Aposel 5:31 - Kanasi

³¹ Ita God Iesu uboo meba witapa on deneuwe itunposideno no wareremba ita Inawamba wanalena, me no Israelwa banlanepio insaisamba leusate kadimba eto God insepidabuasapia baiwa.

Aposel 5:31 Iomraidhean Croise

Matiu 1:21

Me oto mona gamosapio ita e me ebowa itue waase, ‘Iesu.’ Ebo sa ipawaida ipa me God apanawa kadi bedewe waimoia inamopi. E ebo sa itua, ipawa Iesu ipa apana kadi bedewe inamopi.”

Matiu 28:18

Ita Iesu mo mampolene wanase, “Muka uduudu uba bedewea ita tawo osowea ne nen.

Gagalo euda Iesu Keriso umanawa Mak girumalena 4:12

Dima peroweta Aisaia mapo wana ipawanaleide, me wane wanase, ‘Mo dewa ewompa, tane mai atendewantopu, do gagalo etompe tane mai insepue atentopu, dia. Naita dima eweipe ita eteipe atentoipono mo insaisau leusape God mampentopono kadiu insadabuamopona.’”

Gagalo euda Iesu Keriso umanawa Luk girumalena 2:11

Walama ande bedewe Dawid bolawe e Inawala mulen e baila, me ipa Keriso no Tatamba.

Gagalo euda Iesu Keriso umanawa Luk girumalena 24:47

Ita me ebowa mampe insaisa leuleusawa ita kadi insadabua gagalowa uwa daitada apanawa bedeuwo amonantopu, tane Ierusalem bedewe bauta uwaalepi.

Gagalo euda Iesu Keriso umanawa Ion girumalena 4:42

Mo i diane waienase, “No mai dima e waana os baiwa sumanaintipona, dia, tane tauma no asimbo me gagalowa etate atenten me ipa ulaipaida apana uduudu Inawamba.”

Aposel 11:18

Pita mo epe diadewasamono etane Pita dieia ene God ebowa wadaposisaie waiase, “God uwa daitada apanawa baibu inaida intawa wadenauben mo kadiu epue insaisau leusapue inawinakasala donsapua baiwa.”

Aposel 13:23

Ita God mapo saualena rua Dawid damba bedewe Israel apanawa mampo Inawamba Iesu wanaubeno wisen.

Aposel 2:33

God Iesu bo bedewe inasane wadenposidene ionoidosane me witapa on deneuwe wande. Mamamba Aleu kakaiwa sauala Iesu waneno waden ita me tauma Aleu kakaiwa sa amonalene nenen. Tane Aleu kakaiwa ulaipa no osombo iene nolaleidio e tauma emalawo eweile ita do eteilana.

Aposel 2:36

Sosona Israelwa, ema uduudu atendewaitana: Iesu ema, mida e koros osowe bosalana, God dewasano me Tatamba ita Keriso Inawamba segalene wande.”

Aposel 2:38

Tane Pita sipoamone wanase, “E insaisala leusane kadi ene dodomanaitane ita Iesu Keriso ebowe babatutuitano God e kadila insepidabuasapi. E epe dewaitane God amonawa Aleu kakaiwa wadana.

Aposel 3:15

E ina bumpa apanawaida bosalana, tane God me bo bedewe inasano enenwisen. No dima emamboido ewatana benemawantitana.

Aposel 3:19

E insaisala leusane kadi ene dodomanaitane God mampe winleno me e kadila insepidabuasapi. E kadila ene dodomanaitano God Aleu nanawa enalempo nanune sumanai bedewe badowa wanlempa. Tane God Inawamba sauawalena e baila sonabene itun, me ipa Iesu.

Aposel 3:26

Tane God me nolawa dewalala sonabene wanaubeno bauta e Iuswa manlawo wisena e deadea saulepio kadi bedewe insaisala leusane dodomanaitana baiwa.”

Aposel 4:11

Iesu sa umanawa buka bedewe girumalene wadiase, ‘E du wadawadala apanawa seu ema nibuasalana, tane seu ema ipa eudidalen du awanepiposidepia rua.’

2 Korint 2:10

Me mida dewa ema dewasana kadiwa e insenadabuasana ita ne do me kadiwa insepadabuasapa. Tane me mai ne mainawo kadi dewasapona, dia. Tane Keriso emawe ne e baila me kadiwa aitamana insenadabuasana.

Epesus 1:7

God nuawadawada osowe mauraidalena baiwa nuaparembalene me Otopa wanaubeno wisen. Ita osinawa mampe kadi taiwa taunedia lotonaubene inanene kadiwamba insendabuasan. No mai dima euda dewasapona, dia. Tane God nuaparembalene nuawadawadawa amonawa debamawa, insaisa euwa, ita atenida do di memenaubeno unu rua osombo ieno wadatana.

Pilipai 3:20

Tane no mai mo inseia rua inseipona, dia. No bolambaida naepe wankasantata ipa uboo winede. No nuamba uduudu mampe Inawamba uboe wimpia onioniawantite wainitana, me ipa no Tatamba Iesu Keriso.

Kolosia 1:14

Me Otopa Keriso no inaida nenen, sa ipa me no kadiwamba uduudu mitenaubene riasano alen.

Taitus 1:4

Taitus, ne otonaida, e no do uduudu sumanaimba dea bedewe wainitana manawo leta ema girumantedina. No Mamamba God ita no Inawamba Keriso Iesu saubu amonawa euwa ita do wanwan euda obasa eneempa! Niapo!

Taitus 2:10

ba mo mampo pointompa, dia. Tane mo ideita dewa uduudu bedewe euwa sabamosampo apana mo sumanaibuntompa. Inta ema bedewe mo God no Inawamba umanawa waeuwa wadaposisampe sapasampa.

Taitus 2:13

Tane tauma wainitana walamawe no nitu eudida, sa ipa no Godimba debamawaida ita Inawamba Iesu Keriso sapawaida do sabamolepie wisepia bedewe insaisamba ituite onioniawaidantite wainitana.

Ibru 12:2

No weuwante bedewe Iesu ewadosante antonta. Tane Iesu, me ipa no sumanaimba bumpa ita ompa. Me nuaeuwa debama winedia ewene baiwa koros pokawa etedie do koros osowe bowa malawa mai insepona. Ita ompa osowe me God kolaiwatawa on deneuwe aisidene wain.

Ibru 2:10

God menasana apana uara me obampa wanantopue me sapawaida bedewe antopue wimopu. Ema segalepia baiwa me dewasano me Otopaida poka etene alene ompa osowe wisene sapaidalene ita inaida intawa enabodala wadenauben. God nitu uduudu segasana me os baiwa winei. Me ipa epe dewasapia rua.

1 Pita 3:22

Keriso bo bedewe enenwisene aupe uboo odene alene God witapa on deneuwe aisiden wain. Ensel ita uboo wanwanlala mukamukaua uduudu ipa me atowe.

2 Pita 1:1

Ne Saimon Pita Iesu Keriso mebaawaida nolawa dewalala ita aposeliwa leta ema girumantedina. Iesu Keriso no Godimba ita Inawamba, me mida dodomanaida, no sumanaimba uwatauwa neneno wadatana. Ne e sumanai sosona, mida sumanai uwatauwa ema no wadatana ruawa deawaa wadalana manlawo girumantedina.

2 Pita 1:11

Inta ema bedewe Tatamba ita Inawamba Iesu Keriso me gonaawa winakasalala duwa moawa nuaeu debama maurala do wadepiaubepi e odana baiwa.

2 Pita 2:20

Sumanailala no Tatamba ita Inawamba Iesu Keriso atentona baiwa tawo ema kadiwa bedewe ene nomone inantoiena. Tane apana ema leuntoie tawo ema kadiwa bedewentoio nanaumodia. Sa ipa mo wanwambu kadiidaleide, mai bauta waimoia rua.

2 Pita 3:18

Tane e Tatamba Iesu Keriso no Inawamba nuawadawadawa amonawa ita me atendewaitana atemba bedewe ideita initonune wanlempa. Me mampe ipa sapaida tauma ita ando winakasala! Ulaipa, amen.

1 Ion 4:14

Tane no aposel Iesu emamboido ewate ita benemawantite waitanase, “God, no Mamamba, me Otopa deaida wanauben tawo ema kadi bedewe inasapie euwa osowe itupia baiwa.”

Gagalo Sabamolala 1:5

Tane do amona euwa ita wanwan euda e manlawo Iesu Keriso mampe, mida God gagalowa ulaipa mampe benemaleidia. Uduudu bedeuwo me bautalene bo bedewe enenwisen. Me ipa apana debamau tawo onieia uduudu oniamode, mo uduudu ipa me atowe. Iesu Keriso no nuawadawadanede ita me osinawa kadi taunedia lotonauben.