Gagalo euda Iesu Keriso umanawa Ion girumalena 10:27 - Kanasi

²⁷ Tane mo mida ne sipsipnaida waimoia ne aiana eteie atensaie ruawantoi. Ita ne mo atenidamono waroroneie os waimoi.

Gagalo euda Iesu Keriso umanawa Ion girumalena 10:27 Iomraidhean Croise

Matiu 16:24

Sape Iesu me wawe alala diamone wanase, “Me mida ne warorona menasampa mai meba insaisawa wadepi, diaida. Tane dima uduudu nuawa teinedia dabuamopie emopituwapi. Ita meba korosiwa, sa ipa poka saiwa God ituna awanepi.

Matiu 17:5

Pita gagaloleidioma giou sapusapua aisidene nosene mo taubodamono ita giou bedewe aia segalene wanase, “Ema ipa ne nuawadawadana Otopaida, nuana eusadio wainedina. Me aiawa etanadewaitana!”

Matiu 25:12

Mo epe badowa iririntoio nainai apanawa diamone wanase, ‘E mai odana rua, dia, e apana dainea, ne mai atenleipona!’”

Matiu 7:23

Tane ne mo diamope wapaase, ‘E kadiwaida dewalala, ne e mai atenlepona, eneane nambeido aitana!’”

Gagalo euda Iesu Keriso umanawa Mak girumalena 10:21

Me epe wadio Iesu etene nuawadawadasane diene wanase, “E dea os eanosidena dewasaa: Puraiwaa uduudu manawo wineia gimaramoatue manewa wadee nuaparelala wanamowo uboo e mauraa debamalepi. Ema dewasae aupe wine ne waroronea.”

Gagalo euda Iesu Keriso umanawa Mak girumalena 8:34

Iesu ema wane aupe apana uaraia sape laia apamono wimoieno ita wawe alala do diamone wanase, “Me mida ne warorona menasampa mai meba insaisawa wadepi, diaida. Tane dima uduudu nuawa teinedia dabuamopie emopituwapi. Ita meba korosiwa, sa ipa poka saiwa God ituna awanepie waroroneampa.

Gagalo euda Iesu Keriso umanawa Luk girumalena 13:27

Me epe wanuno etepie tanalepie dialepi wapiase, ‘Ne mai e atenlepona, nainta wilene wailana? E kadi dewalalaida wilen, eneane nambeido aitana!’

Gagalo euda Iesu Keriso umanawa Luk girumalena 9:23

Mape Iesu mo uduudu sape auwene asisuntoia diamone wanase, “Apana mida ne warorona menasampa mai meba insaisawa wadepi, diaida! Tane dima uduudu nuawa teinedia dabuamopie emopituwapi. Ita meba korosiwa, sa ipa poka saiwa God ituna walama ruawalempe awanempe waroroneampa.

Gagalo euda Iesu Keriso umanawa Ion girumalena 10:14

Ne gamo apanawaida euda dodomana, gamo oniadewasau apanawa wainedina. Ne Mamana atenidanedio wainedina ita ne me atenidasadina. Epe rua deawaa ne sipsipna atenidamodino waimoi ita mo ne atenidanei. Ita ne inawana mo inamopino waimompadewantompaa baiwa itupe epa.

Gagalo euda Iesu Keriso umanawa Ion girumalena 10:16

Tane ne sipsipna da nambe waimoia banlamopo sipsip wanwambu bolawa imaala winediawo odapue sipsipna bauta odeiena bedeuwontopu. Ita mo muriwa odaodalala sosou bautalala ruau ne aiana etompe atenidasampe ruawantompe waimompa. Ita sipsipna muriwa odaodalala sosou bauta odeiena do deantompe sipsip apanawaida dea os oniadewasamompe waimompa.

Gagalo euda Iesu Keriso umanawa Ion girumalena 10:8

Ne muriwantene odana, tane mo uduudu mida bautantone odeiena mo ipa poiwaa ita banlakadisalala. Ita sipsip mo aiau etane koasane baiwa mai ruawantopona, dia.

Gagalo euda Iesu Keriso umanawa Ion girumalena 12:26

Apana mida ne simbiana menasampa me ne waroronepie ne dewantedina rua dewalepi. Ita ne naepe antepina me do waroroneampe inta sape alempa. Mida ne epe simbianepia ne Mamana me ebowa debamasapi.”

Gagalo euda Iesu Keriso umanawa Ion girumalena 21:22

Me epe wadio Iesu etene diaidasane wanase, “Naita ne menaneapono me inawaa wainipono ne leunteape wineapona, ema osowe e mai nuaa tauna! E ne waroroneana!”

Gagalo euda Iesu Keriso umanawa Ion girumalena 5:25

Ne ulaipa dialedina, walama iedia wisepi tane aitamana wisen ita bolala God Otopa aiawa etapu. Tane mida aia sa eteia inaida bedewe wampu.

Gagalo euda Iesu Keriso umanawa Ion girumalena 8:12

Iesu osowe apana mampo gagalolene wanase, “Ne ipa tawo sapawa. Mida ne wanawo iedia me mai duba bedewainta waimpe leumpa, diaida. Tane me sapa wadepie mampesapio ita sapa sa inaida wanepio wankasalepi.”

Gagalo euda Iesu Keriso umanawa Ion girumalena 8:43

E dima baiwa ne aiana eteile tane ipawaida mai ateitipona? Ne aiana e manlawo saiwaida wan, sa baiwa e mai etane ruawaitana rua.

Aposel 3:23

Ita mida me aiawa mai etepie ruawalepia God meba apanawaida bedeuwo me nambesapie kadisapi.’

1 Korint 8:3

Tane mo mida nuawadawadantoie waimoia mo ipa God atenmon.

Galasia 4:9

Tane tauma e Godida atensalana apanawa, ba ne wapaase, “God e atenlena wainilana.” E God atensalana ene leuitane tawo mukawa oauarau daitada ipusiawaia osowe sauitane simbiamona baiwaitilana. Sa ipa ambi?

2 Timoti 2:19

Tane God aiawa ulaipaida badowa enede, seu debama du awanediposidedia rua. Seu ipa sa osowe girumalene wadiase, “Tatamba apana mida me mampea atemba.” Ita do girumalene wadiase, “Apana mida Tatamba ebowa wasabamosadie sumanaiwaleidia, me ideita kadi dewawa eidasapi.”

Ibru 3:7

Sa baiwa no God Aleu kakaiwa bedewee dima gagalowaleidia asisudewantata. Me epe wadi wadiase, “Ande, walama ema bedewe e God aiawa etonune

Gagalo Sabamolala 14:4

Mo ipa mida mai ioto do ninantoipe etepu miramirasapona, tane etepu kakaisaie di waimoia. Mo ipa sa Sip sanaa naepe aleidia ruawa wawe antoi. Nana bauta ipawa itudio uwauwantoia ruawa epe mo ipa tawo osowe wanwanlala uduudu bedeuwo gimaramona uwauwamon God ita Sip sanaa baibu.

Gagalo Sabamolala 3:20

Gagalona ema etanadewaitana! Ne du moape enane kekesarantedina. Apana mida ne aiana etedie ita ne baina du moawa wadediaubedia ne me mampe odape me nata oda nanawa nata.