1 Korint 8:1 - Kanasi

¹ E leta bedewe ne waitaraneale walanase, “God lagawaau sumanaibulala mo godiu kokoitaubu baibu moia pulontoia no nantaa rua, ba dia?” Dima e wailana ema epe: Isiwa e bedelawo waie waiase, “No uduudu God atemba wadate wainitana. No atentena God dea os wande, mai god da wainipona, diaida, sa baiwa no rua os moia sa pulontoia nanta.” Ulaipa, no God atemba wadate wainitana. Naita no aten insaisawa sa bedembo winompo asiasi antonta, tane nuawadawada bedembo dia, no kasawogamba debamalepio asowawaidantata. Tane naita no nuawadawada bedembo winompo asiasi wainenta, sa ipa sosomba do sumanai bedewe badoidantata.

1 Korint 8:1 Iomraidhean Croise

Aposel 15:10

Mai ete nonowa dewawa saiwa uwa daitada apanawa sumanaintoia osouwo ituna, dia! E epe dewaitile God nuawa kadisailana. No anaanamba saiwa no nosinosimba mai awanepona rua, deawaa no mai rua sai sa awanepona, dia. Dima baiwa e anaanamba saiwa sa uwa daitada sumanaintoia osouwo ituilana?

Aposel 15:29

Ema epe: Nana kokoitau mampo pulontoia mai nana, ena. Mai osina nana, dia! Moia gadompawa tai mampe tauio boleidio osina nipawa bedewe winedia mai nana, ena. Nina dewawa mai dewasana, ena! Eulena dewa ema uduudu mai dewamona. No e auwaleitana, deaitopa wanlempa, niapo!”

Aposel 21:25

E no dima dieetana rua dewasae Iuswa sumanailala mape waimoia nuau eusaa. Tane mo uwa daitada apanawa sumanailala letau girumantene Moses anaanawa umanawa diamotano atentone waimoi. No diamote watanase, ‘Nana kokoitau mampo pulontoia miramiraua mai nana, osina mai nana, do moia gadompawa tai mampe tauio boleidio osina nipawa bedewe winedia mai nana. Nina dewawa mai dewasana, dia.’”

Paul letawa sumanailala Rom bedewe waimoia mampo girumalena 11:25

Sumanai sosona, dima werego winawinalala tane God ne mainawo sabamosana benemalepo ateitana, e eba atenla debama asowawaitana sawa. Ipawa ema epe: God Israelwa isiwa nuau dewasano anateiena ideita waimompo uwa daitada apanawa God sonabamona sumanai bedewe odaputuwapio tauma Israelwa nuau anaanatala wadapuaubepue sumanaintopu.

Paul letawa sumanailala Rom bedewe waimoia mampo girumalena 12:16

Sosola do insaisala dea os wanlempa. Mai asowawaitana, tane sosola ebousiawaia do deaitonuna. Mai eba atenla asowawaitane itupositana, dia.

Paul letawa sumanailala Rom bedewe waimoia mampo girumalena 14:10

Tane dima baiwa e sumanai soa ewadabuasaiana, ba soa da ituaisisaiana? Mai epe dewaitana, ipawa no uduudu ando God kolaiwatawa danawe kotu baiwa enata, buka bedewe girumalena rua. Epe wadi wadiase, “Ne ipa God wanwankasalala wadina. Apana uduudu ne dananawo ando imimpu emmisintopue wapuase, ‘E ipa Godida.’”

Paul letawa sumanailala Rom bedewe waimoia mampo girumalena 14:14

Ne Keriso bedewentene insaisana ema wadane atenten: Ne mainawo nana uduudu ipa eubu os nanala, mai nana da mira do, dia. Tane sumanai somba da insepiase, “Nana isiwa mira do, mai napaa rua.” Me nuawa bede epe insempa, nana sa ipa miramiralen me baiwa.

Paul letawa sumanailala Rom bedewe waimoia mampo girumalena 14:19

Sa baiwa muka uduudu mampe rubusante awodea deaitopa wainenta ita sumanaimba bedewe badowa eneitana baiwa eda sauntonta.

Paul letawa sumanailala Rom bedewe waimoia mampo girumalena 14:22

E dewa ema baiwa insaisaa dainea inseie sumanaiwaitiana, sa ipa e God nata manlawo winakasalepi. Tane apana mida dewa da me insedia dewasapia rua me dewasampa, me meba nuawa mai wawusampa, me ipa nuaeulempa.

Paul letawa sumanailala Rom bedewe waimoia mampo girumalena 14:3

Me mida nana uduudu nadia mai sowa da nana isiwa idileidia ituaisisapi, dia. Tane do apana mida nana isiwa idileidia mai sowa nana rebareba namodia ewadabuasapi, dia, ipawa God mo nata nuawadawadamone mampemon.

Paul letawa sumanailala Rom bedewe waimoia mampo girumalena 15:14

Sumanai sosona, ne leta ema e manlawo girumantedina. Tane ne e insaisala wadedine atenten e dewa eubu dodomana os dewamoilana. E sumanai waeuwa atendewaiten ita sumanai sosola wadodomanamona rua os.

1 Korint 1:5

Ne God auwasadina, ipawa Keriso umanawa no manlawo benemanteno nualawo winaidasadio ruawaidaitile wainilana. Ita do God auwasadina Keriso Iesu bedewe me Aleu maurawa debamaia enalena mampe gagaloitonuna mukawa wadalana ita do aten mampe debamaitene wainilana.

1 Korint 10:15

Ne e mida insaisa dodomana apanawa manlawo gagalontedina. E eba ne gagalona ema wadaewasane ewana.

1 Korint 10:28

Tane e moia sa nanawa baiwaitonuno sola da wapiase, “Sosona, moia sa mai nana, ipawa moia sa kokoitau mampe pulontoiena.” Apana sa epe dialena baiwa moia sa mai nana, me nuawa wawusapia sawa.

1 Korint 14:20

Sumanai sosona, sai ema bedewe mai seda kerakera insaisau rua insenuna. Tane kadi dewawa mampe, sa ipa e seda gegelauida ruauitana. Tane insaisa dodomana wadonune ita ema bedewe e atenla inilepie debamaidalempo wanlempa.

1 Korint 15:34

Sa baiwa itukoa ene enanawilene insaisala euda dodomana leusane wadane ita kadi dewawa eidasana. Ne epe wadina, ipawa e isiwa God mai atendewaitapona, dia. Sa ipa malaida e manlawo.

1 Korint 4:10

No Keriso ebowa baiwa aten debama daitada eidamote wainitana. Tane e Keriso bedewe atenla debamaleno wainilana. No oauara wainitana, tane e mukamukaua wainilana. No ipa apana se wananei, tane e ituposileie ionoleio wainilana.

1 Korint 4:18

E bedelawo isiwa muba debamantoie nolantoia abo ne eidalepona rua.

1 Korint 4:6

Sumanai sosona, dima ne ita Apolos umanamba wana e waeuwa euda wadana baiwa wana. No eueuwamba ne benemawantena e atendewaitapono e mai sosola isiwa ituposimoipe ita isiwa ituaisimoipona, dia. Dima uduudu dewamoilana buka wadia rua dewasana, mai eba insaisalawo, dia.

1 Korint 5:2

E kadi ema baiwa nuapareidaitipe God mampe malaitipe saitipona. Tane e di wankoaitilana. E sola kadi dewasadia bedelawo wadapaaubepono nosepe nambelepona, tane e mai dewasapona, dia! E onape di nuaeuitile asola wailana.

1 Korint 5:6

Kadiwaida ema e bedelawo segaleno tane e di asola wailana, e asola ipasia. God Iuswa diamona Pasowa odawa ema epe odantompa: Mo bauta du deadea bedewainta antompe bured inarepa banumompe otamompe aubamompa. Mo epe dewantompa, ipawa bured inarepa sa bedewe nana ist wineia baiwa. God nana ist umanawa wadie apanawa waeuwamodia, sa ipa kadi umanawa wade. Me diamona mo bured inarepa aubamompe aupe bured sanaa, bedewe mai nana ist dola, sumompa oda walamawe nanawa baiwa. Tane do mo kadiu pulowa baiwa sipip sanaa bosampa. Ita aupe mo Pasowa odawa odantompa. Tane tauma God Keriso pulo rua itun no kadiwamba baiwa. Sa baiwa God menasadia no tauma oda sanaa odantonta, mai me bauta apanawa diamona rua dewasanta, dia. Mapo no bured inarepa nana ist dola rua wainitee. Tane Keriso bowa mampee no tauma bured sanaa bedewe mai nana ist dola rua wainitana. No kadi taiwa taunedia etaiate inantene ina sanaa wadatana. Sa ipa no Pasowa odamba ipawaida. E uduudu ateiten bured susuwa baiwa parawa debama bedewe nana ist kerauda os ituilano parawa sa bedewe ist uduuduleide. Deawaa, kadi e bedelawo winompa kadi sa e uduudu wadaledituwade. Sa baiwa e kadiwa uduudu riasane nambesane ene ina sanaa wadale wainilana bured sanaa bedewe mai nana ist dola nanuna. Ema ipawa ipa e ulaipa os wanuna ita dewa euda dodomana os dewasanune wanlempa.

1 Korint 8:2

Mo mida muba insaisau wadeie waiase, “No aten insaisawa debama wadate wainitana,” sa ipa mo mampo aten kerauda winede, mai debama wadapona, dia.

1 Korint 8:4

Tauma god lagawaau sumanaibulala mo godiu kokoitaubu baibu moia pulontoia nanawa umanawa dialepa. No atentena kokoitau uduudu diapanau, mo god lagawaau ipusiawaia baibu kokoitau di dewamoie teamoi. Ita no atentena God dea os wande, mai god da wainipona, dia.

1 Korint 8:7

Sumanai sosomba isiwa walama daumawa god lagawaau dewawa dewasaie intawentona baiwa kokoitau diapanau mai atendewamoipona. Mo sumanaibu atemba kerauda do waimoi, sa baiwa mo daubu eteie atentoi moia god lagawaau mampe pulowantoia mai napu, dia. Ita mo muba daubu eteie dabuantoi, tane moia sa naia mampee nuau kadisaie dauwa etei.

Epesus 4:16

No uduudu me etepa wainitana ita ete moawa uduudu me oniamodio nolauwonolauwo dewasaio ete dealeide. Tane ete moawa uduudu Keriso mukawa wadeiena rua nolauwonolauwo dewasampo ete inilepie debamalepi, ita nuawadawada mampe eda sauntompo badolempa.

Kolosia 2:18

Apana da e manlawo wisepie wapiase, “Ne auwen rua bedewe dewa da ewana, sa baiwa ne dima etana baiwa eba ituaisitane ita do ensel wadaposimonuna.” Apana mida epe gagaloleidia me mampe ewanadewaitana, e insaisala surakausapie banlakadisalepio unela God mampe wadapona enaiana sawa. Me ipa apanaida insaisawa asiasi gagaloleide ita di meba ituposileidie segarakoakoaleide.

Gagalo Sabamolala 2:14

Tane dewa isiwa kadisailana ne dabuanedia benemaledina: E bolalawo apana isiwa mo mida apana ebowa Balaam waeuwawa wawentoia waimoi. Balaam Israel banlamodia apanawa ebowa Balak waeuwasano ita Balak waeuwa sa mampe me apanawa Israelwa banlakadisamodio kadi dewasaie. Mo apana da godiu lagawaau sumanaiwantoia dewawa bedewentone do pulowa ituia nanawa naiena. Tane do Balaam waeuwawa mampe Balak apana banlakadisamodio ninarebarebantoie.

Gagalo Sabamolala 2:20

Tane dea e dewasailana ne dabuanedia benemawaledina: I ebowa Iesebel, mida meba umanawa wadia me ipa God perowetawa, e bedelawo wande. Me waeuwawa osowe ne nolana dewalala banlakadisamodio kadi dewasaie ita ninantoi, do apana da godiu pulowa ituia nanawa nai. Tane e mai dabuasaipe taneipona, di manlawosailana.