Aposel 12:4 - Kanasi

⁴ Ita Erod dibura onieia apanawa diamona sorodia uduudu 16 me oniempe waimompa. Ita mo omo ituiena rua sorodia 4 Pita onieie eie antoio tane 4 isiwa wimoie oniei. Tane Erod menasana Pasowa odawa aupe Pita dibura bedewe banlepue nomopuo apana uduudu danauwo me kotusapi.

Aposel 12:4 Iomraidhean Croise

Matiu 24:9

Tane e wadalepue kadilepu ita epaboialepu. Ita uwa daitada apanawa ne ebona baiwa e nibualepu.

Matiu 26:5

Mo epe dewantoie, ipawa mo inseie waiase, “No Iesu mai oda walamawe wadataitue bosataa rua, apana uara ewanepue nuau kadilepio onamba enapua sawa.”

Gagalo euda Iesu Keriso umanawa Mak girumalena 14:1

Pirisi debamau ita anaana waeuwalala auweie gagalontoie inta na inta Iesu wadapuitue kotusapue bosapu. Ita mo gagalontoie insaisau deasane waienase, “Walama nata dialepio aupe Pasowa odawa nata. Ita ema aupeaupe no bured sasanasiawaia odantonte nanto walama 7 dialepi.

Gagalo euda Iesu Keriso umanawa Luk girumalena 21:12

Dewa ema muriwa segantopu, bauta mo e otalepue kadilepu. Mo e nanantopue gagalou dubu bedeuwo banlalepue kotulepu ita diburalepu. Ita mo e banlalepuo warere ita gabeman apanawa debamau danauwo enana ne ebona baiwa.

Gagalo euda Iesu Keriso umanawa Luk girumalena 22:33

Pita aia ema etene sipoasane wanase, “Tatamba, ne mai poka da donsapaa ingugurawantipe wainipona, tane ne ide rua os e nata ane dibura bedewe ita bontata!”

Gagalo euda Iesu Keriso umanawa Ion girumalena 19:23

Sorodia nataitanata Iesu koros osowe seuieno dialeno aupe me garawaida odantone oteiena. Me garawa da euda, atowe tautaulala, mai gara kepawa nambenambe auwodeasape popontopona, dia, tane gara dea os ududupa winedia baiwa mai siontope otamopona, dia. Ita mo gara sa euda ewane baiwa muba gagalontone waienase, “Gara ema euda mai siontata, no owa da dewasate somba dainea ainepia me gara ema wadepi.” Mo Iesu garawa osowe epe dewantoiena dima buka bedewe girumalena ulaipalepia baiwa. Buka ema epe wadi wadiase, “Mo ne garana odantone oteiena ita garana da owawantone wadeiena.” Sa ipa buka bedewe wadia ruawa sorodia dewantoiena.

Gagalo euda Iesu Keriso umanawa Ion girumalena 21:18

Ne ulaipa dieedina, e sanaa wainie benaitie eba insaisaawo aitie. Tane e tontaite gulauite wane witaa aubewo apana da e witaa wadepie banlaepio naepe e a dabuaitanawo aitana.”

Aposel 12:3

Me dewawa sa kadiwa dewamodio Iuswa ewane nuaeuwantoiena. Mo nuaeuntone mampe Erod dewasaieno Iuswa odau bured sasanasiawaia naia walamawe sorodiawa waaubamono antone Pita do wadanaitue diburasaiena.

Aposel 12:5

Erod insaisawa ituna rua Pita dibura bedewe wandio Pasowa odawa dialen. Me dibura bedewe wandio ekelesia insaisau uduudu mampe Pita baiwa God mampe rauparintoie.

Aposel 4:28

Dima bautaido e mukaa mampe insaisawaitene ituana segalepona mo tauma dewasaiena.

Aposel 4:3

Pita Ion nata epe waeuwantoio eteie nuau kadiidaleno mo wadaitumoiena kotumopua baiwa. Tane aitamana rawileidio baiwa mo kotu ene Pita Ion nata dibura duwa bedewe teamoiena imonemba kotuntopua baiwa.

Aposel 5:18

Sa baiwa mo aposel mampo antone wadaitumone diburamoiena.

Aposel 8:3

Saul Ierusalem bedewe wandie menaidasadia ekelesia apanawa kadimopituwapi. Sa baiwa me du deadea bedewainta alene apana mona ita iwoa do teinaaubamodie dibura bedewe teamodie.