2 Timoti 2:2 - Kanasi

² Gagalo euda waeuwa apana uduudu danauwo benemantedino e etaana sumanai sosoa dodomana e sumanaibuitiana waeuwadewasamoe witaposaa. Mida e inseiana mo sosou da waeuwamopua rua, mo enitumowo dewasapu.

2 Timoti 2:2 Iomraidhean Croise

Matiu 13:52

Sa baiwa Iesu mo ema epe diamone wanase, “Anaana waeuwalala uduudu mida God gonaawa umanawa etane atentoiena, mo ipa du apanawa rua mida nitu uwataubu du bedewe sanantoio wineia, sanaau ita tontau do otaaubamoio nomoi.”

Matiu 24:25

Etanadewaitana, dima ando segalepia ne tauma diaimaaledina.

Gagalo euda Iesu Keriso umanawa Luk girumalena 12:42

Tatamba me sipoasane wanase, “Du apanawa nola dewalala dainea sonabepi me sosowa oniamompe ita mo nanau omo ruawalempe wanamompa? Me ipa dodomana ita insaisa euda apanawa sonabepio nola sosowa isiwa oniamopi.

1 Korint 4:2

Apana debama menaidasadia nolawa dewalala insaisawa me mampe itumpe nola dainea wanena noladewalempa. Deawaa God menasadia me nolawa dewalala noladewantompa.

2 Korint 2:14

Tane ne God wadaposisadine auwasadina. Keriso bedewee God kadi mukawa daitada nanausimona baiwa no tauma Keriso bedewentene mukamukaua sorodia ruau me do antitana. Ita me no dewanedio Gagalo euda amonantitano nitu bonawa eudida ruawa nosedie bola uduudu bedewe debamaleidio eteie Keriso atensai.

2 Korint 3:5

No nuba mukamba mampe mai nitu da dewasataa rua, dia. Sa baiwa no mai wataase, “No dewa ema dewamoitana!” Diaida! Tane no mukamba ita insaisamba Gagalo euda nolawa baiwa ipa God mampea no nenede.

Kolosia 1:7

God nuawadawadawa amonawa umanawa no nuamba sowa Epapiras do nolantitana e waeuwaleno etale ateiten. Me ipa Keriso nolawa dewalala, sumanai bedewe insaisawa badowa itudie no baimba nolaleidia apanawa.

1 Timoti 1:12

Ne Keriso Iesu no Tatamba, mida ne nolana baiwa muka nena, auwasadina. Imanamampe ne Keriso wakadisasadine ita me apanawaida wareuwamodine kadimodinee, tane ideita Keriso sumanainalene me nolawa baiwa ne sonabanene itunen. Ne sumanaisia wainedina walamawe dewa kadiu ema insakoa mampe dewamodinee, sa baiwa me ne nuaparenalene kadina insendabuasan.

1 Timoti 1:18

Ne otona Timoti, dima imanamampe apana isiwa Aleu kakaiwa diamona rua e umanaa waiena deawaa ne wadina. Gagalona tauma dieedina insene mampe sumanai onawa deaitopa onaitona.

1 Timoti 4:14

Timoti, apana Aleu kakaiwa mukawa mampe gagalontoie ita ekelesia oniamoia apanawa witapu e osoawo ituieno e God amonawa euwa wadaana. Amona sa God e eneena e ideita nolawaitona, mai ea!

1 Timoti 4:6

Timoti, gagalo ema ne girumantena sumanai sosoa isiwa benemamoa. Epe dewaitee e Keriso Iesu nolawa dewalala euda segaite sumanai gagalowa ita waeuwaida euda e waweitena mampee debamaite muka wadaa.

1 Timoti 5:22

Mai diniwaite tauwadea apana da osowe witaa itua ekelesia nolawa wadepia baiwa. Naita epe dewaitawo apana sa nolakadilepia e do me dewawa kadiwa sa bedeweiten. Tane e eba kakaiwaida euda os wanempa.

1 Timoti 6:12

Sumanai onawa bedewe ideita poka bedewainta badowa weuwane aitone ompa osowe wie, ita e eba baia inawinakasala wade manawosaa. E apana uara danauwo sumanaia Iesu Keriso bedewe ituiana ipawa wasabamosaana walamawe God e inawinakasala ema wadaa baiwa apaen.

2 Timoti 3:10

Tane e Timoti ne waroroneie dewana uduudu ewaana. Ne waeuwana, wanwana, ne dima baiwantedina, sumanaina, insaisana obasa, nuawadawadana e ateiten. Ne poka bedewe badowa enane anten.

2 Timoti 3:14

Tane sona Timoti, e ulaipa gagalowa ne waeuwaeno sumanaiwaitene ateitena bedewe wanempa. Epe dewaitona, ipawa e ateiten mida e waeuwaen.

Ibru 2:17

Sa baiwa God inta dea os ituno winede. Ema epe: Iesu me ideita apanaidalen dewa uduudu bedewe sosowaida ruaulen. Ema bedewe me Pirisi ionoidoa wanalene God baiwa noladewaleidie ita no nuaparemba do God ita apana sawanauwo enede. Me meba etepa itune en, apana kadiu siniepiaubepia baiwa.