1 Timoti 4:6 - Kanasi

⁶ Timoti, gagalo ema ne girumantena sumanai sosoa isiwa benemamoa. Epe dewaitee e Keriso Iesu nolawa dewalala euda segaite sumanai gagalowa ita waeuwaida euda e waweitena mampee debamaite muka wadaa.

1 Timoti 4:6 Iomraidhean Croise

Matiu 13:52

Sa baiwa Iesu mo ema epe diamone wanase, “Anaana waeuwalala uduudu mida God gonaawa umanawa etane atentoiena, mo ipa du apanawa rua mida nitu uwataubu du bedewe sanantoio wineia, sanaau ita tontau do otaaubamoio nomoi.”

Gagalo euda Iesu Keriso umanawa Luk girumalena 1:3

Tane ne neba dewa ema uduudu bumpe segalene winina deaitopa banudewasasadine atendewantapaa baiwa. Ne inseno eulena dima atentena neida do girumadewantape itupa e debamana Teopilas baia.

Aposel 1:15

Mo epe dewantoie waimoio walama dea bedewe sumanai apanawa 120 rua auweiena ita Pita mo bedeuwo gagalo baiwa enenwisene

Aposel 20:31

Laga waeuwa apanawa manlawo wimopue banlakadisalepua sawa e nauela apana ruau iwuitonune ewonunadewae wanlempa. Ne ena natadea bedewe e do wainite walama ita tadina ruawantene ke do wasauntene nuala itunaimaantena insenuna, mai sumanaila bedewe omena.

Aposel 20:35

Ne wainedina bedewe ne e euwalena no nola pokawaa ema rua dewasate sosomba nuaparelala saumota. Ita Tatamba Iesu aiawaida wana insenta, me wane wanase, ‘Amonaitana bedewe sau euda ita nuaeu debamawa winede, mai enaleio wadeilana rua.’”

Paul letawa sumanailala Rom bedewe waimoia mampo girumalena 15:15

Ne leta ema bedewe dewa isiwa baiwa badowaida dialedina, dima e bauta ateitena nuala awawalepia sawa. Ipawa God me nuawadawadawa amonawa euda nena bedewe ne Keriso Iesu nolawa dewalala wananten uwa daitada apanawa baibu. Sa ipa ne God Gagalowa euda pirisi rua God ita apana sawanauwo enedine amonantedina. Ne epe dewasadina uwa daitada apanawa Gagalo euda bedewe sumanaintope God mampe dodomanantopona baiwa. Inta ema bedewe ne uwa daitada apanawa pulo rua God mampesadino Aleu kakaiwa mukawa mampe kakaiwaida segantoi.

1 Korint 4:17

Gagalo ema baiwa ne Timoti e manlawo wadinaaubedina. Me Tatamba bedewe ne nuana otopaida ita nuawa uduudu mampe noladewaleide. Me e manlawo wisepie waeuwalempa. Ita ne ambi Keriso Iesu dewana uduudu mampe simbiawantedina ita ambi ne waeuwantedina nuala itumpo insenune wanlempaa baiwa. Waeuwana sa ne ekelesia bola uduudu bedeuwo waimoia diamodina.

2 Korint 11:23

Sosona Korintiwa, niapo, ne tauma oopaida rua ne neba asona wadina. Apana sa waie waiase, “No ipa Keriso nolawa dewalala, meba waaubanena.” Deawaa ne do Keriso nolawa dewalala, tane ne mo amboiaidamona. Ne nola pokawaaida dewasana ita Keriso ebowa baiwa walama uara diburaneie, tai mampe epaneiena ita do walama uara bedewe bo maida tane inantedinee. Tane apana sa e bedelawo muba segarau waia mai da epe donsaipe, dia.

2 Korint 3:6

God meba mukawa nenen me saua sanaa apana me do deantopua baiwa wane ituna nolawantontaa baiwa. God sauawa sanaa Keriso bedewe segalena ipa mai anaana asiasi nolaleipona, tane Aleu kakaiwa os mampe nolaleide. Anaana girumala no ampuiasaitana baiwa bo wadedi wisede, tane Aleu kakaiwa me inaida wadedi wisede.

2 Korint 6:4

No dewamba uduudu bedewe sabamosaitana no ipa God nolawa dewalala apanawaida. No kadi ita poka saiwa daitada eteitana, ita inta badowaida bedewainta antitana, mai etedabuantipe eipona, dia.

Epesus 6:21

Ne sumanai sonaida Tikikas e manlawo wapaaubepo wisepi. Me ipa ne sauna walama uduudu Tatamba bedewe simbianedia. Ita me ne umanana uduudu benemalepio ateitana ne nolana dainea os dewamodine wainedina.

Pilipai 2:20

Ne Timoti wadinaaubedina, ipawa me ne nata insaisamba deawaaida, ita me ulaipa mampe insaledie wande. Ne mai sumanai somba da me ruawa donsapona, dia.

Pilipai 2:22

E eba Timoti dewawa eudida ateiten. Me ne nata ewaewawa oto mamba nata ruau ne sauneno Gagalo euda baiwa awodea nolanten.

Pilipai 3:16

Tane ina euwa awa no atentene winena tauma no ideita bedewe ruawantonte antonta.

Kolosia 2:19

Apana sa Keriso, me mida ekelesia uwau nepa, eniene nambeinta alen. Keriso me ekelesiawa uduudu, sa ipa me etepa rua, awodeamodie saumodio badowa eneie ita God menasadia rua inintoie debamantoi.

Kolosia 3:16

Do Gagalo euda Keriso umanawa kainokaino etonune bedelawosanune nopelempo os wanlempa. E aten insaisawa uduudu mampe waeuwaitonune eda wasauitonune wanlempa. Do wadapos sasawa ita aleu sasawa daitada sasaitonune God auwasanuna.

Kolosia 4:7

Ne Tikikas wapaaubepo e manlawo wimpie dima uduudu mainawo segaleidia benemawalepi. Me ipa no sombaida, sau apanawa euda, nuawa uduudu mampe no do Tatamba nolawantitana.

1 Timoti 1:10

ninantoi, apana mona muba sosou mona do ninantoi, ioto muba dewa ipa deawaa dewasai, apana mo sosou da poisamoie mane wadapua baiwa gimaramoi, laga wai, do laga mampe benemasikintoi, ba nitu isiwa mampe sumanai waeuwa dodomana ampuiasai. Anaana apana dewa inainambu ema dewamoia baibu winede.

1 Timoti 4:16

Timoti, e eba ita dima e waeuwaitiana do ewaadewaitaa, mai etedabuaitaa, dia. E epe dewaitona e ita mida e gagaloa eteia do inaitana.

1 Timoti 6:3

Apana isiwa mai Tatamba Iesu Keriso aiawa dodomanaida ba no sumanaimba waeuwa asiasi waeuwantoipona, tane waeuwa da nambea gagalowantoi.

2 Timoti 1:6

Sa baiwa ne dieedina ne witana e osoawo itudino God amonawa euda nolaa baiwa eneena ideita dewasano impe winompa.

2 Timoti 3:10

Tane e Timoti ne waroroneie dewana uduudu ewaana. Ne waeuwana, wanwana, ne dima baiwantedina, sumanaina, insaisana obasa, nuawadawadana e ateiten. Ne poka bedewe badowa enane anten.

2 Timoti 4:3

Epe dewaitona, ipawa walama iedia bedewe apana ulaipa waeuwa etaetawa dabuantompe ita mo muba insaisau rua dewasampa. Sa baiwa mo waeuwa apanawa nambea uara apamopuo wimpue dima mo etaeta menaidamodia diadewasamompo etompa.

Taitus 2:1

Tane sona Taitus, e sumanai waeuwa dodomana asiasi waeuwadewaitona.

1 Pita 2:2

E Tatamba dauwa etale ateiten me ipa eudida e manlawo. Sa baiwa oto gegela ama kewa wadia rua e epe aleu nanawa euda kewa wanune ita God aiawa sa mampe inaida sanaa bedewe muitane debamaitana.

2 Ion 1:9

Apana mida Keriso waeuwa ulaipa bedewe wandie tane edie ulaipa waeuwa andiboe waeuwa da sanaa lagawaa asiasi aleidia, me ipa mai God do, dia. Tane mida Keriso waeuwa ulaipa bedewe wankasaleidia, me mampe Mamamba ita Otopa do waimoi.

Iud letawa sumanailala mampo girumalena 1:5

Dima ne tauma wapaa baiwantedina e uduudu atenla, tane ne menanede osowe wape nuala itupa. Dima mapo Israelwa mampo segalena insena: Tatamba God Israel apanawa uduudu bauta Isibt bedewe banlamono nomonaaubene inanton. Tane muriwa mida mo mai sumanaintopona kadimon.