Aposel 7:36 - Kanasi

³⁶ Ita Moses Israel apanawa Isibt bedewe banlamono nomone antoiena. Me dewa mukamukaua do ginasa eueuwa Isibt bedewe dewamodie. Tane do owa debama ebowa waia Owa bumawa bedewe, ita do ena 40 bedewe sala makowa bedewainta ginasa uara dewamon.

Aposel 7:36 Iomraidhean Croise

Gagalo euda Iesu Keriso umanawa Ion girumalena 4:48

Iesu me dima iririwaleidia etene diene wanase, “Ne ginasa dewasapo e ewane sumanaitana baiwaitilana, tane ginasa dia, e mai di sumanaitana rua.”

Aposel 13:18

Mo sala makowa bedewe antoie momodu daitada waio God mai etamope dabuamope emopona, dia, me ideita oniadewasamodio ena 40 dialen.

Aposel 7:42

Sa baiwa God mo adiananamone emona mo muba insaisau rua kipora uba tampea mampo sumanaintompe wadaposimompa. Ema ipa peroweta bukawa bedewe dima girumalena rua segalen. Tane peroweta epe wadi wadiase, ‘Israel apanawa, e ena 40 sala makowa bedewe moiala uduudu otele ne puloneile, ba? Diaida!

Ibru 3:8

nuala mai anatene badosana. Mai Israel apanawa ruauitana, mo rubu walamawe sala makowa bedewe God aiawa etane tane adiananasane amboitusaiena.”

Ibru 3:9

Ita God mo umanau ema epe wane wanase, “E nosinosila sala makowa bedewe kadiwa dewasane mampe ne awasinaneiena. Tane ena 40 bedewe ne dima dewasana mo emauwo eweiena.”

Ibru 8:9

Saua sanaa ema ipa mai gagalo tontawa ne mo nosinosiu mampo ituna rua. Ne bautantene mo witapu wadane Isibt bedewe banlamono nomone antoiena walamawe ne sauana gagalowa tontawa ituna. Tane saua ne wane ituna mo mai ruawantope wankasantopona, sa baiwa ne emone adiananamona. Ne, e Tatala, wadina.