Aposel 10:22 - Kanasi

²² Mo me diane waienase, “No Rom sorodiawa debamawa Konelias waaubaneno e aa winen. Me apana euda dodomana, me God mampe sumanailala ita Iuswa uduudu me ebowa euda os wai. God enseliwa kakaiwa me mampe segalene diena e me duwe aite wasausawo etepi.”

Aposel 10:22 Iomraidhean Croise

Matiu 1:19

Iosep Meri bulena umanawa etene insenase Meri apana da busan, sa baiwa nainai inguguraleidie. Tane Iosep apana euda, walama uduudu dewa dodomana os dewasadie Meri anaanau ainpundena osowe mai sabamo mala osowe itupe ebowa kadisapona menasapona, dia. Tane me dainawa nainai epona insaisawaleidie.

Matiu 2:12

Ema aupe tadino ituntoio God auwen bedewe diamona mo leuntopue bolau awa antompe mai Erod mampe antopue diadewasasapu, dia. Tane epue inta da inta bolauwo antopu. Ita mo God diamona ruawantone inta da asiasi leuntone bolauwo anton.

Gagalo euda Iesu Keriso umanawa Mak girumalena 6:20

me Ion di bosapia sawalen, ipawa me atenlena Ion apana euda dodomana kakaiwa wande. Sa baiwa me mai bosapona, dia, tane dibura bedewe eno di wandio oniadewasasadie. Ita Erod me gagalowa etaetawa menasadio sorodiawa kainokaino waaubamodio antoie Ion dibura bedewe banleie Erod mampe wimoio me gagaloleidio asisusadie. Tane me aiawa etedie nuawa surakauidaleidie.

Gagalo euda Iesu Keriso umanawa Mak girumalena 8:38

Me mida walama tauma apanawa kadi daitada dewalala mampo ne malanaleidia ita do aiana malawaleidia, Apana Otopa leulepie Mamba sapawa do ita ensel kakaibu do wisepie me apana sa do malawalepi.”

Gagalo euda Iesu Keriso umanawa Luk girumalena 2:25

Mo otopu wadane Ierusalemwa ieia walamawe apana ebowa Simion sape wandie. Me apana dodomana euda os dewasadie wandia. Ita me insaisawa uduudu God mampesane Israelwa Inawau wisepona inta ewaewawaleidie wandie. Me Aleu kakaiwa nopesano onionialeidie.

Gagalo euda Iesu Keriso umanawa Luk girumalena 23:50

Rawileidio Iuswa onioniau apanawa sou dea ebowa Iosep, me bolawa ebowa Arimatia Iudia bedewe, tauma Pailat mampe odene alene Iesu etepa wadepie itupidewalepia baiwa waitaralen. Me ipa apana euda dodomana ita do God gonaawa wisepona baiwa onioniawaleidie. Mo Iesu kotusaio bedewe me mai sosowa isiwa Iesu bolepia menamodio waia wauwolepona, dia.

Gagalo euda Iesu Keriso umanawa Luk girumalena 9:26

Apana mida sosowa do waimoie laia bedewe mai ne baina eneipona, tane malanaleidie di wankoaleidia, ita do ne aiana malawaleidia, Apana Otopa sapawaida do leulepie wisepie apana sa do malawalepie dabuasapie epi. Me Mamba sapawa ita ensel kakaibu sapauida do leulepie wisepio ewapu.

Gagalo euda Iesu Keriso umanawa Ion girumalena 13:20

Ne ulaipa dialedina, apana uduudu mo mida ne waaubamodino nomoie antoia apanawa wadamoie mampomoia mo neida wadaneie mamposai. Ita mo mida neida wadaneie mamposaia mida ne waaubanena wadeie mamposai.”

Gagalo euda Iesu Keriso umanawa Ion girumalena 17:20

“Mako, ne mai wanawo alala os baibu rauparintipona, dia. Mo nomopu antopue Gagalo euda amonantopuo apana etapue bedeuwo mida ne gagalona wadapue mamposapue ne sumanainantopua baibu do rauparintedina.

Gagalo euda Iesu Keriso umanawa Ion girumalena 17:8

E aiaa ne dianeatuwana ne waeuwamono mo wadane mamposane waimoi.

Gagalo euda Iesu Keriso umanawa Ion girumalena 5:24

Ne ulaipa dialedina, mida ne aiana etedie ruawaleidie ita mida ne waaubanena sumanaiwaleidia, me inawinakasala donsan. Me mai kotulepie kadiwa donsapi, dia, me aitamana bo ene inaida bedewe wisen.

Gagalo euda Iesu Keriso umanawa Ion girumalena 6:63

God Aleupa inaida apana wanamode, tane apanaida ete sauwa onapea mai inaida apana wanamopia rua, dia. Tane aia ne dialena mampe ne e Aleu kakaiwa ita inaida enaledina.

Gagalo euda Iesu Keriso umanawa Ion girumalena 6:68

Saimon Pita Iesu sipoasane wanase, “Tatamba, e epe waiana no mida mampe antata? Inawinakasala aiawa e os manawo winede, no mai na ana rua, diaida!

Aposel 10:2

Me ipa Rom apanawa, tane me ita duwe wanwanlala do Romwa Godiu uara lagawaau sumanaibu ene Iuswa sumanaibu bedewentone Godida mampe sumanaintoiena. Ita mo Iuswa Godiu os sawantoie simbiantoie waimoie. Konelias ipa amona apanawa euda. Me Iuswa nuaparelala mane ita nitu uduudu mampe saumodie ita God mampe walama ruawaleidie kainokaino rauparileidie wandie.

Aposel 10:21

Pita Aleu kakaiwa diena rua mo mampo iene alene diamone wanase, “Ne ipa ema e banuneilana, dima menaleno wilen?”

Aposel 10:30

Konelias auwen rua bedewe ensel gagalosana mampe Pita sipoasane wanase, “Imanamampe rawiwa omo 3 rua ne dunawo rauparintedino apana gara sapusapua kibokiboraua tautaula nainanepe ewedino dianene wanase, ‘Konelias, e rauparia mampe ita do nuaparelala simbiamoiana baiwa God nuawa euleno e insaena sauepi. E nolaa dewalala isiwa waaubamowo Iopa bedewe antopue Saimon, ebowa da waia Pita, banlepue wimpu. Me sowa Saimon duwa owa tampe enedia bedewe waimoi. Sowa sa pue etepa loloa nolawa dewasadia apanawa.’ Ema ne mainawo segalena walamawa nataitanata tauma dialen.

Aposel 10:33

Ensel epe dianena rua ne tauwadea e gagaloa wanaaubeno mainawo wieno nuana eulen. No uduudu mape God danawe auwetana Tatamba dima uduudu e dieena no benemanewo etata.”

Aposel 10:6

Me sowa ebowa Saimon duwa owa tampeido enedia bedewe waimoi. Sowa sa pue etepa loloa nolawa dewasadia apanawa.”

Aposel 11:14

Me wimpie benema euda dialepio e ita duawo wanwanlala do etane mampe kadi bedewe wainilana inaitana.’

Aposel 22:12

Ita Damaskas bedewe apana ebowa Ananaias wandie. Me apana euda, God simbiawaleidie ita Iuswa anaanau oniedidewaleidia apanawa. Iuswa uduudu sape wanwanlala me umanawa euda os waie.

Aposel 24:15

Iuswa ema eneia ruau ne God bedewe insaisana itudine sumanaintedina apana mida God mampe dodomana ita do apana kadi dewalala bo bedewe enapuwimopu.

Aposel 6:3

Sosomba, e bedelawo apana 7 Aleu kakaiwa nopemona do insaisau debama atembuida sonabamona ita nana nolawa sa mo mamposato oniepu.

Paul letawa sumanailala Rom bedewe waimoia mampo girumalena 1:17

Ipawa Gagalo euda bedewe sabamoleide ambi God meba dewasadio apana me emawe dodomanantoie me do deantoi. Tane apana God mampe dodomanantoia, sa ipa sumanai os mampe segaleide, mai dima da, buka bedewe girumalena rua. Buka bedewe wadi wadiase, “Apana mida sumanai bedewee God emawe dodomanaleidia, me ipa inaida donsapi.”

2 Korint 5:18

God dewa ema uduudu no baimba dewamon, mai da no nuba dewamopona, dia. Bauta no God onawa apanawa wainite, tane tauma Keriso bedewe God no dewaneno me sosowaida wanantene me do deaidanten. Ita do God no nolamba neneno Gagalo euda amonantitana mo mida God adiananasaie waimoia dewamoto me do deaidantopua baiwa.

1 Timoti 3:7

Tane do apana ekelesia gonaawa adiwe waimoia me umanawa euda os wampa, ita mai mida kadi wawuwa da me diapu. Tane me euda os waimpa, Seitan me taupia sawa.

Ibru 10:38

Ita ne apanana dodomana sumanaiwa mampe inawaa wampi. Tane apana mida insaisawa leusadie nambe aleidia, me mampe ne nuana mai eulepi, dia.”

Ibru 11:2

God apana mapoido wanwanlala sumanaibu epe rua ewene ita mo asou wan.

Ibru 12:23

ita do God ekelesiawa auweia bedeuwo wilen. Mo ebou buka uboa bedewe girumalena. E God mida apana uduudu kotumopia mampe wilen, ita apanawa tontau dodomanau eubu, mida God dewamono ompa osowe wimone sapaidantona, do mampoiten.

2 Pita 3:2

Ne menanedia peroweta kakaibu gagalou, ita do dima Tatamba Iesu Keriso no Inawamba no dianena aposel waeuwau mampe manlawo wiseno etalana osowe insena.

3 Ion 1:12

Tauma ne somba da Demetirius umanawa wapa. Apana uduudu me dewawa euda benemawantoi. Me dewawa euwa mampe sabamoleide me ipa ulaipa bedewe wande. No do me euwawa baiwa gagalontitana, tane e ateiten no benemamba ipa ulaipa.

Gagalo Sabamolala 14:10

God mo baibu wain badowaida imaasane me nuasigasigawa reduwa bedewe mai esa dola memene eindodeno mo baibu enedia napu. Ensel kakaila ita Sip sanaa mo ewamompo ia iikasalala seu do imoie moniantoia bedewe imompo poka debamaia etompa.