Aposel 1:16 - Kanasi

¹⁶ wane wanase, “Sosona, dima uduudu mapo buka bedewe Iudas, mida Iesu onawa apanawa me wadapua baiwa banlamona, umanawa girumalena God insaisawa rua ipawanalen. Dima Aleu kakaiwa warere Dawid moawe Iudas umanawa gagalolena ruaida segalentuwan.

Aposel 1:16 Iomraidhean Croise

Matiu 26:14

Ema aupe wawe alala 12 bedeuwo dea ebowa waia Iudas Iskariot pirisi debamau mampo alene

Matiu 26:47

Iesu gagaloleidioma Iudas wisen, me bauta wawe alala 12 bedeuwo dea. Apana uaraia witapo isima ita koinau otamone me do wimoiena. Apana sa uara pirisi debamau ita apana eiau waaubamoiena.

Matiu 26:54

Dima buka bedewe girumalena tauma ideita ulaipalepi, tane Mamana ensel waaubamopono dima buka bedewe girumalena ando ambi segalepona?”

Matiu 26:56

Tane dewa ema uduudu segaleidia dima peroweta bukawa bedewe girumalena ulaipalepia baiwa.” Mape wawe alala uduudu tauwadea Iesu ene sauwo antonatuwaiena.

Gagalo euda Iesu Keriso umanawa Mak girumalena 12:36

Aleu kakaiwa Dawid insaisawa waneno wane wanase, ‘Tatamba God ne Tatana mampe wane wanase, ‘Witana on deneuwe aisite wana ne ideita e wenawenaa nanausimope e waa atowe teamopatuwapi.”

Gagalo euda Iesu Keriso umanawa Mak girumalena 14:43

Iesu gagalo sa wadio bedewe Iudas mampeido wisen. Me ipa wawe alala 12 sou dea. Ita apana uaraia witapo isimau ita koinau otamone me do wimone eneie. Mo ipa pirisi debamau ita apana eiau ita do anaana waeuwalala waaubamoieno wimoiena.

Gagalo euda Iesu Keriso umanawa Luk girumalena 22:47

Iesu gagalo andomana diasapona apana ebowa Iudas, me ipa wawe alala 12 sou dea, apana uara uwau taune banlamone Iesu mampe wimoiena. Iudas Iesu mampeleidie me isuruasapia baiwa,

Gagalo euda Iesu Keriso umanawa Ion girumalena 10:35

Dima God buka bedewe wana winakasalala, mai watadabuasataa rua, diaida. Apana mida God aiawa mampoleno wadeiena me mo ebou itune wana God. Tane ne mai mo ruau, dia. Mamamba God ne sonabanene mebaawaida awoanene itunene tawo osowe waaubanena me insaisawa dewamopine wainepina. Sa baiwa ne umanana wane wanase, ‘Ne God Otopa wainedina.’ Ne epe wana mampe abo ne God wakadisasapona wawuneilana.

Gagalo euda Iesu Keriso umanawa Ion girumalena 13:18

Ita Iesu wawe alala diamone wanase, “Ne e atenlene sonabalene wanawo alala tealeno wainilana. Dima ne wapaa baiwantedina ne mai e uduudu umanala wapa, dia. Ne diaimaaledina e bedelawo sola dea ne dabuanepie onana enepi. Sa ipa dima buka bedewe girumaleno winedia ulaipalepia baiwa. Buka wadi wadiase, ‘Me mida ne sonaida walama uduudu do leite buredna nadia, me ipa sa ne onana apanawa.’

Gagalo euda Iesu Keriso umanawa Ion girumalena 19:36

Sorodia Iesu wawa epateiawa ene tebipa os eneiena dima buka bedewe girumalena ulaipalepia baiwa. Buka ema umanawa wadi wadiase, “Mo me etepa nepa mai da epaputewapi, dia.”

Aposel 1:20

Ita Pita gagaloleidie wane wanase, “Sam bukawa bedewe Iudas umanawa girumalene wadiase, ‘Me duwa aupawa di enompa, mai mida da bedewe wampi, dia.’ Tane do girumalena wadiase, ‘Me nolawa ena aupawa apana da wadepie oniepi.’

Aposel 13:15

Apana sape auwenatuwaieno mo Moses anaanawa ita peroweta girumawa wisiantono eteiena. Ema aupe boru oniedia apanawa Paul ita me sosowa do gagalou wanaubene diamone wanase, “Sosomba, e wasau gagalowa da manlawo winede, ba dia? E gagaloitano no etataa menanede!”

Aposel 13:38

Sosona Israelwa, ne menanedia e ateitana no Iesu bedewe kadi insadabuawa benemawa dialeitana. Mo mida me bedewe sumanaintompa kadiu uduudu bedewe dodomanantopue inantopu. Tane Moses anaanawa ruawantompaa asiasi mai mida dodomanantopue inantopua rua, diaida.

Aposel 15:13

Mo gagalo waieno dialeno aupe Iems enenwisene wane wanase, “Sosona, asisuneanuno gagalonteapa!

Aposel 15:7

Mo gagalontoie gagalo daumaleidio Pita enenwisene wane wanase, “Sosona, e ateiten mapo e uduudu bedelawo God neida sonabanena uwa daitada apanawa mampo Gagalo euda benemanteapo etapue sumanaintopu.

Aposel 2:23

Me mape nolaleidie wandie apana dea me dabuasane e witalawosano kadi dewalala saubu mampe koros osowe tutuitene bosalana. Tane dewa ema mai di segalepona, dia! God bumpeido dewa uduudu atenlentuwana osowe dewa ema insaisawalene ituna rua tauma segalen.

Aposel 2:37

Apana gagalo ema etane nuau enidasano Pita ita aposel isiwa do waitaramone waienase, “Sosomba, no ambi dewantate inantata?”

Aposel 22:1

Me mo diamone wanase, “Sosona, gombana, niapo! Ne asisuneanuno neba baina gagalonteapa e manlawo.”

Aposel 23:1

Paul wisene sape Iuswa eiau ewadomone diamone wanase, “Sosona Israelwa, ne insaisana euda os mampe God simbiawantedine, mai wawu da ne bedenawo dauwa etapona, dia.”

Aposel 23:6

Paul atenlen apana eiau borubu bedewe isiwa ipa Sadusi sosou ita isiwa Parisi apanawa sosou. Sa baiwa me mukama diamone wanase, “Sosona Israelwa, ne Parisi bedeuwo muntena Parisi apanawa wainedina. Ne mape kotu baiwa enedina, ipawa ne sumanaintedine badowa insedina bolala uduudu ando enapuwimopu.”

Aposel 28:17

Paul Rom bedewe wisene waina walamawa natadea dialeno Ius onionialala nisomona me mampe wimopu gagalo baiwa. Mo auweieno me diamone wanase, “Sosona, ne mai kadiwa da dewasapona Ius apanawa mampo, do nosinosimba dewau mai wapadabuasapona, dia. Tane Ierusalem bedewe ne di wadaneiena diburalala rua ita Rom gabemaniwa witapo ituneiena kotu baiwa.

Aposel 28:25

Mo muba insaisau natantono ita a baiwantoio Paul gagalo diasadie wanase, “Aleu kakaiwa peroweta Aisaia bedewe e nosinosila mampo wandewalen. Aisaia bukawa bedewe God wane wanase,

Aposel 7:2

Sitiwin sipoamone wanase, “Sosona ita gombana, asisuneanuno wapa! Sapaida Godiwa Mesopotamia bedewe no atanosimba Abraam mampe segalene wane wanase, ‘E bolaa ita apanaa emoe bola euwaepo bedewe aitaa!’

1 Pita 1:11

Tane Aleu kakaiwa mo bedeuwo wandia mukawa mampe Keriso poka etepie ita ema aupe sapawaida wadepia umanawa bauta benemanton. Mo dima Keriso Aleupa kakaiwa waeuwamodio ando walama dainea ita inainamba ambi segalepia donsapona baiwa banusaie.

2 Pita 1:21

Ipawa peroweta gagalou mai apanaida insaisawa bedewe wineipona, diaida. Tane mo Aleu kakaiwa bedeuwolene waeuwamono God umanawa benemanton.

2 Pita 2:21

Apana ema ipa Gagalo euda kakaila waeuwa dauwa etane atentone, tane dima mo wadane mamposaiena adiananasane eiena. Sa ipa mai ide! Eulepona mo inta dodomana waeuwa bauta mai atensapona.