Aposel 28:11 - Kanasi

¹¹ No bonabona sa bedewe wainitano waa bola Alekisandiriawoe wisene Malta bedewe enakasalen, ipawa obasa walamawe lanunu debama weuwadio baiwa a mai rua. Waa sa osowe ebo nata girumantoiena: Kasitoa ita Polukas, sa ipa mo godiu nata ragaraga ebou. No Malta bedewe wainitano uaboa natadea dialen tane waa ema bedewe odate asiasi anten.

Aposel 28:11 Iomraidhean Croise

Aposel 13:6

Mo Salamis bedewe Gagalo euda amonantoieno dialeno bonabona Saipirus bedewainta antone waiwa dawo bola Papos bedewe wimoiena. Sape Papos gabemaniwa debama Seagius Paulus wandie Banabas Paul nata me bolawe wimoiena umanawa eten. Me insaisa debama apanawa. Me God aiawa etaetawa menasano baiwa Banabas Saul nata gagalou wanaubena me mampe wimopu. Mo nata gabeman sa gagalowa etane ruawantone mampe antone God aiawa amonantoio Iuswa dea ebowa Ba-Iesu, me ipa peroweta lagawaa ita wene apanawa, gagalo mampe amboitumodie bodamodie. Me gabeman Seagius Paulus nolawaleidio do waimoia apanawa.

Aposel 27:6

Sape no waa sa ete nonen. Ita sorodia debama Iulius waa dea bola Alekisandiriawoe wisena Itali awa baiwaleidio donsane no waa sa odate asiasi anten.

Aposel 28:10

Mo nuaeuntone baiwa auwau uaraia ituieno wadatana. Ema aupe wanwansate ete waa asiasi a baiwantitano inta baiwa dima menanedia rua dosane baimba imaasane neneiena.

Aposel 28:12

No bola debama ebowa Sairakus bedewe winene walama natadea sape wantana.

Aposel 6:9

Iuswa isiwa bola Sairini ita Alekisandiria, tane do bola Silisia ita Asia bedewe Ierusalemwa wimone sape gagalo duwa dea ebowa waia Tautaulala inantona gagalou duwa bedewe deanton. Ita mo Sitiwin wadabuasane do wawanton.

1 Korint 8:4

Tauma god lagawaau sumanaibulala mo godiu kokoitaubu baibu moia pulontoia nanawa umanawa dialepa. No atentena kokoitau uduudu diapanau, mo god lagawaau ipusiawaia baibu kokoitau di dewamoie teamoi. Ita no atentena God dea os wande, mai god da wainipona, dia.