2 Korint 2:10 - Kanasi

¹⁰ Me mida dewa ema dewasana kadiwa e insenadabuasana ita ne do me kadiwa insepadabuasapa. Tane me mai ne mainawo kadi dewasapona, dia. Tane Keriso emawe ne e baila me kadiwa aitamana insenadabuasana.

2 Korint 2:10 Iomraidhean Croise

Matiu 18:18

Ne ulaipa dialedina, dima e tawo osowe anaanasailana, sa ipa uboo do anaanasade, ita dima e tawo osowe wadeilaaubeilana, sa ipa uboo do wadediaubede.

Gagalo euda Iesu Keriso umanawa Ion girumalena 20:23

E nolene aitane nolaitonuno apana e benemala wadapue mamposapua God mo kadiu insadabuamopi. Tane e aitane nolaitonuno apana e benemala etapue epua mo kadiu winakasalepi.”

1 Korint 5:4

E walama da Tatamba Iesu ebowe auwenuno ne aleu bedewe e do ita do Tatamba Iesu mukawa ipa e do. Tane e auwenuna bedewe kadi dewalala sa kotuwa matangelawa dima wadepia benemawaitana. Ita walama sawo me diane wanaaubena, mai do deaitana, diaida. Apana sa Seitan witapesano me oniempo etepa kadilepio Tatamba wisepie apana kotumompaa walamawe God apana sa aleupa inasapia baiwa.

2 Korint 4:6

God tawo dewasadie wane wanase, “Dubawa bedewe sapa waa!” Me epe wano sapa wan. Me ipa sa siwawa no nuambo dewasano sapaida wan. Siwa sa no nuambo winedia dewanepio God sapawaida Keriso namba osowe enditewadia atentataa baiwa. Sa baiwa no Tatamba Keriso benemawantitana.

2 Korint 5:20

Sa baiwa no Keriso waaubaneno me aupawa wadate gagalontitana. God meba no bedemboe apana apamodie iririmodia me mampe wimopu. No Keriso ebowe iririleite waitanase, “Mai God adiananasanuna, tane me do deaitane me sosowaida wanaitane wanlempa!”

2 Korint 6:6

Do no kakaiwa dodomana os ita God insaisawa atentene wainitana. Tane apana kadiwa mainimbo dewasaio no nuamba aiaisiwa euda do wainitana. No apana uduudu mampo euda os dewasaitana ita ulaipa nuawadawada dewawa sabamosaite eueuwa osowe ituitana. Ita Aleu kakaiwa no banlanedio nolantitana.

Epesus 4:32

Tane e euda dewasanuna ita sosola nuapareuitane saumonuna. Sosola kadileia kadiu insadabuamonuna God e kadila Keriso bedewe insadabuamona rua.