Aposel 13:23 - Kanasi

²³ Ita God mapo saualena rua Dawid damba bedewe Israel apanawa mampo Inawamba Iesu wanaubeno wisen.

Aposel 13:23 Iomraidhean Croise

Matiu 1:1

Ema ipa Iesu Keriso nosinosiwa ebou: Iesu Keriso me ipa warere Dawid atanosiwa, tane Dawid me ipa Abraam atanosiwa.

Matiu 1:21

Me oto mona gamosapio ita e me ebowa itue waase, ‘Iesu.’ Ebo sa ipawaida ipa me God apanawa kadi bedewe waimoia inamopi. E ebo sa itua, ipawa Iesu ipa apana kadi bedewe inamopi.”

Matiu 21:9

Apana Iesu danawe ita adiwe enane antoia mo aiau mukama wane waienase, “Osana, Dawid Otopa wadatapos! Euda me mampe mida God ebowe iediawo! Osana, God ionoidoa wadaposisate debamasata!”

Matiu 22:42

“E Keriso mida God sauawalen baiwa ambi inseilana, me mida otopa?” Mo sipoasane waienase, “Keriso ipa Dawid atanosiwa.”

Gagalo euda Iesu Keriso umanawa Luk girumalena 1:69

Me Inawamba mukamukaua Dawid bedewee imaasane no baimba itun.

Gagalo euda Iesu Keriso umanawa Ion girumalena 4:42

Mo i diane waienase, “No mai dima e waana os baiwa sumanaintipona, dia, tane tauma no asimbo me gagalowa etate atenten me ipa ulaipaida apana uduudu Inawamba.”

Gagalo euda Iesu Keriso umanawa Ion girumalena 7:42

E etale ateiten ba dia, buka bedewe girumalene wanase, ‘Keriso warere Dawid damba bedewe wisepie ita Dawid bolawaida Beteliem bedewe mulepi.’”

Aposel 13:32

No Gagalo euda dialetaa awa winena ipa ema epe: Dima God bauta no nosinosimba mampo saualena,

Aposel 2:30

Dawid ipa God perowetawa dima God me sauasana atenlene do wandie. God nuawa uduudu mampe me sauasane wanase. ‘Ne dewasapo e atanosia dea aupaa wadepie warerelepi.’

Aposel 3:26

Tane God me nolawa dewalala sonabene wanaubeno bauta e Iuswa manlawo wisena e deadea saulepio kadi bedewe insaisala leusane dodomanaitana baiwa.”

Aposel 4:12

Apana dea os no kadi bedewe saunepie inanepia rua, mai mida da, diaida! Tawo osowe wanwanlala mai ebo daitada mampe inantopua rua, dia. Tane God ebo dea os no nenena bedewe inantata.”

Paul letawa sumanailala Rom bedewe waimoia mampo girumalena 1:3

Ita benema ema ipa me Otopaida no Tatamba Iesu Keriso umanawa wade. Iesu ete mampe me ipa Iuswa warereu Dawid damba bedewe mulen. Tane me mai apanaida os, me ipa kakaiwaida, ita muka debama bedewe sabamolen me ipa God Otopa, ipawa me bo bedewe inalene enenwisen.

Paul letawa sumanailala Rom bedewe waimoia mampo girumalena 11:26

Inta ema inta Israelwa uduudu inantopu buka bedewe girumalena wadia rua. Ema epe wadi wadiase, “No Inawamba bola Saion bedewee wisepi. Iakob nosinosiwa kadiu God adiananasaia dewawa me otawiamopie nambemopi.”

Taitus 1:4

Taitus, ne otonaida, e no do uduudu sumanaimba dea bedewe wainitana manawo leta ema girumantedina. No Mamamba God ita no Inawamba Keriso Iesu saubu amonawa euwa ita do wanwan euda obasa eneempa! Niapo!

2 Pita 1:1

Ne Saimon Pita Iesu Keriso mebaawaida nolawa dewalala ita aposeliwa leta ema girumantedina. Iesu Keriso no Godimba ita Inawamba, me mida dodomanaida, no sumanaimba uwatauwa neneno wadatana. Ne e sumanai sosona, mida sumanai uwatauwa ema no wadatana ruawa deawaa wadalana manlawo girumantedina.

2 Pita 1:11

Inta ema bedewe Tatamba ita Inawamba Iesu Keriso me gonaawa winakasalala duwa moawa nuaeu debama maurala do wadepiaubepi e odana baiwa.

2 Pita 2:20

Sumanailala no Tatamba ita Inawamba Iesu Keriso atentona baiwa tawo ema kadiwa bedewe ene nomone inantoiena. Tane apana ema leuntoie tawo ema kadiwa bedewentoio nanaumodia. Sa ipa mo wanwambu kadiidaleide, mai bauta waimoia rua.

2 Pita 3:18

Tane e Tatamba Iesu Keriso no Inawamba nuawadawadawa amonawa ita me atendewaitana atemba bedewe ideita initonune wanlempa. Me mampe ipa sapaida tauma ita ando winakasala! Ulaipa, amen.

2 Pita 3:2

Ne menanedia peroweta kakaibu gagalou, ita do dima Tatamba Iesu Keriso no Inawamba no dianena aposel waeuwau mampe manlawo wiseno etalana osowe insena.

1 Ion 4:14

Tane no aposel Iesu emamboido ewate ita benemawantite waitanase, “God, no Mamamba, me Otopa deaida wanauben tawo ema kadi bedewe inasapie euwa osowe itupia baiwa.”

Gagalo Sabamolala 22:16

Ne Iesu enselina wanaaubena e manawo benema ema dieepio e wadee ekelesia benemamoa baiwa. Ne ipa Dawid waapawa ita seupawa, ne ipa walama kiporawa sapaidaleidia Tauragaraga.