Iems 5:6 - Kanasi

⁶ E dodomana apanawa banlamolano kotu baiwa wimoiena ita e laga mampe otamole aimolana. Mo mai sipoa onantopona, dia, tane e di bomolana.

Iems 5:6 Iomraidhean Croise

Matiu 21:38

Tauma irai onieia apanawa irai apana otopaida iedio ewane muba gagalontone waienase, ‘Tauma irai ema apanawaida otopa wisen. Ane, me wadataitue bosate, aupe dima uduudu me mampea no taupakawantata!’

Matiu 27:20

Tane pirisi debamau ita apana eiau apana uaraia waninamoiena mo Pailat iririsapuo Barabas wadepiaubepio inalepi, ita me Iesu bosapi.

Matiu 5:39

Tane ne tauma ema epe dialedina: Apana mida e manawo kadiwa dewasapia mai kadiwa mampe sipoasaa, dia! Tane ema epe dewaitaa: Apana mida sainaa epedie wadiase, ‘E ipasiawaia,’ me ewo sainaa da do epepi.

Aposel 22:14

Ne emana euleno aupe me dianene wanase, ‘No nosinosimba Godiu e sonabaena me insaisawaida atenidaitaa. Ita do me sonabaena Otopaida euda dodomana wandia ibuwaida ewawo manawo gagalolepio aiawaida etaa.

Aposel 7:52

E nosinosila peroweta uduudu dabuamone kadimoiena. Ita do peroweta mida mapo benemantona God apana dodomanaida wapiaubepio wisepia e nosinosila epaboiamoiena. E ipa ensel mampoe me anaanawa wadalana, tane mai oniepadewaitapona, dia. Ita e apana sa dodomanaida God wanaubeno wisena nanaitene koros osowe bosalana.”

Aposel 8:32

Tane me buka nepa sa wisialeidia wadi wadiase, “Mo sipsip bosapua apanawa mampe banleie antoia rua me banlene bosapua baiwa antoiena. Sipsip bunawa imba totontoia apanawa danauwo onasia enedia rua me onau apanawa danauwo dainawa onasia di enedie.

Ibru 10:38

Ita ne apanana dodomana sumanaiwa mampe inawaa wampi. Tane apana mida insaisawa leusadie nambe aleidia, me mampe ne nuana mai eulepi, dia.”

Iems 2:6

Tane e nuaparelala ituaisimoile wareuwamoilana. E ateiten apana mauralala eboeboua mo ipa e wanwanla kadiidasai. Mo ipa e muka do dialeie banlaleia kotu apanawa mampe wileno kotulepia baiwa.

Iems 4:2

Dima e eweile menaidaledia tane mai wadapona rua nuala pola waidasadia osowe wawaitane, onawa maene ita apana bosana. Tane nitu ipa e menaidaledia mai wadana rua, ipawa e mai nitu ema baiwa God iririsaipona, dia.

1 Pita 4:18

Ema epe segalepia, ipawa buka bedewe girumalena wadi wadiase, “Apana eubu dodomanau inaida donsapua intawa awa mo mampo badokadileide. Tane sa bedewe kadi dewalala God mai sawantoipona inaida ambi donsapu?”