Ibru 8:13 - Kanasi

¹³ Gagalo ema bedewe God sauawa sanaa umanawa wade. Sa baiwa God sauawa tontawa ipasiasan. Ita dima ipasialene tontalena, sa ipa kerauda os dialepi.

Ibru 8:13 Iomraidhean Croise

Matiu 24:35

Uba ita tawo uduudu diaidantopu, tane ne aiana mai dialepi, diaida!”

Gagalo euda Iesu Keriso umanawa Luk girumalena 22:20

Mo nana naieno dialeno Iesu bauta bured wadene amonalena rua deawaa redu wadene wanase, “Redu ema ipa God sauawa sanaa ne osinana e baila memenaubena mampe ipawanaleide.

1 Korint 13:8

Apana Aleu kakaiwa saumompo God insaisawa atentompe benemawantompa, sa ipa tauma os baiwa, tane nolau sa ando dialepi. Deawaa, mo mida Aleu kakaiwa sauwa mampe aia daitada ipawaida mai atentoipona God mampe gagalontoia, sa ipa tauma os baiwa, ando aiau sa dialepi. Deawaa, apana Aleu kakaiwa saumompo aten uduudu wadompe waimompa, sa ipa tauma os baiwa, ando aten sa dialepi. Tane dea os nuawadawada ipa mai dialepi, winakasalala.

2 Korint 3:6

God meba mukawa nenen me saua sanaa apana me do deantopua baiwa wane ituna nolawantontaa baiwa. God sauawa sanaa Keriso bedewe segalena ipa mai anaana asiasi nolaleipona, tane Aleu kakaiwa os mampe nolaleide. Anaana girumala no ampuiasaitana baiwa bo wadedi wisede, tane Aleu kakaiwa me inaida wadedi wisede.

2 Korint 5:17

No epe waitana, ipawa no epe atenten: Apana mida Keriso nata deantoia, me ipa sanaaida segalene eulen. Dewa tontawa aitamana dialen ita tauma sanaa wisen!

Ibru 1:11

Uba ita tawo gara rua tontalepie diaidalepi, tane e ando wankasaitaa.

Ibru 12:24

E ipa Iesu, mida God sauawa gagalowa sanaa wano winedia ipawanasana, mampe wilen. Ita do e me osinawa memenaubena mampe wilen. Osina sa ipa nitu eubuida benemauleide, mai Abel osinawa rua.

Ibru 7:22

God sauawa ema wana, sa ipa me saua sanaa eudida apana me do deantopua baiwa wane ituna winede, mai gagalo tontawa rua. Iesu me ipa God sauawa saisaisana apanawa.

Ibru 8:6

Tane tauma Iesu pirisi nolawa eudida waden, mai pirisi tawo osowe nolantoia rua. Deawaa, God sauawa gagalowa sanaa dima Iesu meba ipawanasana ipa eudida, mai saua gagalowa tontawa rua. Ipawa gagalo sanaa ema bedewe God sauawa eudida itun, mai bauta wana rua.

Ibru 8:8

Tane God apana mampo kadi donsana baiwa epe wane wanase: “Ne, e Tatala, wadina. Walama iedia ando wisepio ne sauana gagalowa sanaa Israel ita Iuda apanawa baibu itupa.

Ibru 9:15

Dewa ema uduudu mampe God sauawa sanaa apana me do deantopua baiwa wane ituna Keriso ipawanasan. Iesu meba bowa mampe apana God sauawa tontawa walamawe dewa kadiwa dewamoiena malesawa itune inamon. Sa baiwa mo mida God apamodia me amonawa euwa winakasala wadapu, me saualena rua.