1 Pita 4:8 - Kanasi

⁸ Gagalo ema debamawaida, insenune wanlempa: E sumanailala eda nuawadawadaitonuna, ipawa nuawadawada kadi uaraia rupumodie nanaumode.

1 Pita 4:8 Iomraidhean Croise

1 Korint 13:1

Naita Aleu kakaiwa sauneipona uwa daitada apanawa aiau ita do ensel aiau daitada waipona, tane nuawadawada bedenawo dia, aia sa uduudu wamoipona ipa ipusiawaia, aia os. Naita nuawadawada mainawo dia, tane aia daitada Aleu kakaiwa sauwa mampe wamoipona etaetawa bero ia tonapa mampe epeipono aiawa mai waipadewaleipona rua. Do naita nuawadawada bedenawo dia, aia sa uduudu wamoipona etaetawa sino pikawasiawaia rurua epeipona rua.

1 Korint 13:4

Me mida sosowa nuawadawadamodia dewawa ema epe: Me sosowa mampo nuawa aiaisiwa os, ita mo mampo me dewawa eulempa. Me mai sosowa mampo nuaewaewalempa, dia. Me mai meba asowa wampa, ita do mai meba ituposilempe debamalempa, dia.

Kolosia 3:14

Dewa sa uduudu nuawadawada mampe dealeidie euleide, ita ewaewa dodomana eudida segaleide. Sa baiwa nuawadawada bedelawosanune wanlempa, mai ena.

1 Tesalonaika 3:12

Tatamba dewasapio e nuawadawadala sumanai sosola ita do apana uduudu baibu inilepie debamalepi, ambi no e nuawadawadaleitana rua.

2 Tesalonaika 1:3

Sumanai sosomba, no inseitana eulena walama uduudu e baila God mampe auwantonta. Ipawa e sumanaila inilene odene debamaidaleide, ita e eda nuawadawadala sumanai sosola mampo do debamaleide.

1 Timoti 1:5

Tane sumanai waeuwaida dewa eubu ema otedie wisede: Nuala euda os mampe sosola do nuawadawadaitonuna. E mai kadi da dewasano nuala wawusampa, ita do sumanai dodomana eudida nualawo winompo wanlempa.

Ibru 13:1

Tane ema do insena: Sumanai sosola isiwa do nuawadawadaitonuna.

Iems 5:12

Sosona, dima ne gagalowalepa ipa debamawaida, sa baiwa asisudewaitana! E mai uba mampe, ba tawo mampe, ba nitu da ebowa mampe kangoraitana, diaida! Tane e gagalola ipawa ‘Oa’ ba ‘Dia’ os wanuna. Naita, ‘Oa’, sa ipa ‘Oa’ wana, naita ‘Dia’, sa ipa ‘Dia’ wana. Epe os wanuna, ipawa kangoraitana God e kotulepie wawula donsapi.

1 Pita 1:22

E ulaipa gagalowa etale ruawaitena baiwa e kadila uduudu mitamone eulen ita sumanai sosola do ulaipa mampe nuawadawadaitilana. Tane tauma ideita nuala uduudu mampe eda nuawadawadaitonuna.

3 Ion 1:2

Nua sona, ne e baia rauparintedina e wanwana euda ipuipua ita inawaa os wanempaa baiwa. Tane ne atenten e aleu bedewe euda os wainiana.