Iems 1:3 - Kanasi

³ God e sumanailala poka isiwa enaledia mampe wadaetalede. Tane e ateiten, naita poka sa bedewe e sumanaila mai eipona, sa ipa e muka wadaidasailana sumanaila bedewe badowa enonune poka saiwa iompo awanenune nanausanuna rua os.

Iems 1:3 Iomraidhean Croise

Gagalo euda Iesu Keriso umanawa Luk girumalena 21:19

E poka saiwa ema bedewe badowa enonuna e inaida donsane inaitana.”

Paul letawa sumanailala Rom bedewe waimoia mampo girumalena 15:4

Ita dima uduudu buka bedewe girumalena, sa ipa no wasaunepie dodomananepia baiwa girumalen. Wasau gagalowa buka bedewe winedia ita do poka saiwa no eteitana dewanepio no insaisamba God bedewe ituta.

Paul letawa sumanailala Rom bedewe waimoia mampo girumalena 2:7

Apana mida dewa euda dodomana dewasaia ita do God sapawaida, ebou euda ita do inawinakasala banusaie baiwantoie mai eipona, mo ipa inaida winakasala God mampe wadapu.

Paul letawa sumanailala Rom bedewe waimoia mampo girumalena 8:25

Tane no dima ewasiawaia bedewe insaisamba ituite, ema baiwa no nuamba aiaisiwa mampe ipawaida segalepia baiwa onioniawantite wainitana, mai etedabuantipe eipona, dia.

Paul letawa sumanailala Rom bedewe waimoia mampo girumalena 8:28

No epe atenten: God apana mida me bauta insaisaulena rua apamono me nuawadawadasaia baibu me dewa daitada bedewe mo euwa donsampaa baiwa nolaleide.

2 Korint 4:17

No poka daitada eteitana ipa mai saiwa, ita walama kampaida os baiwa segaleide. Tane poka sa ipawaida naupia ipa potopotowa winakasala sapawa debama do, mai poka tauma eteitana do deasataa rua, dia.

Kolosia 1:11

No menanedia God sapawaida mukawa mampe e muka enalepio badowa enane poka saiwa bedewainta aitonune mai etedabuaitane ena, dia.

2 Tesalonaika 1:4

E epe dewaitilana baiwa no God ekelesiawa uduudu bedeuwo e asola waite umanala diamoitana. Tane e poka eteile ita apana e kadileia bedewe badowa eneile aitilana mai sumanaila eipona, dia. Sa baiwa do no e asola waitana.

2 Tesalonaika 3:5

Tane no e baila rauparintitana Tatamba saulepie banlalepio e God nuawadawadawa ipawaida ateitana. Ita poka eteilana bedewe Keriso mukawa mampe badowa enonuna, mai dabuaitana, dia.

Ibru 10:36

E poka bedewe ideita badowa enonune aitonuna. Inta ema bedewe e God insaisawa ruawaitane ita dima me sauawalena donsana.

Ibru 12:1

Sumanai apanawa ema uaraia enane pananene sumanai intawa euda no waeuwanei. Sa baiwa nitu uduudu dima sumanaimba surakausadia, tane do kadi no teinaaisinedia otawiamote nambemote ita weuwate ane intamba God ituna ompa osowe winete diasata, mai etedabuantata, dia.

Ibru 6:12

No mai menaneipona e nuala obasalepi! Tane apana mida sumanaintoie nuau aiaisiwa mampe odane antone ita dima God sauawalena wadeiena mo ruauitana, mai etedabuaitane ena.

1 Pita 1:7

Dima baiwa e rubu pokawa daitada eteilana? Poka sa e sumanaila ipawaida rubusadie eueuwa osowe itudie ewede. Eueuwa ema wapo insena: Gold ipa diala, tane ia bedewe supuo ipie mirawa nosepituwapi ipawaida sabamolepia baiwa. Epe rua deawaa, e sumanaila do poka bedewe rubu osowe itupie ewepi. Tane e sumanaila ipa nitu uwatauwa eudida, mai gold rua. E sumanaila ipawanalepia e ando Iesu Keriso sabamolepia walamawe e ebo debama ita wadapos sapawa euda wadana.

2 Pita 1:6

E God ateitena osowe eba onioniadewaitana dewawa ituna. Ema osowe God awa akasalala ituna. God awa akasalala osowe God sawaitana dewawa ituna.