Aposel 16:34 - Kanasi

³⁴ Babatutu dialeno aupe me Paul Sailas nata banlamone duwe odane antone nana wanamono naiena. Mo nana naio du apanawa ita me do waimoia apanawa God sumanaiwantone inaida donsaiena baiwa nuaeu nuau nopesano waimoie.

Aposel 16:34 Iomraidhean Croise

Gagalo euda Iesu Keriso umanawa Luk girumalena 15:32

Tane e wanaida enene aidalene ewaewawa bolepona rua, tane tauma leulene wiseno eweitana, me rebaidalene wandie tane tauma donsatana. Sa baiwa no nuaeuntite odantitana, mai epona rua, dia.’”

Gagalo euda Iesu Keriso umanawa Luk girumalena 19:6

Sakaias Iesu wana ruawalene tauwadea Iesu mampe noseno nuaeu debama do wadene mampesan.

Gagalo euda Iesu Keriso umanawa Luk girumalena 5:29

Iesu Liwai diena warorosapia nuaeuwawa odawa debama Iesu baiwa dewasan. Takis manewa tamalala apanawa uaraia ita Liwai sosowa isiwa do oda sa bedewe nisomono wimone me duwa bedewe awodea nana naie waimoie.

Aposel 11:14

Me wimpie benema euda dialepio e ita duawo wanwanlala do etane mampe kadi bedewe wainilana inaitana.’

Aposel 16:15

Me ita duwa bedewe wanwanlala do babatutunton. Ema aupe Lidia no nisonene wanase, “E ne ewaneiana ne ulaipa sumanai iwa, ne menanena e winleno ane dunawo wainenta.” Me waidasadio baiwa no antene me do duwa bedewe wainitee.

Aposel 16:35

Mo sape waimoie ituntone imonemba tadinaida kotu apanawa polis waaubamoieno gagalo wadane dibura onioniala mampe wimone diane waienase, “No gagalo wadate winena e apana ema nata emowo dibura epue di nomopue antopu.”

Aposel 2:46

Mo walama ruawantoie God duwa bedewe awodeantoie. Tane do kainokaino sumanailala deadea dubu bedewe Iesu inseie turiantoie ita nuaeu do insaisau dodomana mampe awodea nana naie.

Aposel 8:39

Mo babatutu diasane esa waiwe wimoieno Tatamba Aleupa kakaiwa Pilip wadeno lawosalene bola dawo alen. Etiopia gabemaniwa Pilip ewensue ene nuaeu nopesano aleidiawo alen.

Paul letawa sumanailala Rom bedewe waimoia mampo girumalena 15:13

God ando no inaida ita inawinakasala nenepi. Me epe dewasapia bedewe no tauma insaisamba ituitana. God me ipa dewa eubu ema uduudu bumpa. Ne rauparintedina me e nuala nuaeuwa mampe nopesapi ita wanwanla euda obasa enalepi. Ema bedewe Aleu kakaiwa mukawa e insaisala nopesampo badowaida God mampe itununa.

Paul letawa sumanailala Rom bedewe waimoia mampo girumalena 5:11

Tane mai sa os, do no Tatamba Iesu Keriso baiwa nuaeuntite God asowa waitana, ipawa Keriso bedewe no intamba dodomanasano God sosowa wanantene wainitana.

Paul letawa sumanailala Rom bedewe waimoia mampo girumalena 5:2

Iesu Keriso bedewe no sumanai mampe inta donsate God nuawadawadawa amonawa euwa wadate bedewe wainitana. Ita do no ando God sapawa ewate me do wantaa baiwa inta ewaewantite asowa waitana!

Galasia 5:22

Tane Aleu kakaiwa dewawa eubu ipauida naumoia ipa ema: Apana sosou do nuawadawadantoi, nuaeuntoi, wanwan euda waimoi, nuau obasa mampe waimoi, sosou do nuau aiaisiwa waimoie dodomana dewasai, do dima waia ruawantoie dewasaio apana sumanaibuntoi.

Pilipai 4:17

E dima ne mainawo dewasalana baiwa nuana eulen, tane sa mai ne insaisanaida, dia. Ne insaisanaida ipa e amona neilana baiwa God sauwa euda e osolawo itupi.

Pilipai 4:4

Walama uduudu Tatamba bedewe nuaeuitonuna! Ne osowe deawaa dialedina: Nuaeuitonuna!

Pailimon 1:7

Sona, e nuawadawadaa umanawa ne etane nuaeu debama neno ne nuana badosan, ipawa e God apanawaida kakaibu sumanaibu bedewe saumoe muka wanamoana baiwa.

1 Ion 3:18

Obaina, no nuawadawadamba mai aia ita gagalo os wanta, tane nuawadawadamba ipawaida do dewasante wainenta!