Aposel 2:4 - Kanasi

⁴ Tane sa ipa Aleu kakaiwa iene mo uduudu sape waimoia bedeuwolene nuau nopesane dewamono mo bola daitada apanawa mampo aiauwoaiauwo gagalontono eteiena.

Aposel 2:4 Iomraidhean Croise

Matiu 10:19

Mo e wadalepue kotulempo mai inguguraitane insenase, ‘No tauma ambi wate inantata?’ Tane walama sawo e dima wapona God e saulepio ateitanatuwapi.

Gagalo euda Iesu Keriso umanawa Mak girumalena 16:17

Ita mo sumanailala ginasa dewamompaa mukawa wanamopa. Mo ne ebonawo aleu kadiu apana bedeuwo waimoia tanamompo nomompe nambe antompa. Do aia sanaa mampe gagalontompa.

Gagalo euda Iesu Keriso umanawa Luk girumalena 1:15

Me ipa Tatamba emawe apana debamawa mukamukaua segalepi. Ita waimpaa bedewe me wain ba esa badowa mai napi, dia. Tane me inawa bupa bedewe waimpo God Aleupa kakaiwa me wanepie nopesapio do mulepi.

Gagalo euda Iesu Keriso umanawa Luk girumalena 1:41

Tane Meri Elisabet auwasadio bupa bedewe oto tepalen. Ita God me Aleupa kakaiwa mampe nopesano dauwa etedie

Gagalo euda Iesu Keriso umanawa Luk girumalena 1:67

Tane God Aleupa kakaiwa mampe Ion mamba Sakaraias nopesane insaisawa wanentuwano wane wanase,

Gagalo euda Iesu Keriso umanawa Luk girumalena 12:12

E kotu baiwa enonune mai inguguraitana, ipawa Aleu kakaiwa e saulepie dima e wapona waeuwalepio wana.”

Gagalo euda Iesu Keriso umanawa Luk girumalena 21:15

E ema epe insenune imaaitonune wanlempa, ipawa ne saulepe gagalo ita aten insaisawa euda enalepa ita ando mai mida da wabodalepi ba nanausilepi.

Gagalo euda Iesu Keriso umanawa Luk girumalena 4:1

Iesu esa Ioadan bedewe babatutuleidio Aleu kakaiwa nopeidosane banleno bola sa ene sala makowa bedewe alen.

Gagalo euda Iesu Keriso umanawa Ion girumalena 14:26

Ita Mamamba ne ebonawo e saula Aleu kakaiwa wapiaubepi e manlawo. Me e dewa uduudu waeuwalepio atendewaitana. Ita do gagalona uduudu dialena nuala itumpo insenuna.

Gagalo euda Iesu Keriso umanawa Ion girumalena 20:22

Iesu mo epe diamone aupe nonaupa mo osouwo sune wanase, “Aleu kakaiwa e bedelawolepio wadana!

Aposel 1:5

Ion esa mampe babatutulen, tane walama isiwa diantopuo aupe e Aleu kakaiwa mampe babatutuitana.”

Aposel 1:8

Tane walamaipa Aleu kakaiwa e osolawo iepio e muka wadane ne benemana apanawa wanaitane Ierusalem ita Iudia bolawa uduudu bedeuwointa, do Samaria ita do tawo moawa daitada bedeuwointa ne umanana benemanaitane aitana.”

Aposel 10:47

Pita mo Aleu kakaiwa wadeieno ewamone sumanai sosowa diamone wanase, “Apana ema asisulala Aleu kakaiwa osouwo ieno wadeiena, no Iuswa osombo ieno wadatana rua. Mo esa mampe babatutu menamopia babatutuntopua rua, mai mida da enabodamopi, dia.”

Aposel 11:15

Konelias ema wane diasano aupe ne me duwe waimoia mampo gagalontene wasaumodino Konelias ita mo sape waimoia do Aleu kakaiwa osouwo ieno wadeiena, Pentekos walamawe no osombo ieno wadatana rua.

Aposel 11:24

Banabas apana euda, me sumanai debama apanawa. Aleu kakaiwa me nopesano muka debamawa wadene sape Gagalo euda amonaleidio apana uaraia Tatamba bedewe sumanaintoiena.

Aposel 13:52

Tane sumanailala Antiok bedewe wanwanlala Aleu kakaiwa nopemono nuaeu debama do waimoie.

Aposel 13:9

Elimas mo bodamodio Saul, ebowa da waia Paul, Aleu kakaiwa nopesano me ewendoe diaidasane wanase,

Aposel 15:8

God apana nuau bedewe ewedia atemba wande. Me uwa daitada apanawa insaisau ewedie intau wadenaubeno Aleu kakaiwa no nenena rua mo wadane me mebaawa wananton. Ita mo Aleu kakaiwa wanamodia mampe God no euwanen me uwa daitada apanawa mampemono waimoi, mai dabuamope emopona, dia. Mo sumanaibu asiasi God mo kadiu nuau bedewe wineia mitenauben, no kadimba mitenaubena rua. Ema dewasana mampe God no euwanen mo ita no ipa me emawe deawaa wainitana.

Aposel 19:6

Ita Paul witapa mo uwauwo ituno mo osouwo Aleu kakaiwa ieno aia daitada mo atensiawaia mampe gagalonton ita Aleu kakaiwa mo insaisau wanamona rua God aiawa amonantoiena.

Aposel 2:11

No isiwa ipa Ius apanawaida. Tane no isiwa uwa daitada apanawa bolamba dewawa ete Iuswa sumanaibu ita dewau ruawantena mape winen. Ita no bedembo isiwa Kirit ita Arabia apanawa wimone enei. Ambi no uduudu God dewa debamau dewamona gagalowa no nuba aiamboaiambo waio eteitana?”

Aposel 2:3

Ita nitu ia epawa rua mo deadea osouwo iene waina eweiena.

Aposel 4:31

Mo raupari diasaieno aupeaupe mo naepe auwene waimoia bolawa uwauwalen, etaetawa abo wanatata debama segalepona. Epe segaleidio bedewe mo uduudu osouwo Aleu kakaiwa iene nopemono mai sa ba mala do badowa enane God aiawa amonantone anton.

Aposel 4:8

Mo epe waitaramoio Aleu kakaiwa Pita nopesano mo diamone wanase, “Sosona eiau ita e uwa apanawa auwaleitana.

Aposel 6:3

Sosomba, e bedelawo apana 7 Aleu kakaiwa nopemona do insaisau debama atembuida sonabamona ita nana nolawa sa mo mamposato oniepu.

Aposel 6:5

Aposel epe waieno mo uduudu etane nuau euleno apana 7 sonabamoiena. Dea ipa Sitiwin, me sumanaiidalala ita Aleu kakaiwa nopesana apanawa. Sosowa isiwa ebou ipa Pilip, Pokorus, Naikanoa, Timon, Pamenas ita Nikolas, me bautaido bolawa Antiok ene Ierusalemwa wisene Iuswa sumanaibu bedewelena.

Aposel 6:8

Sitiwin God mukawa do sauwa euda nopesana baiwa me ginasa debamau daitada apana bedeuwo dewamon.

Aposel 7:55

Tane Sitiwin Aleu kakaiwa nopesano emawa uboo odene ewadosadio God sapawaida ita Iesu God witapa on deneuwe enedio ewen.

Aposel 8:17

Mo nata sosou sa baibu rauparintone witapu mo osouwo ituieno Aleu kakaiwa wadeiena.

Aposel 9:17

Tatamba Ananaias epe dieno etene Saul du wandiawo mampe alene me witapa Saul osowe itune diene wanase, “Sona Saul, Tatamba Iesu e into ieiano manawo sabamolena me ne waaubaneno manawo winen e emaa potalena eulepio sala ewaa, ita do Aleu kakaiwa e nopeepia baiwa.”

Paul letawa sumanailala Rom bedewe waimoia mampo girumalena 15:13

God ando no inaida ita inawinakasala nenepi. Me epe dewasapia bedewe no tauma insaisamba ituitana. God me ipa dewa eubu ema uduudu bumpa. Ne rauparintedina me e nuala nuaeuwa mampe nopesapi ita wanwanla euda obasa enalepi. Ema bedewe Aleu kakaiwa mukawa e insaisala nopesampo badowaida God mampe itununa.

1 Korint 12:10

Ita Aleu kakaiwa mo isiwa muka wanamodia ginasa dewamompaa baiwa. Tane apana isiwa amonau wanamodia God insaisawa atentompe apana mampo benemantompaa baiwa. Ita mo isiwa amonau me wanamodia mo aleu dauwa etaeta atentompaa baiwa. Mo Aleu kakaiwa nolawa nolaleidia ita do aleu kadiwa nolawa ewaewawa atenidantoie waimoi. Tane apana isiwa Aleu kakaiwa amonau wanamodia aia mo muba ita apana uduudu mai atentoipona mampe rauparintompa. Ita aia ipa sa God os atenleidia mo isiwa Aleu kakaiwa sauwa mampe ipawaida atentoia ekelesia diadewasamompo atentompa. Sa ipa mo amonau.

1 Korint 13:1

Naita Aleu kakaiwa sauneipona uwa daitada apanawa aiau ita do ensel aiau daitada waipona, tane nuawadawada bedenawo dia, aia sa uduudu wamoipona ipa ipusiawaia, aia os. Naita nuawadawada mainawo dia, tane aia daitada Aleu kakaiwa sauwa mampe wamoipona etaetawa bero ia tonapa mampe epeipono aiawa mai waipadewaleipona rua. Do naita nuawadawada bedenawo dia, aia sa uduudu wamoipona etaetawa sino pikawasiawaia rurua epeipona rua.

1 Korint 13:8

Apana Aleu kakaiwa saumompo God insaisawa atentompe benemawantompa, sa ipa tauma os baiwa, tane nolau sa ando dialepi. Deawaa, mo mida Aleu kakaiwa sauwa mampe aia daitada ipawaida mai atentoipona God mampe gagalontoia, sa ipa tauma os baiwa, ando aiau sa dialepi. Deawaa, apana Aleu kakaiwa saumompo aten uduudu wadompe waimompa, sa ipa tauma os baiwa, ando aten sa dialepi. Tane dea os nuawadawada ipa mai dialepi, winakasalala.

1 Korint 14:18

Ne God auwasadina, ipawa ne do aia da God os atenlena mampe debamantene kainokaino gagalontedine God wadaposisadina, mai e ruala.

1 Korint 14:5

Ne insaisana ipa e uduudu aia da nambea, mai apana da ipawaida atenleipona, amonawa wadapona. Tane ne menaidanedia e God insaisawa Aleu kakaiwa dialempo benemaitonuna amonawa wadana, ipawa amona sa ipa debamawaida, mai me mida aia da nambea amonawa wadene wadia rua. Tane me mida aia da nambea mampe gagalolempa ekelesia saumopia rua. Naita me meba ba apana da me amonawa wadena rua gagalo sa ipawaida wapie sabamosapio ekelesia atentopua, sa ipa ide.

Epesus 3:19

Me nuawadawadawa debamaia apana mai atentoputuwapia rua, diaida. Tane ne rauparintedina e me nuawadawadawa atenidaitana. Inta ema inta uduudu dima God mampea e enalempe nopeidolempo dauwa etaidasanuna.

Epesus 5:18

E mai esa badowa nano uwala koakoalepio dewa rebareba dewamone wanwanla kadilepi. Tane Aleu kakaiwa bedelawolempe banlalempa, mai dima da.

Epesus 6:18

Aleu kakaiwa insaisa enalempe banlalempaa rua walama uduudu dewa uduudu bedewe rauparitonuna ita dima menaledia mampe kela odompa. Onioniadewaitonune insaisala wadaaubala wanlempa, ita God meba apanawaida kakaibu uduudu baibu rauparitonuna, mai walama da ena, dia.

1 Pita 1:12

Tauma God Aleu kakaiwa wanaubeno wisena mukawa mampe Gagalo euda amonantoieno e etalana. Gagalo euda sa umanawa peroweta tontau mapo benemawantoie. Tane God euwamon mo nolau sa ipa mai muba baibu, tane e baila. Ensel do menamodia inaida dewawa uduudu atentopona, tane mai atentopua rua, dia.

2 Pita 1:21

Ipawa peroweta gagalou mai apanaida insaisawa bedewe wineipona, diaida. Tane mo Aleu kakaiwa bedeuwolene waeuwamono God umanawa benemanton.