2 Korint 10:1 - Kanasi

¹ Ne Paul menanedia neba baina nitu surakaunedia e manlawo dodomanasapa. Keriso me ipa etepa aiaisiwa ita molaaisiwa, epe rua deawaa ne nuawadawada mampe iririledina gagalonteapo aiana etana. Apana isiwa e bedelawo ne kutunna rua waie waiase, “Paul no do wainitana walamawe me ipa etepa aiaisiwa mala do wandie. Tane me no enedie nambe leidia me ipa apana badowa dea, wasau gagalowa nua enenla os wamode.” Tane e inseilana ne Paul ipa epe, ba?

2 Korint 10:1 Iomraidhean Croise

Matiu 11:29

Ne dewana wadane ruanaitana ita ne mainawo aten wadana, ipawa ne ipa molaaisiwa ita etena aiaisiwa. Ne mainawo winlene ita e wanwanla bedewe bubua donsana,

Matiu 21:5

“Ierusalem apanawa ema epe benemamoa, ‘Ewana, e warerela manlawo iede! Me etepa molaaisiwa donki osowe waine aleide, me donki sanaa osowe waine iede.’”

Aposel 8:32

Tane me buka nepa sa wisialeidia wadi wadiase, “Mo sipsip bosapua apanawa mampe banleie antoia rua me banlene bosapua baiwa antoiena. Sipsip bunawa imba totontoia apanawa danauwo onasia enedia rua me onau apanawa danauwo dainawa onasia di enedie.

Paul letawa sumanailala Rom bedewe waimoia mampo girumalena 10:20

Tane do peroweta Aisaia malasia badowa uwa daitada apanawa umanau ema epe wane wanase, “Apana mida mai ne insaneape banuneapona, mo ne doineiena. Ita mo mida mai ne umanana waipona, ne mo mampo wineno ewaneiena.”

Paul letawa sumanailala Rom bedewe waimoia mampo girumalena 12:1

Sumanai sosona, ne e badowaida dialedine wasauledina. God me nuaparewa ita nuawadawadawa amonawa uara nenena baiwa e etela uduudu God mampe amonaitana, mai pue mo bosane God waneiena ruau, dia. Tane ibula inawaa kakaiwaida God mebaawaida wanana, sa ipa God menasadia rua. Ema bedewe e God dodomana simbiasaile wadaposisailana.

Paul letawa sumanailala Rom bedewe waimoia mampo girumalena 15:15

Ne leta ema bedewe dewa isiwa baiwa badowaida dialedina, dima e bauta ateitena nuala awawalepia sawa. Ipawa God me nuawadawadawa amonawa euda nena bedewe ne Keriso Iesu nolawa dewalala wananten uwa daitada apanawa baibu. Sa ipa ne God Gagalowa euda pirisi rua God ita apana sawanauwo enedine amonantedina. Ne epe dewasadina uwa daitada apanawa Gagalo euda bedewe sumanaintope God mampe dodomanantopona baiwa. Inta ema bedewe ne uwa daitada apanawa pulo rua God mampesadino Aleu kakaiwa mukawa mampe kakaiwaida segantoi.

1 Korint 2:3

Walama sawo ne e do wainite nolantedine etena oauara ita sa do uwauwabobontedine.

1 Korint 4:10

No Keriso ebowa baiwa aten debama daitada eidamote wainitana. Tane e Keriso bedewe atenla debamaleno wainilana. No oauara wainitana, tane e mukamukaua wainilana. No ipa apana se wananei, tane e ituposileie ionoleio wainilana.

1 Korint 4:21

E ambi inseilana, menaledia ne auda wadape manlawo wimpa? Ba menaledia oibuoibua nuana aiaisiwa nuawadawada mampe wineapa? Dainea menalede?

2 Korint 10:10

Ne epe wadina, ipawa apana isiwa ne umanana waie waiase, “Paul letawa bedewe gagalo pokawaaida nua enenla wamode. Tane meida mainimbo wisedia walamawe me ewaewawa apana oauara, ita me gagalowa wamodia ipa etadabuala.”

2 Korint 10:2

Tauma ne dialedina aiana etanadewaitana. Naita dia, sa ipa muka neilana manlawo wineape ibula empe badowa gagalonteapaa baiwa. Tane ne aitamana insaisantedina badowa gagalonteapa apana mampo mida mo waiase, “Paul sosowa do apanaida ete insaisawa asiasi waimoie nolantoi.” Tane no mai epe dewantipona, diaida.

2 Korint 10:7

Ewanadewaitana, mai dewa onapea ewonune insaisawaitonuna, tane ipawaida bedewea insaisawa wadonuna. E bedelawo apana mida insedie wadiase, “Ne ipa Keriso mampea me nolawa dewalala!” Apana sa mai insepiase, “Ne os Keriso mampea wainedina!” Ipawa ne do Keriso mampea waaubaneno nolawa dewasadina.

2 Korint 11:21

Tane no e do wainite mai epe dewalepona, dia. Ema baiwa e inseilana ne Paul ipa apana oauara, mai epe dialepia rua, ba? Niapo, ne mai mo ruau aiana badowa wape dialepona baiwa auwaledina! Apana isiwa ne umanau wadina badowa eneie muba asou wai, sa baiwa ne do deawaa dewasape asona wapa. Tane insena, ne ewaewa apana oopa rua epe dewantedina.

2 Korint 11:30

Aposel lagawaau muba asou waia baiwa ne do asowawanten. Poka saiwa daitada sabamosai ne nebaida apana oauara wainedina. Dewa ema baibu ne asowawantedina.

2 Korint 12:5

Ne apana mida dewa ema dommone dauwa etena ebowa wadaposisadina. Ne nebaida mai asona waipona. Tane poka saiwa daitada sabamosai ne ipa apana oauara. Dewa ema os baibu ne asowawantedina.

2 Korint 3:12

Gagalo euda intawa sanaa ema bedewe no insaisamba ituitana. Sa baiwa no mai santipe malantipona, tane badowa eneite benemantitana.

2 Korint 5:20

Sa baiwa no Keriso waaubaneno me aupawa wadate gagalontitana. God meba no bedemboe apana apamodie iririmodia me mampe wimopu. No Keriso ebowe iririleite waitanase, “Mai God adiananasanuna, tane me do deaitane me sosowaida wanaitane wanlempa!”

2 Korint 6:1

No ipa God nolawaida apanawa, me do awodea nolantitana. Sa baiwa no e iririleitana e mida God nuawadawadawa amonawa euwa wadalana mai riasane eno di winakoalempa, dia.

2 Korint 7:4

Ne e sumanailantedina e nuala wadanaaubene dodomanaitana rua. Ne e asola wadina ita dima ne e umanala etana mampe insaisa dodomana mainawo wisen. Poka saiwa daitada bedewe nuaeu nuana nopeidosadio badowa enedine antedina.

Galasia 4:13

Insena, ne kero wadanena baiwa ne bautana e do wante Gagalo euda amonanten e manlawo.

Galasia 5:2

Ne Paul gagalona ema wapo etanadewaitana. Naita e Iuswa anaanau atoweitane ete nonowa dewawa dewasana, sa ipa dima Keriso e baila dewasana mai saulepia rua, diaida.

Epesus 3:1

Ne Keriso Iesu nolawantedine uwa daitada apanawa manlawo Gagalo euda amonantedine, sa baiwa ne diburaneieno wainedina.

Epesus 4:1

Ne Tatamba simbiasadina baiwa mo ne diburaneieno wainedina, sa baiwa dima ne wapaa baiwantedina e etane ruawaitana. God e sonabalene apalena me apanawaida kakaibu wanaitene wainilana, sa baiwa ne badowaida iririledina e wanwanla kakaiwa dodomana God menasadia rua wanlempa.

Pilipai 4:5

Apana uduudu do insaisala aiaisiwa mampe wanlempa, ipawa Tatamba mainimboido!

Kolosia 1:23

Tane sumanaila bedewe bumpala badowa gunaitane enonune ita insaisala dima euda e ando donsane wadana bedewe ituilana mai ene riaitana, dia! Epe dewaitonuna e ando God danawe badowa enana rua. Tane dima e insaisala ituile inta ewaewaitilana umanawa e Gagalo euda bauta amonantoia bedewe etale wadalana. Gagalo euda ema debamaleno apana uduudu tawo osowe wanwanlala etei. Ita benema sa baiwa God ne Paul sonabaneno nolawantedina.

2 Tesalonaika 3:17

Ne Paul auwana ema neba witanawo girumantedina. Ema epe inta ne letana uduudu bedewe ebona girumantedina ne letana ulaipalempaa baiwa.

Pailimon 1:19

Ne, Paul witanaida mampe leta ema girumantedina, ne ando e malesaepa. Tane insea, e ne malesaneapona Keriso bedewe inaida donsaana baiwa, tane sa umanawa ne mai waipona.

Pailimon 1:9

Tane ne e nuawadawadaedina baiwa aiana aiaisiwa mampe e dima dewasapona iririwaedina. Ne Paul ipa apana tontawa Keriso baiwa dibura bedewe wainedine dieedina.

1 Pita 2:11

Nuana sosowa, e tawo osowe ware rua wanriasaitile leilana. Sa baiwa ne e badowa wadewasaledina ete ewanuauwa kadiwa dewawa mai dewasana, eidasana! Ipawa ete ewanuauwa dewawa ema aleu insaisawa onawa dewaleidie amboitusade.

Gagalo Sabamolala 1:9

Ne Ion, e sumanai sola, Iesu bedewe sumanaintedina baiwa poka e eteilana rua deawaa etedina. Ne e do God gonaawa bedewenten ita poka bedewe e mai etedabuaitipona rua ne deawaa dewasadina. Ne God aiawa amonantedina do ulaipa gagalowa Iesu waeuwanena benemawantedina baiwa mo ne wadaneane bonabona ebowa Patmos bedewe diburalala rua ituneiena.