Aposel 2:23 - Kanasi

²³ Me mape nolaleidie wandie apana dea me dabuasane e witalawosano kadi dewalala saubu mampe koros osowe tutuitene bosalana. Tane dewa ema mai di segalepona, dia! God bumpeido dewa uduudu atenlentuwana osowe dewa ema insaisawalene ituna rua tauma segalen.

Aposel 2:23 Iomraidhean Croise

Matiu 20:19

ita Rom gabemaniwa mamposapu. Mo me oiwa wapue, tai mampe epompe ita koros osowe seupuo bolepi. Tane walama natadeawo me bo bedewe enepiwisepi.”

Matiu 26:24

Apana Otopa mampe epe segalepio bolepi, me umanawa buka bedewe girumaleno winedia rua. Tane me mida Apana Otopa dabuasapie laga mampe kotu apanawa mamposapia me matangela rebarebaida donsapie poka etepi! Poka sa etepia sawa eulena inawa me gamowa epona.”

Matiu 27:35

Mo Iesu koros osowe tutuntone seuiena. Tane me garawa otaotawa baiwa nitu kopikopiua mampe owantone ewane rua otamoiena

Gagalo euda Iesu Keriso umanawa Mak girumalena 15:24

Ita sape mo Iesu koros osowe tutuntone seuiena. Aupe sorodia Iesu garawa otamopua baiwa owawantoiena, ita mo owau sa asiasi ruawe garawa otamopu.

Gagalo euda Iesu Keriso umanawa Luk girumalena 22:22

Apana Otopa ideita bo bedewe alepi God insaisawa rua. Tane me mida Apana Otopa dabuasapie laga mampe kotu apanawa mamposapia me matangela rebarebaida donsapie poka etepi!”

Gagalo euda Iesu Keriso umanawa Luk girumalena 22:37

Ne epe dialedina ipawa buka bedewe girumalena wadi wadiase, ‘Mo me umanawa waie waia me ipa witakadilala sou dea.’ Tane gagalo sa ipawa ne umanana wade ita dima girumalena tauma ulaipa sabamoleide ne mainawo.”

Gagalo euda Iesu Keriso umanawa Luk girumalena 23:33

Mo bola ebowa waia Uwa nepa wimone Iesu witakadilala nata do koros oso seumoiena, dea witapa on deneuwe ita da sen deneuwe.

Gagalo euda Iesu Keriso umanawa Luk girumalena 24:20

Tane no insaisamba badowa me bedewe itute wainite inseitana me ipa sa mida God wanaubeno wisen Israel apanawa saumopie emalawoa apana mampo inamopi! Tane no pirisimba debamau ita onioniamba apanawa Iesu nanantoiena kotusapue bosapua baiwa ita koros osowe bosaiena. Ita me koros osowe bosaieno aupe no nuapare do wainitano tauma walama natadea dianton.

Gagalo euda Iesu Keriso umanawa Ion girumalena 19:18

Sape mo Iesu koros osowe seuiena. Ita me tampe apana nata seumoiena, dea witapa on deneuwe ita sowa da witapa sen deneuwe.

Aposel 13:27

Tane Ierusalemwa wanwanlala ita mo uwaulala sape waimoia Iesu ipa Inawamba God sauawalena wisene nolaleidia mai atentopona, dia. Mo me wadanaitue kotusane bosaiena bedewe dima me umanawa peroweta bukau bedewe girumantoiena ulaipalen. Ita dima me umanawa peroweta waiena Sabat walamawa ruawantoie wisiantoio apana etei.

Aposel 15:18

Ema ipa Tatamba moa aupa, me mida dewa ema uduudu mapoido sabamomone benemawa wana.’”

Aposel 2:36

Sosona Israelwa, ema uduudu atendewaitana: Iesu ema, mida e koros osowe bosalana, God dewasano me Tatamba ita Keriso Inawamba segalene wande.”

Aposel 3:18

God bauta me perowetawa uduudu diamono benemantoiena me Kerisowa tawo osowe wisepie nolalempe apana mampo poka etaidasapi. E dima Iesu mampe dewasalana, sa ipa dima mapo God perowetawa moauwoe gagalolena rua segalen.

Aposel 4:28

Dima bautaido e mukaa mampe insaisawaitene ituana segalepona mo tauma dewasaiena.

Aposel 5:28

“No e badowa anaanaletana mai apana ema ebowa mampe waeuwaitana! Tane e no aiamba etaladabue waeuwala debamasalana Ierusalem bedewe. E epe waeuwaitile mampe apana ema bolena wawuwa no osombosailana.”

Aposel 5:30

Iesu e koros osowe seule bosalana, tane no nosinosimba Godiu me bo bedewe inasano enenwisen.

Aposel 7:52

E nosinosila peroweta uduudu dabuamone kadimoiena. Ita do peroweta mida mapo benemantona God apana dodomanaida wapiaubepio wisepia e nosinosila epaboiamoiena. E ipa ensel mampoe me anaanawa wadalana, tane mai oniepadewaitapona, dia. Ita e apana sa dodomanaida God wanaubeno wisena nanaitene koros osowe bosalana.”

Paul letawa sumanailala Rom bedewe waimoia mampo girumalena 2:12

Uwa daitada apanawa mai God anaanawa etape wadapona, tane kadiwa dewasaia kotu bedewe kadi donsapu, tane mai anaana asiasi, dia. Iuswa God anaanawa etane wadane tane ainapune kadi dewasaiena, mo ipa anaana asiasi kotuntopu.

Paul letawa sumanailala Rom bedewe waimoia mampo girumalena 4:17

buka girumalena rua. Buka bedewe wadi wadiase, “Ne e dewaepo bola uara mambu wanaitaa!” Ema baiwa Abraam ipa God emawe no uduudu mamamba. God apana bolala ina wanamode ita dima mai segantoipona me wapio segantopu. Me bedewe Abraam sumanailen.

1 Tesalonaika 2:15

Mapo mo perowetau epaboiamoiena, ita do mo Tatamba Iesu bosaiena. Tane tauma kadi daitada no mainimbo dewasaiena. No menaidanena mo mida mai Iuswa mampo do Gagalo euda amonantepono mo do inaida donsapona. Tane mo badowa rubusaie no enabodanepono nola sa epona baiwa. Ema bedewe mo God nuawa mai eusaipona ita apana uduudu dabuamoie emalawoamoi. Mo epe dewantoie kainokaino kadiu dewasaio debamaleidie nope wisede. Ita tauma ompa osowe God nuakadiwa matangelawa mo osouwo ien.

1 Pita 1:2

Mamamba God e mapoido meba insaisawa rua atenlene sonabalen, ita Aleu kakaiwa mukawa mampe e God apanawaida kakaibu wanaiten. Me e sonabalena e Iesu Keriso aiawa etane ruawaitana baiwa, ita do me e kadila Iesu osinawa mampe mitepiaubepia baiwa. God amonawa euwa ita wanwan euda obasa e manlawo debamalepi, niapo!

1 Pita 1:20

God tawo segasia walamawe Keriso insaisawalene sonabena tauma e baila walama ompa osowe sabamosano wisen.

1 Pita 2:8

Ita buka bedewe do wadi wadiase, “Seu ema ipa apana bagoramopio omepu.” Mo Gagalo euda mai etape ruawantopona, sa baiwa bagoramodio omei. Ema bedewe dima God bauta insaisawalene ituna mo mampo segaleide.

Iud letawa sumanailala mampo girumalena 1:4

Ne gagalo ema girumantedina, ipawa apana isiwa mida mai God sawantoipona laga mampe sointone ekelesia bedeuwo odeiena. Apana sa Gagalo euda God nuawadawadawa amonawa umanawa waeuwakadisantoie ete ewanuauwa dewawa kadiwa mo dewasaia weregasai. Tane do no Tatamba Iesu Keriso debamambaida mo wakoasai. Mapoido buka bedewe mo matangelau umanawa girumalena winedia tauma donsai.

Gagalo Sabamolala 13:8

Tawo osowe wanwanlala uduudu, mo mida ebou ina bukawa bedewe tawo segasia walamawe mai girumamopona, mo ipa pue kadiwa sa wadaposisampe ionoidosampa. Tane ina bukawa sa ipa Sip sanaa bosaiena mampea.