Ibru 9:15 - Kanasi

¹⁵ Dewa ema uduudu mampe God sauawa sanaa apana me do deantopua baiwa wane ituna Keriso ipawanasan. Iesu meba bowa mampe apana God sauawa tontawa walamawe dewa kadiwa dewamoiena malesawa itune inamon. Sa baiwa mo mida God apamodia me amonawa euwa winakasala wadapu, me saualena rua.

Ibru 9:15 Iomraidhean Croise

Matiu 19:29

Ita apana mida duwa, tatatawa, wanwamba, weaweanapa, mamba, inawa, obampa ba iraiwa ne baina emodia me ando dima emona ruawalepie uaraia eiasampe otempa ita do inawinakasala donsapi.

Matiu 22:3

Oda walamawaida wiseno warere nolawa dewalala waaubamono antoiena nisolala diamopuo oda imaalene winedia bedewe wimopua baiwa. Tane mo oda bedewe awa dabuantone wankasanton.

Matiu 25:34

Ita warere apana witapa on deneuwe diamopie wapiase, ‘E mida ne Mamana euwa osolawo ituna winlena! Winlena ita God gonaawa tawo segasadie walamawe e baila imaasano winedia wadana!

Matiu 25:36

Ne gara abolawanteno e ne gara nealano tauna. Ne kero wadaneno e wilene ne oniadewasanealana. Ne dibura bedewe wainedino e wilene ne nuadubunealana.’

Gagalo euda Iesu Keriso umanawa Mak girumalena 10:17

Iesu mo sau euda osouwo itune diasane a baiwaleidio apana dea tauwadea Iesu mampe wisene me danawe imimpa emmisilene waitarasane wanase, “Debamamba, e euda apanawa, dianeawo atenteapa ne dima dewasape inawinakasala donsapa?”

Gagalo euda Iesu Keriso umanawa Luk girumalena 18:18

Iesu mo sau euda osouwo itune diasane enedio apana onionialala dea eboeboua me mampe wisene waitarasane wanase, “Debamamba, e euda apanawa, dianeawo atenteapa ne dima dewasape inawinakasala donsapa?”

Gagalo euda Iesu Keriso umanawa Luk girumalena 22:20

Mo nana naieno dialeno Iesu bauta bured wadene amonalena rua deawaa redu wadene wanase, “Redu ema ipa God sauawa sanaa ne osinana e baila memenaubena mampe ipawanaleide.

Gagalo euda Iesu Keriso umanawa Ion girumalena 10:28

Ne sipsipnaida inawinakasala wanamope oniadewasamopino mai kadiwa bedewe antopue kadikadintopua rua, diaida. Mo ne witanawo euda os waimompadewantompa, ita mai mida mukawa wineipona wisepie ne witanawo otaaubamopi, diaida.

Aposel 20:32

Tauma ne e God witape ita me nuaparewa amonalena Gagalowa euda bedewe tealedina. Tane gagalo ema rua os saulepio initane badowa enana ita sumanai apanawa kakaibu God dima sauamona e do wadana.

Paul letawa sumanailala Rom bedewe waimoia mampo girumalena 5:10

Mapo no ipa God emalawoa apanawa wainite, tane me Otopa Iesu Keriso bowa bedewee God dewaneno sosowaida wanantene me do deanten. Tauma me sosowaida wananten, tane ideita ando Iesu bo bedewe enenwisena baiwa me do ina sanaa bedewe wanta, mai kotuntata, dia.

Paul letawa sumanailala Rom bedewe waimoia mampo girumalena 5:6

Mapo mai muka da no mainimbo wineipe kadi bedewe inantepona baiwa, dia. Tane no kadi bedewe God atensia wainitano God walamawa itunawo Keriso no baimba bolen.

Paul letawa sumanailala Rom bedewe waimoia mampo girumalena 5:8

Tane no kadi bedewe wainitano Keriso baimba bolen. Inta ema bedewe God me nuawadawadawa no baimba sabamosane euwanen.

Paul letawa sumanailala Rom bedewe waimoia mampo girumalena 8:28

No epe atenten: God apana mida me bauta insaisaulena rua apamono me nuawadawadasaia baibu me dewa daitada bedewe mo euwa donsampaa baiwa nolaleide.

Paul letawa sumanailala Rom bedewe waimoia mampo girumalena 8:30

Apana mida God bauta sonabamone awoamona me apamon. Ita mo mida me apamone mampemona dodomananton. Tane mo mida me mampe dodomanantona me meba sapawa mampe mo sapaidamon.

Paul letawa sumanailala Rom bedewe waimoia mampo girumalena 9:24

sa ipa no Iesu Keriso sumanaiwalala umanamba wan. Tane God mai Iuswa os apamopona, dia. Me uwa daitada apanawa do apamon me sapawaida donsapona baiwa.

2 Korint 3:6

God meba mukawa nenen me saua sanaa apana me do deantopua baiwa wane ituna nolawantontaa baiwa. God sauawa sanaa Keriso bedewe segalena ipa mai anaana asiasi nolaleipona, tane Aleu kakaiwa os mampe nolaleide. Anaana girumala no ampuiasaitana baiwa bo wadedi wisede, tane Aleu kakaiwa me inaida wadedi wisede.

Galasia 3:20

Anaana, sa ipa apana sawano enedia bedewainta Israel mampo wisen. God Abraam sauasapia baiwaleidie mai apana da bedewee sauasapona, dia. Tane apana dea os, sa ipa God me mebaida moawe dodomana Abraam mampe gagalolen.

Epesus 1:7

God nuawadawada osowe mauraidalena baiwa nuaparembalene me Otopa wanaubeno wisen. Ita osinawa mampe kadi taiwa taunedia lotonaubene inanene kadiwamba insendabuasan. No mai dima euda dewasapona, dia. Tane God nuaparembalene nuawadawadawa amonawa debamawa, insaisa euwa, ita atenida do di memenaubeno unu rua osombo ieno wadatana.

2 Tesalonaika 2:14

God e sonabalene apalena, Tatamba Iesu Keriso sapawaida sumanailala isiwa wadeiena rua e do wadana baiwa. E dewa eubu ema dommolana, sa ipa Gagalo euda e manlawo no amonantena bedewee wisen.

1 Timoti 2:5

God dea os wande, tane apana dea God ita no sawanambo enedie banlanedia God mampe wineta. Me ipa apanaida Keriso Iesu,

2 Timoti 2:10

Ne ideita poka etepina God apanawa sonabalala baibu, mo do Keriso Iesu bedewe inaida sapawa winakasalala wadapua baiwa.

Taitus 1:2

No sumanaimba ita ulaipa intawa bumpa, sa ipa no inawinakasala bedewe insaisamba ituite wainitana. God, me mida mai laga wawala, tawo segasia walamawe inawinakasala ema sauawa wan.

Taitus 3:7

God epe dewasana no me nuawadawadawa amonawa euda bedewe me mampe dodomanantataa baiwa, ita do inawinakasala me sauawalena wadata. Inawinakasala sa bedewe no insaisamba ituitana.

Ibru 10:34

Sumanai sosomba isiwa dibura bedewe waimoie poka eteia e do deawaa eteilana. Mo mida dima e manlawoa anatamoio e nuaeu do wankasaiten, ipawa e ateiten e manlawo ipa nitu uwataubuida eubu winakasalala winei.

Ibru 10:36

E poka bedewe ideita badowa enonune aitonuna. Inta ema bedewe e God insaisawa ruawaitane ita dima me sauawalena donsana.

Ibru 11:13

Sumanai bedewe apana ema uduudu waimoie ompa osowe bontoiena. Nitu dima God mo sauamona mai da donsape wadapona, dia. Tane mo atentoiena dima God sauawalena ipa andoido segantopua mo ideita nuaeu do saua sa onieie waimoie. Mo sabamo wane waienase, “No ipa tawo osowe ware ita wanriasalala apanawa wainitana.”

Ibru 12:24

E ipa Iesu, mida God sauawa gagalowa sanaa wano winedia ipawanasana, mampe wilen. Ita do e me osinawa memenaubena mampe wilen. Osina sa ipa nitu eubuida benemauleide, mai Abel osinawa rua.

Ibru 13:20

God, mida wanwan euda obasa no nenedia, Tatamba Iesu bo bedewe inasano enenwisen. Iesu meba osinawa mampe God sauawa gagalowa winakasalala ipawanasane, ita ema bedewe sipsip onioniau apanawa eudida wanalen.

Ibru 2:14

Tane apana umanau God me perowetawa bedewee wadi wadiase, “Ne obaina.” Tane mo ipa apanaida. Ita Iesu mo ruaulene apanaida wanalen. Me poka etene ita bolen. Iesu epe dewalena, me mida bo mukawa wadedia, sa ipa kadi mamba Seitan, kadisapie nanausisapia baiwa. Ita do me bowa bedewee apana mo wanwambu uduudu bedewe bo sawa mo taudomodia inamopia baiwa.

Ibru 3:1

Sumanai sosona kakaila, God e apalen uboo awa baiwa. Iesu mida God wanaubena ita Pirisi ionoidoa wanalena e ewanadoe insenuna. Iesu ipa ema no sumanaiwantite ebowa wasabamosaitana.

Ibru 6:13

Gagalo ema do insena: God Abraam mampe badowa saualene wanase, “Ne sauna euda e osoawo itupe e dana debamasapa.” Tane mai mida da debamawaida God rua wainipona baiwa God saua Abraam mampe wana meba ebowa mampe saisaisane ipawanasan.

Ibru 6:15

God Abraam sauasano etene nuawa aiaisiwa mampe inta ewaewalene odene alene ita dima God sauasana donsan.

Ibru 7:22

God sauawa ema wana, sa ipa me saua sanaa eudida apana me do deantopua baiwa wane ituna winede, mai gagalo tontawa rua. Iesu me ipa God sauawa saisaisana apanawa.

Ibru 8:13

Gagalo ema bedewe God sauawa sanaa umanawa wade. Sa baiwa God sauawa tontawa ipasiasan. Ita dima ipasialene tontalena, sa ipa kerauda os dialepi.

Ibru 9:12

Keriso God duwa kakaiwaida uboa bedeweido walama dea os deasane me meba osinawa mampe odene alen. Ita me no baimba malesa itune inawinakasala intawa wadenauben. Me mai pue gote, ba kau sanaa osinau wadape do odape alepona, dia.

Ibru 9:16

Tane saua gagalowa umanawa ema do insena. Apana e sauaepie wapiase, “Ne bonteapo aupanawo dima ne mainawoa edina e wadaa.” Tane apana sa waimpaa walamawe dima me sauawalena e mai wadaa rua, dia.

Ibru 9:28

Deawaa Keriso do walama dea os meba etepa pulolene ituna, apana uara kadiu awanepiaubepia baiwa. Ita me awa natawa wisepia, sa ipa mai kadi da awanepiaubepia baiwa, dia. Tane me wisepie mo mida me inta ewaewawantoie onioniawaidantoie waimoia inamopia baiwa.

Iems 1:12

Nuaeu debamaia me mampe mida poka daitada mampeleidio sumanaiwa bedewe badowa enedia God wadaetasadia walamawe. Me nuaeulepi, ipawa me wadaeta sa nanausapio God unewa eudida inawinakasalala wanepi. Une sa God saualena mo mida me nuawadawadamodia wadapu.

1 Pita 3:18

Ne ema epe wadina, ipawa Keriso do kadi baiwa walama dea os deasane poka eten. Me ipa apana dodomanaida, tane kadi dewalala baibu bolen. Ema bedewe me e banlalepio God mampe wilena. Keriso eteida wandio bosaiena, tane God me inasano enenwisene aleu gonaawa bedewe wandie

1 Pita 5:10

Tawo ema osowe wainilana bedewe e walama kerauda os bedewe poka eteilana. God e nuapare mampe amonawa euda enalene ita e apalena poka ema aupe Keriso do me sapawaida bedewe waina. Keriso meba e tanlawolepie muka enalepio badowaida enakasaitana.

1 Ion 2:25

Tane Keriso no inawinakasala nenepia sauawalena insenuna.

Gagalo Sabamolala 5:9

Ita mo Sip sanaa danawe dunentone wadaposisaie sasa sanaawa sasantoie waiase, “Mo e koros osowe seueieno boiteno ita osinaa mampe dan daitada bedeuwoe apana malesamoana God baiwa. Ita do aia daitada wawalala bedeuwoe, do ete daitada ita do uwa daitada bedeuwoe e apana malesamoana God baiwa. Mo ipa God gonaawa apanawaida wananton. Ita e dewamoano pirisintona no Godimba simbiawantompe warere ruau tawo uduudu oniempa. E os epe dewaitene boitene apana God baiwa malesamoana, sa baiwa eulena e buka wadee lomiwa wadaaube wadaake ewaa.”