Gagalo euda Iesu Keriso umanawa Ion girumalena 1:31 - Kanasi

³¹ Bauta ne mai me atensapona me apa Keriso mida God wanaubena, tane ne winene esa mampe babatutumodine inta imaasadina meida Israel apanawa mampo sabamolepia baiwa.”

Gagalo euda Iesu Keriso umanawa Ion girumalena 1:31 Iomraidhean Croise

Matiu 3:13

Walama sawo Iesu Galili ene esa Ioadanwa wisen Ion me babatutusapia baiwa.

Matiu 3:6

Mo kadiu wawiantono ita Ion mo esa Ioadan bedewe babatutumon.

Gagalo euda Iesu Keriso umanawa Luk girumalena 1:17

Mapo God Aleupa kakaiwa peroweta Elaia wanene nopesano muka do nolalena rua deawaa God me Aleupa kakaiwa e otoa wanepie nopesapio muka do nolalepi. Ita me bautalepie apana diaimaamompo kadiu insadabuantompe waimompo Tatamba wisepio wadapue mamposapu. Mamamau obampu do adiedaantoie insaisau nambenambe waimoia me dewamopio insaisau deasapue dodomanantopu. Ita mo mida God anaanawa dabuasaie eia me dewamopio insaisau leusapue aten insaisawa euda wadapue apana God mampe dodomanantoia ruauntompe waimompa.”

Gagalo euda Iesu Keriso umanawa Ion girumalena 1:30

Me ipa sa mida umanawa ne wane wanase, ‘Ne wanawo ando apana dea wisepia me ipa debamawaida, mai ne ruana, ipawa me bauta wandio muriwa ne munten.’

Gagalo euda Iesu Keriso umanawa Ion girumalena 1:32

Ita Ion Iesu umanawa benemalene wanase, “Aleu kakaiwa nene bunebune rua uboe iene me osowe waino ne ewana.

Gagalo euda Iesu Keriso umanawa Ion girumalena 1:33

Ne mai me atensapona rua, dia, tane mida ne apana esa mampe babatutumopina baiwa waaubanena me dianene wanase, ‘E Aleu kakaiwa ewono iepie ita apana dea osowe wampia, me ipa sa mida Aleu kakaiwa mampe mo babatutumopio ita Aleu kakaiwa apana bedeuwolepi.’

Gagalo euda Iesu Keriso umanawa Ion girumalena 1:7

Me mebaida ipa mai sapa, tane me wisena inaida sapawa benemawalepia baiwa. Me wisena sapa sa umanawa benemalepio apana etapue me bedewee inaida sapawa me umanawa wadia bedewe sumanaintopua baiwa.

Aposel 19:4

Mo epe waio Paul waeuwadewasamone wanase, “Ion Babatutu apana insaisau leusapue kadi epue God mampe dodomanantopue babatutuntopua waeuwalen. Ita me Israel apanawa diamone wanase, ‘E mida ne wanawo iedia bedewe insaisala itune sumanaiwaitana.’ Ion sa ipa Iesu umanawa wan.”