Aposel 1:3 - Kanasi

³ Iesu poka etaidasane ita bolen, tane bo bedewe enenwisene walama 40 bedewe aposel mampo sabamolen. Ita me eueuwawa daitada mampe ipawanasadie me ipa inawaa wande. Ita do me God gonaawa umanawa mo mampo benemaleno eteiena.

Aposel 1:3 Iomraidhean Croise

Matiu 28:9

Tane into antoioma Iesu mo dommone diamone wanase, “Euda e manlawo!” Mo me mampeido wimone danawe imimpu emmisintone wawa wadanaitue nuau bedeweido wadaposisaiena.

Matiu 3:2

“E insaisala leusane kadila ene dodomanaitana, ipawa God gonaawa tauma maidalen!”

Matiu 4:2

Me nana mai napona walama 40 ita tadina 40 dialen, sa baiwa Iesu omanatoidasan.

Gagalo euda Iesu Keriso umanawa Mak girumalena 16:19

Iesu mo gagalomono dialeno me wadenposie uboo odene alene God witapa on deneuwe aisidene wain.

Gagalo euda Iesu Keriso umanawa Ion girumalena 20:26

Ema aupe wiki dea dialeno wawe alala osowe du deawaa bedewe mo auwene du moawa gudusabodamone waimoie, tane Tomas do wisene wawe alala isiwa bedeuwolene wandie. Mo du moawa gudusabodamone waimoio Iesu wisene enenaubene auwamone wanase, “Sau euda e manlawo winepi!”

Gagalo euda Iesu Keriso umanawa Ion girumalena 21:1

Ema aupe Iesu osowe wawe alala isiwa doa Galili tampe laio mampo sabamoleno eweiena. Doa sa ebowa da waia Taiberias. Ita wawe alala Saimon Pita, ita Tomas, me ebowa da waia Ragaraga, ita Nataniel, me bola Kana Galili bedewe wanwanlala, ita Sebedi obampa nata, ita do wawe alala nata da doa Galili tampe auwene waimoie. Ita mo dudunau ema epe:

Gagalo euda Iesu Keriso umanawa Ion girumalena 21:14

Iesu bo bedewe enenwisene walama nata wawe alala du bedewe auweio mampo wisene sabamoleno eweiena. Ita tauma natadeawa esa tampe mo mampo sabamoleno eweiena.

Aposel 13:31

Ita apana mida bauta Iesu do Galiliwae odane Ierusalemwa antoiena walama uara bedewe me mo mampo inawaa segaleidio eweie. Mo no apanamba Israelwa mampo Iesu benemawa waio eteie waimoi.

Aposel 19:8

Uaboa natadea bedewe Paul Iuswa gagalou duwe aleidie mai sa ba mala do badowa gagaloleidie God gonaawa gagalowa leusawasadie mo nuau teinedia mo sumanaintopona.

Aposel 28:23

Sa baiwa mo Paul do walama ituiena osowe auwepue gagalontopua baiwa. Tane walama ituienawo apana uaraia Paul wandia bolawe wimoiena. Tadinaida ita rawiwa me God gonaawa umanawa gagaloleidie waeuwadewasamodie. Tane Moses anaanawa mampe ita do dima peroweta bukawa bedewe girumalena mampe waeuwamodie menasadia nuau wadepio mo Iesu atensapu.

Aposel 28:31

Me mai sa ba mala do God gonaawa gagalowaleidie ita Tatamba Iesu Keriso umanawa waeuwaleidio mai mida da enapabodapona, dia.

Aposel 8:12

Tane Pilip sape Gagalo euda God gonaawa umanawa ita do Iesu Keriso umanawa gagalowaleno bola sa apanawa mona ita iwoa etane sumanaiwantone babatutunton.

Paul letawa sumanailala Rom bedewe waimoia mampo girumalena 14:17

No God gonaawa bedewe wainitana, sa baiwa nana nanalala ba nana idiwa dewawa ipa mai ipuipua, dia. Tane dewa dodomana euda, wanwan obasa euda, ita do nuaeumba Aleu kakaiwa no nenedio wadeitana ipa ipuipuaida God gonaawa bedewe.

Kolosia 1:13

No kadi bedewe duba mukawa taudoneno wainitano me kadi taiwa lotonaubene otanene me nuawadawadaida Otopa gonaawa bedewe teanen.

1 Tesalonaika 2:12

No e wadodomanalete badoletana ita nuala ituite wanwan euda God menasadia rua wanlempa. Tane God e me gonaawa ita sapawaida bedewe waina baiwa apalen.

1 Ion 1:1

Iesu Keriso bedewe inaida winede. Me bumpeido wandio danawe nitu uduudu segalentuwan. Tane tauma inaida sa God mampe winedia Iesu Keriso bedewe no mainimbo sabamosano wisen. No me gagalowa wamodio asimboido etatana. Tane do no emamboido me ibuwa ewaidasate ita do me dewawa ewate atenten. Tane mai sa os! No witamboido me etepa wadeite me do wainite leite. Me bedewe inaida winakasala winede.