Aposel 2:47 - Kanasi

⁴⁷ Mo walama uduudu God ebowa wadaposisaie waimoie. Mo epe dewantoio apana awoa wankoalala uduudu mo dewau ewane nuau euleno asou waiena. Ita God walama deadea ruawaleidie apana wankoalala inamodio sumanailala bedeuwontoie.

Aposel 2:47 Iomraidhean Croise

Gagalo euda Iesu Keriso umanawa Luk girumalena 19:48

Tane apana uduudu Iesu asisusaie os laio baiwa walama sawo mo mai me bosapona intawa da donsapona, dia.

Gagalo euda Iesu Keriso umanawa Luk girumalena 2:52

Tane Iesu eialene aten insaisawa mampe debamaleno God ita apana do nuau eudidalen me mampe.

Aposel 11:21

Bola sawo Tatamba mo muka wanamono gagalontoio mampe apana uara kadiu ene insaisau leusane Tatamba bedewe sumanainton.

Aposel 11:24

Banabas apana euda, me sumanai debama apanawa. Aleu kakaiwa me nopesano muka debamawa wadene sape Gagalo euda amonaleidio apana uaraia Tatamba bedewe sumanaintoiena.

Aposel 13:48

Uwa daitada apanawa gagalo ema etane nuau euleno Tatamba aiawa baiwa God ebowa wadaposisaiena. Ita bedeuwo apana mida God inawinakasala baiwa sonabamona sumanaintoiena.

Aposel 14:1

Paul Banabas nata mo dewau rua Aikonium bedewe Iuswa gagalou duwa bedewe odane antone Gagalo euda amonantoiena. Mo sape badowa gagalontoio Iuswa ita uwa daitada apanawa uara mo etamone sumanaintoiena.

Aposel 14:21

Mo antone bola Deabe bedewe wimone Gagalo euda amonantoieno apana uara sape wanwanlala etane sumanaintoiena. Ita aposel nolau sape diasane ene leuntone Pisidia bedewainta antoie Lisitira, Aikonium ita Antiokiwa wimoiena.

Aposel 16:5

Ekelesia wasau gagalowa ema etane sumanaibu debamalen. Ita walama ruawantoie apana uara Iesu bedewe sumanaintoie ekelesia uaranton.

Aposel 17:12

Iuswa uara, do Girik iotopu ebou debama wawalala uara ita do Girikiwa mona uara Paul gagalowa eteie sumanaintoiena.

Aposel 2:39

Aleu kakaiwa God sauawalena, sa ipa e ita obanla do baila. Tane do apana nowa dawo waimoia bedeuwo uduudu mida Tatamba no Godimba apamodia baibu.”

Aposel 2:41

Auauwalala uaraia sa bedeuwo mo mida Pita gagalowa etane wadeiena babatutunton. Ita walama sa dea bedewe apana wisiawa 3,000 inantone sumanailala bedeuwonton.

Aposel 4:21

Kotu apanawa aposel matangelamopona menamon, tane apana uduudu ginasa ema segalena osowe God wadaposisaio mo ewamone sauntone baiwa matangelau eiena. Apana God ebowa wadaposisaie ionosaia, ipawa mo atenton apana ema tampa aiaisiwa do mulene wandio enawa 40 dialeno aupe God ginasa pokawaa ema dewasano me inalen. Kotu apanawa mo matangelamopona intawa euda banusanalewae aposel di waaubamoie badowa anaanamoiena mo Iesu ebowe nolantoia eidasapu.

Aposel 4:33

Ita aposel mukau debama mampe Tatamba Iesu bo bedewe enenwisena benemawantoiena. Mo epe nolantoio God amonawa euda mo uduudu wanamodio dauwa eteie.

Aposel 4:4

Tane mo mida sape wimone aposel waeuwau eteiena bedeuwo apana uara sumanaintone sumanailala bedeuwonton. Ita walama sawo sumanailala apanawa mona wisiawa 5,000 rua waden.

Aposel 6:1

Iuswa Girik aiawa wawalala isiwa bola dawoe wimone Iuswa Iudiawo wanwanlala bedeuwontone Iesu bedewe sumanaintoiena. Tane apana uaraia sumanai bedewe odeio walamawe Girik aiawa wawala sa mo obuobu osouwo Iudiawo wanwanlala diamone waienase, “E walama uduudu ruawaitile nana amonaitilana, tane no Girik aiawa wawalala obuobumba emoilana, mai nana wanamoipona, dia!”

Aposel 6:7

Tane sape mo God aiawa amonantoio debamaleidio apana uara eteie. Ita Ierusalem bedewe sumanailala apanawa tauwadea uaranton. Do pirisi uaraia sumanaintoie God aiawa ruawantone simbianton.

Aposel 9:31

Tane walama sawo mai mida da ekelesia apanawa Iudia, Galili ita Samaria bedewe onau enape kadimopona, dia. Mo wanwan euda os waimoio Aleu kakaiwa saumodio sumanaibu bedewe badowa eneie. Ita mo sa mampe Tatamba aiawa ruawantoie os waimoio ekelesia inilene debamaleidie.

Aposel 9:35

Lida ita Saron bedewe wanwanlala uduudu me inalene enenwisene aleidio ewane Tatamba sumanaiwantoiena.

Paul letawa sumanailala Rom bedewe waimoia mampo girumalena 14:18

Ipawa apana mida dewa eubu ema asiasi Keriso simbiasadia, sa ipa me God insaisawaida dewasade ita do apana isiwa emauwo dewa dodomana dewasade.

Paul letawa sumanailala Rom bedewe waimoia mampo girumalena 8:30

Apana mida God bauta sonabamone awoamona me apamon. Ita mo mida me apamone mampemona dodomananton. Tane mo mida me mampe dodomanantona me meba sapawa mampe mo sapaidamon.

Paul letawa sumanailala Rom bedewe waimoia mampo girumalena 9:27

Peroweta Aisaia Israelwa umanau aiawa debama mampe wadi wadiase, “Israel apanawa uaraia waimoi, owa nelawa rua. Tane mo bedeuwo nata os God empuiamone nambemona, mo os inantopu.

1 Korint 1:18

Gagalo euda Keriso koros osowe bolena umanawa apana rebalala mampo ipasiawaia, mai euwawa da mo mampo, dia. Tane no mida God inanena mainimbo Keriso koros osowe bolena gagalowa ipa God mukawaida ipawanaleidio atenidantitana.