Aposel 21:39 - Kanasi

³⁹ Ita Paul leusane wanase, “Ne ipa Iuswa, Silisia bedewe bola Tasusiwa munten, ne bola debama sa otopa. Ne ideita eneawo apana ema mampo gagalonteapa!”

Aposel 21:39 Iomraidhean Croise

Aposel 15:23

Ierusalem ekelesiawa sumanailala Antiokiwa waimoia letau girumantone wanamoiena wadapue do antopu. Mo leta sa bedewe girumantone waienase, “No aposel ita apana eiau e uwa daitada sumanai sosomba bola Antiok, Siria ita Silisia bedewe wainilana auwaleitana! Euda e manlawo winompa!

Aposel 15:41

Siria ita Silisia bolau bedewainta antone ekelesia wasaumoie wabadomoie.

Aposel 16:37

Paul gagalo sa etene di nomopue antopua dabualene osowe polis diamone wanase, “Rom gabemaniwa apanawa debamau mai no kadiwamba da donsapona, dia. Tane mo apana emauwo sabamo di epanene Rom anaanawa ainapundeiena. No anaana asiasi Rom apanawaida wanantene wainite, tane mo no epanene diburaneieno wainitano tauma weregainta antataa wai. Sa mai ide! Ne menanede mo mubaida wimpue no banladewasanepuo dibura ete nonete ana.”

Aposel 21:37

Sorodia mo dubu bedewe odape Paul epona baiwantoio me sorodia uwaula waitarasane wanase, “Ne e manawo gagalo da wapaa rua, ba dia?” Paul Girik aiawa mampe gagaloleno etene me sipoasane wanase, “E Girik aiawa waiana,

Aposel 22:3

“Ne Iuswa, Silisia bolawa Tasus bedewe muntena apanawa. Tane ne keraudanawo mape Ierusalemwa winene debamanten. Ne mape wainedino waeuwana apanawa Gamaliel nosinosimba anaanau waeuwaneno atententuwan. Ne nuana uduudu nanantene God simbiawanten e uduudu ande ema wainile etaneile dewasailana rua.

Aposel 23:27

Apana ne wanaaubena Iuswa wadanaitue bosapua baiwantoiena. Tane ne atenten anaana asiasi Paul me Rom apanawaida ruaulen. Sa baiwa ne sorodiana waaubamono Paul inasane banlene wimoiena.

Aposel 23:34

Pelikis leta sa wadene wisialene Paul waitarasan me bola dainea apanawa. Ita Paul me diene wanase, “Ne Silisia bolawa dea bedewe muntena apanawa.”

Aposel 6:9

Iuswa isiwa bola Sairini ita Alekisandiria, tane do bola Silisia ita Asia bedewe Ierusalemwa wimone sape gagalo duwa dea ebowa waia Tautaulala inantona gagalou duwa bedewe deanton. Ita mo Sitiwin wadabuasane do wawanton.

Aposel 9:11

Ananaias epe wano Tatamba me diadewasasane wanase, “E enawie, inta dea ebowa apana waiase, ‘Inta dodomana’ asiasi aite Iudas duwa bedewe odaa. Ita du sawo bola Tasus apanawa Saul waitarawaitee ewaa. Me sape rauparileidie wande.

Aposel 9:30

Mo me bosapona intawa banusaio sumanai sosowa sape waimoia etane Saul banlene bola Sisaria bedewe iane antoiena. Ita sape mo me wanaaubeieno waa asiasi Tasusiwa alen.

1 Pita 3:15

Tane Tatamba Keriso nuala bedeweidosane me wiwirawaitonuna. Ita apana da e waitaralepie wapiase, “Dima baiwa e insaisala Keriso bedewe ituilana?” Epe waitaralepia sawa walama uduudu imaaitonune wanlempa dima e ateitene sumanaiwaitilana ipawa sabamo waeuwamona. Tane wiwira mampe gagaloitana mai apana nuau empi, dia.