2 Korint 10:8 - Kanasi

⁸ Ne epe wadina, ipawa Tatamba Iesu e onialepina mukawa nen. Ne nolana ipa e sumanaila bedewe saulepino badowa enonune initonuna baiwa, mai teinaaisilepo omena baiwa, sa dia. Tane naita Keriso e onialepina mukawa nena asowawaidantepina, sa ide. Ema baiwa ne mai malawanteapa, dia.

2 Korint 10:8 Iomraidhean Croise

2 Korint 1:24

Do no mai menaneipona e sumanaila bedewe wante dialento rua dewasanuna, ipawa no atenten e sumanaila bedewe badowa eneilana. Tane no menanedia e do awodea nolantonta, e nuaeu nuala nopesampaa baiwa.

2 Korint 10:4

Do no onamba puraiwawa ipa mai tawo ema ba apana insaisawa mampe onantipona, dia. Ona puraiwawa tawo ema mampea mukawa dia. Tane ona puraiwawa God no nenena, sa ipa mukamukauaida, mampe onantite ita dubawa mukawa apana wadadomodie gonaamodia nanausisaite aneitaboleide.

2 Korint 10:9

God ne e saulepina nolawa nen, sa baiwa e mai insenase, ne letana girumamodina mampe dewalepo e saitonune inguguraitonuna baiwa. Sa dia!

2 Korint 12:19

E inseilana ne letana e manlawo girumantedina bedewe ne neba etena bodedine wadina, ba? Nuana sosowa, dima ne wamona, sa ipa saulepio sumanaila bedewe badowa enonuna baiwa. God ne ewanede, ita ne ipa Keriso mampea, sa baiwa ne ulaipa os wadina.

2 Korint 12:6

Ne menaneapono dima uboo ewamona baiwa asowawanteapona, sa ipa ne mai oo dewawa rua di wapona, ipawa ne dima ewamona ulaipaida gagalowanteapona. Tane ne mai dewa ema baibu asowawanteapa. Ne mai menaneipona dima ne uboo donsana baiwa apana asona wapue ebona debamasapu, dia. Ne menanedia apana ne dewana ewapue ita aia ne wadina etapua asiasi ne mainineapu.

2 Korint 13:10

Tatamba Iesu ne muka nena e dewalepo sumanaila bedewe badowa enonuna baiwa, mai dewalepo sumanaila ele omena baiwa. Ne mai menaneipona e manlawo wineape Tatamba muka nena mampe badowa enitulepe dialepa, dia. Sa baiwa ne awoa wainedine letana bedewe wasau gagalowa uduudu dialedina.

2 Korint 13:8

Ne ema epe wadina, ipawa God no muka nenena me nolawa dewasataa baiwa. Mai inta da wineipona no dewa da dewasate ulaipa waeuwa amboitusata, dia. Tane no ulaipa gagalowa nolawantato inilepie debamalepia mukawa God nenen.

2 Korint 7:14

Ne e asola Taitus mampe wadine, tane e eueuwala mampe mai ne malaneapona, dia. No dima uduudu e manlawo watana ipa ulaipa os, deawaa e asola Taitus mampe wana ipawanalen, mai di wapakoanteapona.

2 Korint 7:4

Ne e sumanailantedina e nuala wadanaaubene dodomanaitana rua. Ne e asola wadina ita dima ne e umanala etana mampe insaisa dodomana mainawo wisen. Poka saiwa daitada bedewe nuaeu nuana nopeidosadio badowa enedine antedina.

Galasia 1:1

Ne, aposel Paul, leta ema girumantedina e manlawo. Mai apana da aposel nolawa ema ne neapona, tane do mai apanaida insaisawa rua wapono wadapona, dia. Iesu Keriso ita Mamamba God, mida me bo bedewe inasano enenwisena, mo ne sonabanene waaubaneiena, mai mida da.

2 Timoti 1:12

Dewa ema baibu ne dibura bedewe poka etedina. Tane ne mai malanteipona ba nuana pola waipona, dia. Ipawa ne atenten mida ne sumanaiwantedina, me ipa onionia mamba euda. Do ne badowa insedina sumanai nolawa nena me meba oniempadewalempo wiwisa walamawa wisepi.