Gagalo euda Iesu Keriso umanawa Ion girumalena 11:55 - Kanasi

⁵⁵ Tane Iuswa Pasowa odawantopua walamawa kampaleidio apana uaraia bolauwo waimoia oda awa Ierusalemwa wimonatuwaiena. Ita mo anaanau wadia mo mai kadi do Pasowa odawa odantopu, dia. Sa baiwa mo bauta kadiu mitawia baiwa duadintopue euntopue muriwa odantopu.

Gagalo euda Iesu Keriso umanawa Ion girumalena 11:55 Iomraidhean Croise

Matiu 26:1

Iesu gagalo ema uduudu diasane me wawe alala diamone wanase,

Matiu 26:2

“E atenla walama nata bedewe Pasowa odawa walamawa segalepi ita sawana sa bedewe mo Apana Otopa koros osowe bosapua baiwa nanantopu.”

Gagalo euda Iesu Keriso umanawa Mak girumalena 14:1

Pirisi debamau ita anaana waeuwalala auweie gagalontoie inta na inta Iesu wadapuitue kotusapue bosapu. Ita mo gagalontoie insaisau deasane waienase, “Walama nata dialepio aupe Pasowa odawa nata. Ita ema aupeaupe no bured sasanasiawaia odantonte nanto walama 7 dialepi.

Gagalo euda Iesu Keriso umanawa Luk girumalena 22:1

Walama sawo Ierusalem bedewe Ius apanawa bured sasanasiawaia odantopue napua walamawa maidalen, oda sa ebowa da waia Pasowa.

Gagalo euda Iesu Keriso umanawa Ion girumalena 12:1

Iesu bola Eparaimwa wandie ene osowe Lasares imanaida bo bedewe enenwisene wandia bolawe Betaniwa alen. Ita sape me wisene wandio walama 6 nambanepe winedia Iuswa Pasowa odawa odantopu.

Gagalo euda Iesu Keriso umanawa Ion girumalena 13:1

Imonemba Iuswa uduudu Pasowa odawa odantopu, ita rawi sawo Iesu wawe alala do du dea bedewe auwene nana naie waimoie. Ita Iesu nana sa bedewe wandie God me walamawa ituna tawo ema epie Mamba mampe alepia atenlene insaisawa wadedie wandie. Mo mida me mebaawaida wanantoiena walama uduudu nuawadawadamodie os wandie. Tane me mebaawaida apanawa sa emopia baiwaleidie. Sa baiwa menaidasana bauta me ambi nuawadawadamodia eueuwa mo mampo dewasapio atendewantopuo muriwa emopie alepi. Mo nana sa epelala naie waimoio Seitan aitamana Iesu wawe alala dea Saimon otopa Iudas Iskariot bedewelene insaisa wanedia Iesu dabuasapie nanalepia baiwa.

Gagalo euda Iesu Keriso umanawa Ion girumalena 18:28

Kaiapas Iesu kotusane diasano sorodia ita Iuswa eiau isiwa tadina bedewe me banlene Rom gabemaniwa debama Pailat mampe antoiena. Tane mo sape wimone Iuswa mai Pailat kotuwa duwa bedewe odapona, dia. Mo anaanau ampupune Pasowa odawa bedewe odasiantopua sawa peloo eneie. Ipawa Iuswa anaanau wadia mo uwa da apanawa duwo mai odapu, dia.

Gagalo euda Iesu Keriso umanawa Ion girumalena 2:13

Iuswa odau Pasowa walamawa kampaleidio Iesu odene alen Ierusalemwa.

Gagalo euda Iesu Keriso umanawa Ion girumalena 2:6

Ius apanawa ete mitamitawa dewawa baiwa sape esa dugiwa 6 endomoieno eneia, saibu debamaia, apana nataitanata dugi dea awanepua rua.

Gagalo euda Iesu Keriso umanawa Ion girumalena 5:1

Iesu Galili bedewe wandie ene Iuswa odau baiwa Ierusalemwa odene alen.

Gagalo euda Iesu Keriso umanawa Ion girumalena 6:4

Tane walama sawo Iuswa odau Pasowa napua walamawa kampaleidie.

Aposel 21:24

Sosomba sa sauantona rua etemitamita dewawa dewasapua baiwantoia e mo do aitane etemitamita dewawa dewasaa. Ita ema aupe mo uwau imba tountopua manewa mo itupona e mo baibu ituwo uwau tountopu. E dewa ema dewasawo apana uduudu ewapue atentopu e kutuna waia ipa ipasia, tane e eba do Moses anaanawa uduudu ruawaitiana.

Aposel 21:26

Paul mo aiau ruawalene imonemba apana sa otamone do antone etemitamita dewawa dewasaiena. Ema aupe Paul meba God duwa bedewe odene alene ita pirisi dien walama dainea mo etepu miramiralena walamawa dialepio ita me mo deadea baibu nene otepie pulou itupi.

Aposel 24:18

Ne Iuswa anaanau wadia rua etena mitano dialeno God duwa bedewe pulo itudino mo wimone ne ewaneiena. Tane sape mai apana uara ne do, ita ne mai apana da ensimopono kadiwa dewasapona, dia.

1 Korint 11:28

Sa baiwa e bured ita wain nanawa baiwaitonune e eba daula etane insenase, “Ne rua, ba dia, ita bured wain do napa?” Ema aupe bured ita wain nana.

Iems 4:8

E God mampeitana ita God do e manlawolepi. E kadi dewalala witala mitana! E insaisala natamoile wainilana! E God nuawadawadasailana ita do tawo ewanuauwa daitada nuawadawadamoilana. Sa baiwa nuala mitane euitana!