Aposel 19:10 - Kanasi

¹⁰ Me waeuwaleidio ena nata diantoiena ita Iuswa ita Girik apanawa uduudu Asia bolawa bedeuwo waimoia Tatamba aiawa eteiena.

Aposel 19:10 Iomraidhean Croise

Aposel 13:12

Gabeman apanawa Seagius Paulus God matangelawa Elimas osowesano ewene ita me waeuwa mukamukauaida etene memesalene Tatamba sumanaiwalen.

Aposel 16:6

Paul sosowa do antoio Aleu kakaiwa mo enabodamono Asia bolawa uduudu bedewe Gagalo euda mai amonantopona, dia. Sa baiwa mo ene Pirigia ita Galasia bedeuwointa antoiena.

Aposel 18:11

Auwen rua bedewe Tatamba Paul wasausano etene ena dea ita uaboa 6 sape waine God aiawa sasiawaia apana mampo waeuwaleidie.

Aposel 18:4

Sabat walamawa uduudu bedewe Paul gagalo duwe waeuwaleidie menasadia Ius ita Girik apanawa me gagalowa mampe nuau teinepio sumanaintopu.

Aposel 19:20

Mo epe dewantoio apana uara Tatamba aiawa mukamukaua ewane atentoiena ita me aiawa apana bedeuwo inilene debamalen.

Aposel 19:22

Me meba epe insaisalene wane sau sosowa Timoti Erasitus nata waaubamono bauta Masedonia bedewainta antoiena. Tane me Asia bedewe wankasalen, mai tauwadea wauwo alepona, dia.

Aposel 19:8

Uaboa natadea bedewe Paul Iuswa gagalou duwe aleidie mai sa ba mala do badowa gagaloleidie God gonaawa gagalowa leusawasadie mo nuau teinedia mo sumanaintopona.

Aposel 2:9

No uduudu mape auweite eneitana bolamba nambenambea winen. No bolamba ipa Patia, Midia, Elam, Mesopotamia, Iudia, Kapadosia, Pontasia, Asia,

Aposel 20:18

Mo wimono me diamone wanase, “Ne e bolalawo winene do wainitana walamawe e ne dewana ewalatue ateitena apanawa winen.

Aposel 20:31

Laga waeuwa apanawa manlawo wimopue banlakadisalepua sawa e nauela apana ruau iwuitonune ewonunadewae wanlempa. Ne ena natadea bedewe e do wainite walama ita tadina ruawantene ke do wasauntene nuala itunaimaantena insenuna, mai sumanaila bedewe omena.

Aposel 6:9

Iuswa isiwa bola Sairini ita Alekisandiria, tane do bola Silisia ita Asia bedewe Ierusalemwa wimone sape gagalo duwa dea ebowa waia Tautaulala inantona gagalou duwa bedewe deanton. Ita mo Sitiwin wadabuasane do wawanton.

Paul letawa sumanailala Rom bedewe waimoia mampo girumalena 1:16

Ne epe dewantedina, ipawa ne Gagalo euda wawawa mai malawanteipona, dia. Ne Gagalo euda bedewe insaisana itudina, ipawa ema bedewe God mukawa winede sumanailala uduudu inamopia rua. Gagalo euda ema ipa bauta Ius apanawa baibu, tane do uwa daitada apanawa baibu.

Paul letawa sumanailala Rom bedewe waimoia mampo girumalena 10:12

Ema ipa apana uduudu umanau wade, ipawa God emawe Iuswa ita uwa daitada apanawa ipa deawaaida, mai nambenambe. God no Tatamba ipa dea os no uduudu baimba, ita mo mida sau baiwa iririntoia uduudu sau euda wanamode.

Paul letawa sumanailala Rom bedewe waimoia mampo girumalena 10:18

E inseilana Israelwa Gagalo euda benemawa mai etapona, ba? Sa dia, mo eteiena, ipawa buka bedewe epe wadi wadiase, “Mo aiau nosene tawo uduudu bedewe aleno eteiena, do mo gagalou tawo moa daitada bedewainta alentuwan.”

Galasia 3:28

Sa baiwa tauma Keriso bedewe Iuswa ita uwa daitada apanawa mai nambenambe, mo ipa uwa dea os. Deawaa, nola dewalala ita apana debamau mo mida baibu nolantoia, do apana mona ba ioto mai nambenambe, dia. Keriso Iesu bedewe mo ipa dea os.

Kolosia 3:11

Mo mida God sanaamona bola da apanawa uduudu dewau nambenambe mai do empuempula waimoipona, dia. Mo Iuswa ete nonowa dewawa dewasaia, ita uwa daitada apanawa etepu nosasiawaia, ita bola da nambea apanau, do bola da apanawa dobinoa ruau wanwanlala, tane do apana debamau ita atouwo nolantoia diapanau uduudu ipa dea os waimoi. Mo dewau nambenambe mai umanawa waipona, dia. Mo mampo dea os debamawaida, sa ipa Keriso, mai dima da. Ita Keriso sumanailala uduudu bedeuwo wande.

2 Timoti 1:15

E ateiten sumanailala uara Asia tawowa bedewainta waimoia, mo bedeuwo Pigelus ita Imogines do, ne dabuaneane eneiena.

1 Pita 1:1

Ne Pita Iesu Keriso aposeliwa dea, me ne waaubanena. Ne leta ema e God apanawaida ware rua bola Pontus, Galasia, Kapadosia, Asia ita Bitinia bedeuwointa wainile leilana manlawo girumantedina.

Gagalo Sabamolala 1:11

“Dima e ewaa benemawa girumaitee ekelesia 7 bola Epesus, Simena, Peagamum, Taiatira, Sadis, Piladelwia ita Laodisia bedewe wanwanlala mampo waaubaitawo antopu.”

Gagalo Sabamolala 1:4

Ne Ion ekelesia uwa 7 bola Asia bedeuwo wainilana manlawo girumantedina: Sau amonawa euwa ita wanwan euda God mampea e manlawo. Me ipa mida tauma wanwankasalala ita bumpeido wandia, do me mida wisepia. Do sau amonawa euwa ita wanwan euda e manlawo aleu 7 mida God kolaiwatawa danawe waimoia mampo.