Ibru 6:17 - Kanasi

¹⁷ Deawaa, God apana mida mo ando dima me sauawalen wadapua mampo sabamoidosana me insaisawa mai leusapi, dia, tane ideita dewasapi. Sa baiwa me saua badowa wane, ita me meba ebowa mampe wane saisaisan.

Ibru 6:17 Iomraidhean Croise

Gagalo euda Iesu Keriso umanawa Ion girumalena 10:10

Mo poiwaau sipsip kadimompaa awa mampo wimoie menamodia sipsip poisamompe ita epaboiamompa. Tane ne mai mo ruau, ne winena mo inaida donsapue wadapue nuau nopesapue euda os waimompa.

Paul letawa sumanailala Rom bedewe waimoia mampo girumalena 11:29

Ipawa God apana sonabamone me nuawadawadawa amonawa wanamona ando mai insaisawa leusapie mampo wadepiaubepia rua, dia.

Paul letawa sumanailala Rom bedewe waimoia mampo girumalena 8:17

No tauma God obampaida wanantena baiwa dima uduudu me mampea ipa no do nubaamba. Ita deawaa, dima Keriso God mampe wadena ipa no do baimba. Ipawa no Keriso do poka etonta ando ideita me do sapawa bedewe wanta.

Galasia 3:29

Tane e ipa Keriso mebaawaida, sa baiwa e ipa Abraam nosinosiwa, dima God sauawalena wadana apanawa.

Epesus 1:11

God bauta insaisawa ituna rua dewa uduudu dewasadio segaleide, mai di segaleipona, dia. Ita God bauta insaisawa ituna rua no sonabanene dewaneno me apanawaida wananten. Sa ipa God menasana rua segalen.

Ibru 11:7

God Noa bautasane dima ewasiawaia ando segalepia umanawa dien. Sumanai bedewe Noa God aiawa etene Godida dauwa atenlene ruawalene waa debama dewasane me meba ita manainapa, obampa, ita tawatawabinawa do inantoiena. Dewa ema mampe Noa sumanaisiawaia apanawa dewau kadiwa sabamosan. Tane me sumanailena baiwa God me diene wanase, “E ipa apana dodomanaida.”

Ibru 11:9

Sumanai bedewe Abraam bola sanaa God sauawalena bedewe ware rua du kerakeraleidie wandie. Muriwa Aisak ita Iakob mo mida God sauawa do wadeiena deawaa dewantoiena.

Ibru 6:12

No mai menaneipona e nuala obasalepi! Tane apana mida sumanaintoie nuau aiaisiwa mampe odane antone ita dima God sauawalena wadeiena mo ruauitana, mai etedabuaitane ena.

Ibru 6:16

Apana mida saualeidia me nitu da, ba apana da ebowa debamaia, mai meba ebowa rua, mampe sauawaleide. Saua aiawa ema mampe wakoa gagalowa uduudu dialepi.

Ibru 6:18

Dewa ema nata God mai lagau wapie insaisawa leusapia rua, dia. Sa baiwa gagalo ema no mida God gonaawa bedewe odate inantena wasauidanede. Ita dima no nainimbanepe inseitana badowa wadatado, mai etedabuantate eta.

Iems 1:17

God ipa sapa mamba, sapa uduudu me dewamon. Me mai sapa ita dubawa dewawa natamoipe dewamoipona, diaida. Tane me ipa deawaa bumpe odena wande. Ita apana amonau eubu os God mampe wadei.

Iems 2:5

Nuana sosowa, ema wapo insenadewaitana! E ateiten ba dia, mo mida tawo osowe wanwanlala apanawa ewamoie inseia mo ipa nuaparelalaida, God apana sa sonabamono me apanawaida wananton. Me mo sonabamona sumanaibu bedewe debamantopue maurantopu ita me gonaawa bedewentopue wankasantopu. Sa ipa God mo mida me nuawadawadasaia sauamona rua.

1 Pita 1:3

No Tatamba Iesu Keriso Mamba no Godimba wadaposisanta! God no nuaparembaidalene ina sanaa neneno bedewe munten. God Iesu Keriso bo bedewe inasano enenwisena baiwa no ina sanaa sa wadate bedewe wainitana. Ita ema baiwa no tauma insaisamba dima winakasalala bedewe ituitana.

1 Pita 3:7

Tane gagalo deawaa ne e apana mona do dialedina. E sosola iwoa mo ipa oauarau, mai e eba ruala. Sa baiwa mo insaisau wadonune deaitopa wiwira mampe mo do wanlempa. Ne epe dialedina, ipawa inaida amonawa euda God mo do wanamono wadeiena. E rauparila dima enabodasapia sawa epe dewaitonuna.