Aposel 9:1 - Kanasi

¹ Saul bauta dewaleidia rua Ierusalem bedewe Tatamba wawe alala kadimodie wandie. Me epe dewaleidie wandie sumanailala bola dawo waimoia do kadimopia menasano pirisi ionoidoa mampe alene

Aposel 9:1 Iomraidhean Croise

Aposel 7:58

Ita mo Sitiwin wadanaitue teinene bola debama waiwe antoiena seu mampe epapubolepia baiwa. Sitiwin gagalowa eteiena apanawa isiwa mo ipa me epapubolepia baiwa garau onapea otawiamone ita apana sanaa ebowa Saul mampe teamoieno onien.

Aposel 8:3

Saul Ierusalem bedewe wandie menaidasadia ekelesia apanawa kadimopituwapi. Sa baiwa me du deadea bedewainta alene apana mona ita iwoa do teinaaubamodie dibura bedewe teamodie.

1 Korint 15:9

Ne ema epe wadina, ipawa aposel uduudu bedeuwo ne ipa keraudaida oauara. Neida ipa mai euda ita ebo Aposel wadapona, ipawa ne bauta God meba ekelesiawa kadimodine diamopatuwapona baiwantedine.

Galasia 1:13

Ne neba umanana wapo insena. E etale ateiten Iuswa dewau uduudu ne dewasadine bedewe wainedine. Ne Iuswa sumanaibu dewawa uduudu ruawantene dewasanatuwan, ita sosona Iuswa isiwa ne do muntena mo amboiamone bautanten. Ita waeuwa gombana wadaiasaieno mainawo wisena bedewe insaisana uduudu itune nolawanten. Ne insaisana ema wadane baiwa God apanawa Kerisolala mukana uduudu mampe kadimodine diamopatuwapona baiwantedine.

Pilipai 3:6

Ne insaisana God nolawa bedewe badowa itune baiwa Iesu Keriso sumanaiwalala apanawa kadimona. Apana da Moses anaanawa ruawalepatue asiasi God mampe dodomanalepono, sa ipa ne dewasapona rua, ipawa ne anaana uduudu onienadewanten.