apana uaraia emone alene meba os nambe wandio ibuwa mai ewapona, dia.

Gagalo euda Iesu Keriso umanawa Ion girumalena 12:36 Iomraidhean Croise

Matiu 21:17

Ema aupe Iesu mo emone Ierusalemwae nosene Betani bedewe alene sape wandie.

Matiu 5:14

E ipa tawo sapawa wainilana. Ita bola wadi iwa osowe sabamo winedio apana uduudu eweia rua tawo apanawa e sapala ewapu, mai weregalepia rua, dia.

Gagalo euda Iesu Keriso umanawa Luk girumalena 16:8

Maura apanawa me sauwa apanawa epe dewalena umanawa etene me asowa wan, ipawa me bautalene imaalen nolasasia waimpaa walamawe bopawa nampe wampia insaisawa wadendewalen. Duba apanawa ando baiwa imaawa atendewantoie waimoi ita mo maneu mampe sosou uarantoia intawa atenidantoi, mai sapa apanawa ruau.

Gagalo euda Iesu Keriso umanawa Ion girumalena 1:7

Me mebaida ipa mai sapa, tane me wisena inaida sapawa benemawalepia baiwa. Me wisena sapa sa umanawa benemalepio apana etapue me bedewee inaida sapawa me umanawa wadia bedewe sumanaintopua baiwa.

Gagalo euda Iesu Keriso umanawa Ion girumalena 11:54

Iuswa eiau insaisau deasaia Iesu bolepi, sa baiwa mo muba epe gagalontoia walamawe Iesu mo bedeuwointa leidia ene awoa wawe alala os do bola Eparaim sala makowa tampe antone waimoie.

Gagalo euda Iesu Keriso umanawa Ion girumalena 12:37

Iesu ginasa pokawaau uaraia mo bedeuwointa dewamodie leidio ewane tane mai me mampe sumanaintopona, dia.

Gagalo euda Iesu Keriso umanawa Ion girumalena 12:46

Ne tawo ema osowe winene tawo apanawa sapau wainedina. Ita ne tawo sapawa winena apana uduudu mida sumanaibu ne bedenawo itumpa mai dubawa bedewe wankasantompa.

Gagalo euda Iesu Keriso umanawa Ion girumalena 3:21

Tane mida ulaipa mampe wandie dodomana dewasadia me sapa bedewe wisede, ita me sapa bedewe wisena eueuwa sabamosadie dewa euda dewamodia. Sa ipa God mukawa me bedewe nolaleidie dewasade, mai me meba dewasaipona, dia.

Gagalo euda Iesu Keriso umanawa Ion girumalena 8:12

Iesu osowe apana mampo gagalolene wanase, “Ne ipa tawo sapawa. Mida ne wanawo iedia me mai duba bedewainta waimpe leumpa, diaida. Tane me sapa wadepie mampesapio ita sapa sa inaida wanepio wankasalepi.”

Gagalo euda Iesu Keriso umanawa Ion girumalena 8:59

Me epe wana etaetawa abo me God wakadisasapona. Sa baiwa mo seu otene me epapona, tane Iesu weregainta God duwa ene nosene alen.

Epesus 5:8

E bauta ipa duba apanawaida, tane tauma Tatamba bedewe e ipa sapa apanawaida wanaiten, sa baiwa e sapa dewawa dewasanune wanlempa.

1 Tesalonaika 5:5

E uduudu ipa sapa obampa walamo wainilana. No sumanailala mai duba mampea ba tadina obampa, diaida.

1 Tesalonaika 5:8

Tane no mida walama obampa wainitana insaisamba dodomana mampe onioniadewantonte wainenta. No sumanai ita nuawadawada nitu irama rua etemba anaanawa taunte do leunta. Tane inaida insaisawa uwambo kunubobo irama mampe dewalala rua anonta.