1 Korint 9:16 - Kanasi

¹⁶ Tane ne Gagalo euda amonantedina asowa mai wapaa rua, dia. Ipawa Keriso meba ne sai ema osonawo itun, mai ne neba nola ema sonabepe wadapona, dia. Naita ne Gagalo euda mai amonanteipono God nuakadiwa ne osonawo iapona.

1 Korint 9:16 Iomraidhean Croise

Matiu 25:16

Nolawa dewalala mane petawa 5 wanena me dodomana alene nolawalene dewasano debamalen, ita me mane petawa 5 osowesane itun.

Gagalo euda Iesu Keriso umanawa Luk girumalena 9:62

Ita Iesu me wadewasasane wanase, “Me mida nolawa sanaa dewasadie wandia mai nolawa tontawa insaisawalepie nuawa teinepi, dia. Deawaa me mida God gonaawa nolawalepia menasampa, mai leusaewalepie dewawa edia nuawa teinepi.”

Aposel 4:20

No epe waitana, ipawa dima no ewate etatana umanawa gagalowantitana mai etaa rua, diaida.”

Aposel 9:15

Me a dabualeidio Tatamba me diene wanase, “E aitaa me mampe! Ne me sonabena nolanalepie uwa daitada apanawa ita mo warereu mampo ne ebona wasabamosapio atentopu. Ita ne me sonabena Israelwa mampo do ne wasabamona wapio ateineapu.

Aposel 9:6

E dogo osowe enawie Damaskas bedewe aite dima dewasaa umanawa dieepu!”

Paul letawa sumanailala Rom bedewe waimoia mampo girumalena 1:14

Tane Iesu Keriso ne baina bolena saiwa sa mainawo winedia ne ideita edawa God Gagalowa euda apana uduudu, mo mida girumalala bola debamauwo ita do bola kerakera bedeuwo girumasiawaia waimoia, mampo amonanteapa.

Paul letawa sumanailala Rom bedewe waimoia mampo girumalena 15:17

Ne Keriso Iesu bedewentena baiwa ne nolana God baiwa dewasadina nuaeuwantedine asowawantedina.

Paul letawa sumanailala Rom bedewe waimoia mampo girumalena 4:2

Naita me God mampe dodomanalepona dewa uduudu dewasadia bedewe me ideita segarawalepona. Tane God emawe sa ipa dia.

1 Korint 4:15

Ne diaidaledina, ipawa Keriso Iesu bedewe ne e mamala wainedina. Ne bautantene manlawo winene Gagalo euda Keriso Iesu umanawa benemalena mampe mamala wananten ita ne e gamolena uduudu wainilana. Apana uaraia e Keriso bedeweitene wainilana wasauleie onialei, tane ne os e mamalaida wainedina.

1 Korint 9:12

Tane Gagalo euda amonalala apanawa isiwa mo ideita e manlawo sau donsai, sa baiwa ne Paul ita nola sosona do no ideita e manlawo ete mampe sau donsapona. No do e saunepona rua os, tane no sai ema mai e osolawo itupona, dia. No poka saiwa daitada bedewainta anten, ipawa no mai menaneipona dima dewasato Gagalo euda Keriso umanawa no benemantitana debamalepe alepona enabodasapi.

1 Korint 9:14

Deawaa, Tatamba Keriso wane wanase, “Mo mida Gagalo euda amonantoia bedewe ete sauwa da osowe waimompaa baiwa donsampaa rua.”

2 Korint 2:12

Walamaipa ne bola Tiroasiwa Gagalo euda Keriso umanawa amonawa baiwa wineno sape Tatamba ne baina inta wadenauben.

Kolosia 4:17

E Akipas wasausane diane wanase, “E Tatamba nolawa eneena mai ea, ideita dewasae diasaa!”