Aposel 15:28 - Kanasi

²⁸ No Aleu kakaiwa insaisa neneno ruaida waite dialeitana: E osolawo no mai sai da ituta, dia. Tane dima no dialetaa rua os dewasanune wanlempa.

Aposel 15:28 Iomraidhean Croise

Matiu 11:30

ipawa ne warorona nolawa mai saiwa, ita dima ne enalepo awanena ipa tekateka, e awanena rua os.”

Matiu 23:4

Mo anaanau uaraia waie mampe sai debamaia apana osouwo ituio awaneie surakaumodio poka etei. Tane mo mubaida sai sa awaawanawa dabuantoie mai sosou saumoipona, dia.

Gagalo euda Iesu Keriso umanawa Ion girumalena 16:13

Tane walamaipa Aleu kakaiwa mida God ulaipawa sabamosampa me wisepie ulaipaida intawa asiasi banlalempa. Me mai meba mukawa mampe gagalolepi, dia, tane dima me etedia rua wampe ita dima ompa osowe iedia dialempa.

Aposel 15:19

Iems osowesane wanase, “Ne insaisana ema epe: Uwa daitada apanawa mida kadi bedewe insaisau leusaie God mampentoia no mai sai da mo osouwosato awaawanawa babisapu.

Aposel 15:25

No mape gagalontene insetana apana isiwa sonabamope waaubamopona e manlawo. Ita no inseitana mai mo muba os wimpu, dia, tane nuamba sosowa Banabas Paul nata do e manlawo wimopuo ewamona.

Aposel 15:8

God apana nuau bedewe ewedia atemba wande. Me uwa daitada apanawa insaisau ewedie intau wadenaubeno Aleu kakaiwa no nenena rua mo wadane me mebaawa wananton. Ita mo Aleu kakaiwa wanamodia mampe God no euwanen me uwa daitada apanawa mampemono waimoi, mai dabuamope emopona, dia. Mo sumanaibu asiasi God mo kadiu nuau bedewe wineia mitenauben, no kadimba mitenaubena rua. Ema dewasana mampe God no euwanen mo ita no ipa me emawe deawaa wainitana.

Aposel 16:4

Mo bola debama daitada bedeuwointa antoie dima aposel ita ekelesia apana eiau Ierusalem bedewe gagalontone ita leta bedewe girumantone sumanailala diamoiena ruawantopua baiwa.

Aposel 5:32

No dewa ema ewate benemawantitana ita Aleu kakaiwa do dewa ema sabamosade. God Aleu kakaiwa sa apana uduudu mida me aiawa ruawantoia wanamodio dauwa etei.”

1 Korint 14:37

Naita apana da e bedelawo insepiase me amonawa wadena God insaisawa sabamosampe gagalowalempaa rua, do insempaase me ipa Aleu kakaiwa nopesana apanawa, me do ewepie atenlepi dima ne girumantene waeuwantedina, sa ipa Tatamba anaanawa.

1 Korint 7:25

Tauma ne sai da e waitarawaitena gagalowanteapa. Ioto wasana mo mida nainaintopua saua waiena umanau ne ema epe wapa: Aia ema ipa mai Tatamba mebaida mampea, dia, tane neida neba insaisana rua wadina. Tane God me nuawadawadawa amonawa ne nena baiwa dima ne wapo etane wadana, mai ena.

1 Korint 7:40

Tane ne insaisanaida ipa ema epe: Me meba baiwa eulena ipa obu sa di waimpa, nainaisia. Ne insedina God Aleupa kakaiwa ne bedenawo wandie insaisana nedio wadina.

1 Tesalonaika 4:8

Sa baiwa apana mida waeuwa ema etedie adiananasadia, me mai apanaida dabuasaipona, tane Godida nibuasade, me mida Aleupa kakaiwa apana wanamodia.

1 Pita 1:12

Tauma God Aleu kakaiwa wanaubeno wisena mukawa mampe Gagalo euda amonantoieno e etalana. Gagalo euda sa umanawa peroweta tontau mapo benemawantoie. Tane God euwamon mo nolau sa ipa mai muba baibu, tane e baila. Ensel do menamodia inaida dewawa uduudu atentopona, tane mai atentopua rua, dia.

Gagalo Sabamolala 2:24

Tane e Taiatira ekelesiawa bedelawo sumanailala nata os mai Iesebel waeuwawa waweitipona. Waeuwawa sa asiasi apana Seitan dewawa badowaida atentoie wadeie mamposai. Tane mo dabuantone mai wadapona, dia. Tauma e mida waeuwa sa mai waweitapona ema epe dialedina: Dima e wadalana wadanadodepi ideita ne wineapa. Sa os dialedina, mai da, ne mai gagalo uara wape sai da e osolawo itupa, dia.